गणेशोत्सवादरम्यान मेट्रोच्या जादा फेऱ्या,अंधेरी आणि गुंदवली स्थानकातून शेवटच्या मेट्रो वेळेत रात्री अर्धा तास वाढ

बेस्टच्या पाठोपाठ आता महामुंबई मेट्रो ऑपरेशन कॉर्पोरेशन लिमिटेडने ( एमएमएमओसीएल ) देखील गणेशोत्सवादरम्यान मेट्रो ट्रेनच्या वाढीव फेऱ्या चालविणार आहे.गणेशोत्सवादरम्यान रात्री उशीरा प्रवास करणाऱ्या प्रवाशांच्या सोयीसाठी मेट्रो प्रशासनाने हा निर्णय घेतला आहे. हे लक्षात घेता 11 सप्टेंबर ते 17 सप्टेंबर या काळात अंधेरी ( पश्चिम )आणि गुंदवली या दोन्ही टर्मिनल्सवरून शेवटची मेट्रो ट्रेन रात्री 11 ऐवजी रात्री 11.30 वाजता सुटेल. गणेशोत्सवात रात्री उशीरापर्यंत मुंबईत गणेश दर्शनासाठी फिरणाऱ्या भाविकांना आपापल्या घरी पोहचता यावे,यासाठी हा निर्णय घेतला आहे.

विस्तारित सेवांचा तपशील:

अंधेरी (पश्चिम) आणि गुंदवली टर्मिनल्सवरून शेवटच्या ट्रेनची वेळ 30 मिनिटांनी वाढवण्यात येणार आहे.

दोन्ही टर्मिनल्सवरून अतिरिक्त मेट्रो ट्रेन रात्री 11.15 आणि 11.30 वाजता सुटतील. गुंदवली ते दहिसर (पूर्व)आणि अंधेरी (पश्चिम) ते दहिसर (पूर्व) या स्थानकांदरम्यान चार वाढीव फेऱ्या सुरु केल्या जातील.

या विस्तारामुळे प्रमुख स्थानकांवर एकूण 20 अतिरिक्त फेऱ्या चालवल्या जातील. या वाढीव फेऱ्यांचा तपशील खालीलप्रमाणे:

१. गुंदवली ते अंधेरी (पश्चिम): रात्री 10:20, 10:39, 10:50 आणि 11 वाजता (4 फेऱ्या )

२. अंधेरी (पश्चिम) ते गुंदवली : रात्री 10:20, 10:40, 10:50 आणि 11 वाजता (4 फेऱ्या )

३. गुंदवली ते दहिसर (पूर्व): रात्री 11:15 आणि 11:30 वाजता (2 फेऱ्या )

४. अंधेरी पश्चिम ते दहिसर (पूर्व): रात्री 11:15 आणि 11:30 वाजता (2 फेऱ्या )

५. दहिसर (पूर्व) ते अंधेरी पश्चिम : रात्री 10:53, 11:12, 11:22 आणि 11:33 वाजता (4 फेऱ्या )

६. दहिसर (पूर्व) ते गुंदवली : रात्री 10:57, 11:17, 11:27 आणि 11:36 वाजता (4 फेऱ्या )