Maharashtra News LIVE : ओबीसी नेते लक्ष्मण हाके यांच्यावर हल्ला, मनोज जरांगेंवर केला आरोप

गणेशोत्सवत मुंबईत आंदोलन करणं कठीण असल्याचे चंद्रशेखर बावनकुळे यांनी म्हटलं. कायदा-सुव्यवस्था बिघडणार नाही, याची काळजी घ्यावी लागेल, असेही त्यांनी सांगितले. गणेशोत्सवाच्या काळात मुंबईत आंदोलन करणे योग्य नसल्याचेही त्यांनी सांगितले.

वकील असीम सरोदे म्हणाले, विद्यानंद बापट एकटे नाही त्यांच्या सोबत सर्व कायदेशीर टिम त्यांच्या सोबत आहे. ध्वनिप्रदूषण कोणा एकाचा विषय नाही. सर्वांनी एकत्रित येऊन काम करुयात. कायद्याची अंमलबजावणी व्हावी. सणांमध्ये पण कारवाई झाली पाहिजे. सामाजिक प्रबोधन सर्व मार्गांनी झालं पाहिजे. सदानंद दाते यांनी कठोर पावले उचलली तर नक्कीच परिवर्तन होईल’.

नागपुरात मुख्यमंत्री देवेंद्र फडणवीस आणि चंद्रशेखर बावनकुळे यांच्यात बैठक सुरू आहे. मराठा आरक्षणाच्या आंदोलनाच्य पार्श्वभूमीवर या बैठकीला महत्व प्राप्त झालं आहे. या बैठकीत नेमकी काय चर्चा होते, हे पाहावे लागेल.

गणेशोत्सवातील पाणी नियोजनावर नगरसेवक आक्रमक झाले आहेत. MIDCच्या पाण्याचे प्रेशर वाढवा, टंचाईग्रस्त भागात वाढीव टँकरने पाणीपुरवठ्याचा ठराव मंजूर झाला आहे. कमी पाणी येणाऱ्या भागांसाठी विशेष नियोजन करण्याच्या प्रशासनाला महासभेत स्पष्ट सूचना देण्यात आल्या आहेत.

पुणे स्टेशन नजीक बी.जे वैद्यकीय महाविद्यालय मुलांच्या वसतीगृह आवारातील जुनी पाण्याची उंच टाकी धोकादायक झाली असून पडण्याच्या स्थितीत असल्याचे समोर आले आहे. येथील रहिवाशी, बै.जी.प्रशासन, सुरक्षारक्षक यांना खबरदारीची सूचना देण्यात आल्या आहेत. अग्निशमन दल, मनपा आपत्ती व्यवस्थापन विभाग व पोलिस विभाग दाखल झाले आहेत

एमपीएससीच्या परीक्षांमधील कथित गैरप्रकार आणि विद्यार्थ्यांच्या प्रश्नांवरून आमदार रोहित पवार यांनी मुख्यमंत्री देवेंद्र फडणवीस यांच्यावर जोरदार टीका केली. एमपीएससीचे अध्यक्ष हे मुख्यमंत्र्यांचे मित्र असल्याचा दावा करत, त्यांना मुख्यमंत्र्यांचे पाठबळ असल्याचे रोहित पवार म्हणाले.

ओबीसी समाजाचे नेते लक्ष्मण हाके यांच्यावर तीन ते चार तरुणांनी हल्ला करण्याचा प्रयत्न केला. ओबीसीचा आवाज दाबण्याचा हा हल्ल्याच्या माध्यमातून प्रयत्न होता असे लक्ष्मण हाके यांनी म्हटले.