Maharashtra News LIVE : खासदार फुटीनंतर उद्धव ठाकरे आक्रमक, आज धाराशिवमध्ये होणार सभा

महापौर हिमगौरी आडके शहरातील अतिक्रमणांबाबत आक्रमक झाल्या आहेत.  अधिकाऱ्यांना घेऊन महापौर थेट रस्त्यावर असलेल्या अतिक्रमणाच्या ठिकाणी आल्या. अधिकाऱ्यांना आदेश देऊन जागीच अतिक्रमण तोडले. नाशिकच्या गंगापूर रोड परिसरातील अनधिकृत अतिक्रमणांवर हातोडा मारण्यात आला.  स्वतः महापौर रस्त्यावर उतरल्याने अतिक्रमित बांधकाम धारकांची धावपळ झाली.

दुर्गराज रायगडावर छत्रपती शिवाजी महाराजांचा तिथीनुसार 353 वा राज्यभिषेक सोहळा साजरा होतोय. या सोहळ्याला ऊपमुख्यमंत्री एकनाथ शिंदे आणि इतर मान्यवर उपस्थित आहेत. शिवरायांचा राज्याभिषेक म्हणजे स्वातंत्राचा विजय सोहळा आहे… त्यामुळे दरवर्षीप्रमाणे यंदाही हजारो शिवभक्त या ऐतिहासिक सोहळ्याचे साक्षीदार होण्यासाठी गडावर दाखल झाले आहेत.

जळगावच्या सराफ बाजारात सलग दुसऱ्या दिवशी सोन्या आणि चांदीच्या दरात मोठी वाढ झाली आहे. सोन्याच्या दरात 2 हजार 200 रुपयांची तर चांदीच्या दरात 2 हजार रुपयांची वाढ झाली आहे. सोन्याचे दर जीएसटीसह 1 लाख 47 हजार 496 रूपये तर, चांदीचे दर जीएसटीसह 2 लाख 33 हजार 810 रुपयांनी वाढले आहेत.

आषाढी एकादशीनिमित्त पालखी पंढरपूरच्या दिशेने मार्गस्थ झाली आहे. सुमारे ७०० वारकरी पालखीसोबत पायी प्रवास करत आहेत. मेडशी येथे भाविकांकडून पालखीचे उत्स्फूर्त आणि भव्य स्वागत करण्यात आलं.  विठ्ठल नामाच्या गजराने परिसर भक्तिमय झालं आहे. संत गजानन महाराजांच्या दर्शनासाठी हजारो भाविकांची गर्दी पाहायला मिळत आहे.  आज पालखीचा मुक्काम डव्हा येथे आहे. चार दिवसांनी हिंगोली जिल्ह्यातील सेनगाव मार्गे पालखी मराठवाड्याकडे प्रस्थान करणार आहे.

जळगावच्या सराफ बाजारात सलग दुसऱ्या दिवशी सोन्या आणि चांदीच्या दरात मोठी वाढ झाली.  सोन्याच्या दरात 2 हजार 200 रुपयांची तर चांदीच्या दरात 2 हजार रुपयांची वाढ झाली आहे. सोन्याचे दर जीएसटीसह 1 लाख 47 हजार 496 रूपये झाले तर चांदीचे दर जीएसटीसह 2 लाख 33 हजार 810 रुपयांवर पोहोचले.

मिरा-भाईंदर : प्लेजंट पार्क परिसरात एक धक्कादायक घटना समोर आली असून, गाडीतील एअरबॅग अचानक उघडल्याने २५ वर्षीय युवकाचा मृत्यू झाल्याची घटना घडली आहे. मृत युवकाचे नाव मोहित सोनी (२५) असे असून, या घटनेमुळे परिसरात हळहळ व्यक्त केली जात आहे.

परभणीच्या बस स्थानक परिसरातून मेडइन पाकिस्तान आणि मेडइन इंडोनेशिया असलेली बेकायदेशीर आयात केलेली बनावट सौंदर्यप्रसाधने जप्त करण्यात आली.  अन्न व औषध प्रशासन विभागाने कारवाई करत एकूण 27 हजार 85 रुपयाचा साठा जप्त केला. याप्रकरणी दुकान मालक पारसा राम यांच्यावर विरुद्ध कोतवाली पोलीस ठाण्यात गुन्हा दाखल झाला आहे.

बीड ब्रेक- विलास घुले हत्या प्रकरणात एसआयटी कडून खासदार बजरंग सोनवणे यांच्या पुत्राची चौकशी होणार अशी माहिती खात्रीलायक सूत्रांनी दिली आहे. सौरभ सोनावणे हे आज दुपारी केज पोलीस स्टेशन मध्ये स्वतः हजर राहून चौकशीला सामोरे जाणार आहेत.

विलास घुले हत्या प्रकरणात फिर्यादीने पुरवणी जबाबात नाव दिलेल्या खासदार बजरंग सोनवणे यांचे पुत्र सौरव सोनवणे यांना चौकशीसाठी एसआयटी ने पोलीस स्टेशनमध्ये बोलवण्यात आल्याची माहिती समोर आली आहे.

पुणे – केतन अग्रवाल हत्या प्रकरणी लोणावळा ग्रामीण पोलिसांनी आतापर्यंत आठ जणांचे जबाब नोंदवले आहेत. यात लोहगड किल्ल्यावरील सुरक्षारक्षक, पायऱ्यांच्या मार्गावरील विक्रेत्यांचा समावेश आहे. सिया गोयलच्या भावाचा ही पोलिसांनी चौकशी करून महत्त्वाची माहिती घेतली

मुंबई,उपनगरी रेल्वे मार्गावरील स्ळांची दुरुस्ती तसेच सिग्नल यंत्रणेतील तांत्रिक कामांसाठी रविवारी (ता. २८) रेल्वेच्या माध्य रेल्वे मार्गावर मेगाब्लॉक घेण्यात येणार आहे. मध्य रेल्वेच्या माटुंगा ते मुलुंड अप आणि डाऊन धीम्या मार्गावर, तर ठाणे ते वाशी, नेरूळ अप आणि डाऊन ट्रान्स हार्बर मार्गावर हा मेगाब्लॉक घेण्यात येणार आहे. तर पश्चिम रेल्वे मार्गावर आज रात्रकालीन ब्लॉक घेण्यात येणार आहे.