सोशल डिस्टन्सिंग राखून भोजन व्यवस्था, कणकवलीत ‘कमळ’ थाळी सुरु

सिंधुदुर्ग : ‘कोरोना’च्या पार्श्वभूमीवर लॉकडाऊनमुळे हातावर पोट असलेल्या गरीब मजुरांचे दोन वेळच्या जेवणाचेही हाल होत आहेत. हीच गरज ओळखून कणकवली नगरपंचायतीच्या मदतीने ‘कमळ’ थाळी सुरु करण्यात आली आहे. (Kankavali Nitesh Rane Kamal Thali)

कणकवली शहरात आम्ही कणकवली नगरपंचायतीच्या सहकार्याने दररोज 150 व्यक्तींसाठी ‘कमळ’ थाळी सुरु करत आहोत. ही थाळी विनामूल्य असणार आहे, अशी घोषणा कणकवलीचे आमदार नितेश राणे यांनी काल केली होती. ‘या संकटाच्या काळात गरिबांना “कमळ” थाळीमुळे नक्कीच मदत होईल!’ असा विश्वासही त्यांनी व्यक्त केला होता.

पुण्यात ‘शरद भोजन’ सुरु, ‘कोरोना विषाणू’ संसर्ग काळात योजना

नितेश राणे यांनीच ‘कमळ’ थाळी वाटपाचे फोटो ट्विटरवर शेअर केले आहेत. पहिल्या दिवशी दोनशे जणांना थाळी दिल्याचं त्यांनी सांगितलं.

‘कमळ’ थाळीमध्ये नेमकं काय? -दोन मूद भात, दोन चपात्या, एक वरण/डाळ (आमटी), एक भाजी स्थळ : लक्ष्मी विष्णू हॉल, विद्यानगर (संजीवन हॉस्पिटलजवळ), कणकवली वेळ : – दुपारी 12 ते 2 वाजेपर्यंत

In Kankavali 1st day of “Kamal” thali .. today 200 people were served! pic.twitter.com/PefFCL9okD

— nitesh rane (@NiteshNRane) April 15, 2020

शरदथाळी आणि शिवथाळी

‘कोरोना’च्या पार्श्वभूमीवर नागरिकांची गैरसोय टाळण्यासाठी ‘शिवभोजन थाळी’ योजनेचा विस्तार करण्यात येणार आहे. पुढच्या तीन महिन्यांसाठी ‘शिवभोजन थाळी’ 10 रुपयांऐवजी 5 रुपयांमध्ये देण्याचा निर्णय घेण्यात आला आहे.

दुसरीकडे, ‘कोरोना विषाणू’मुळे निर्माण झालेल्या परिस्थितीच्या पार्श्वभूमीवर पुणे जिल्हा परिषद निराधार दिव्यांग व्यक्तींच्या मदतीला धावून आली आहे. विषाणू संसर्गाच्या काळात पुणे जिल्ह्यात ‘शरद भोजन योजना’ सुरु करण्यात आली आहे.

निराधार दिव्यांग व्यक्ती, गरोदर माता, दुर्धर आजार असणारे निराधार व्यक्ती आणि ज्येष्ठ नागरिक यांना दोन वेळचे अन्न पुरवण्यासाठी ‘शरद भोजन योजना’ सुरु करण्याचा निर्णय घेतला आहे. ज्या दिव्यांग, आजारी किंवा वयोवृद्ध व्यक्तींच्या घरी जेवण तयार करणारं कोणी नाही, त्यांना या योजनेचा लाभ होईल.

(Kankavali Nitesh Rane Kamal Thali)