Maharashtra News LIVE : नागपूरच्या अजनी चौकात ‘आशीर्वाद का दीया’ अभियान

शाळा व्यवस्थापनाशी संबंधित सेवांना गती देण्यासाठी शालेय शिक्षण विभागाचा महत्त्वपूर्ण निर्णय घेण्यात आला आहे.  नवीन शाळांना मान्यता देण्याचे अधिकार शिक्षण मंत्र्यांकडेच कायम ठेवले आहेत.  विद्यमान शाळांची दर्जावाढ प्रक्रिया आता अधिक वेगाने होणार आहे. स्वयंअर्थसहाय्यित तत्त्वावर तुकडी आणि शाखा मंजुरीचे अधिकार प्रत्यायोजित केले आहेत. विविध मंडळांचे अभ्यासक्रम सुरू करण्यासाठी ना-हरकत प्रमाणपत्र देण्याची प्रक्रिया गतिमान करण्यात आली आहे.

अँटी ह्युमन ट्रॅफिकिंग युनिटच्या पथकाने २३ वर्षीय युवकाला अटक केली असून  मंथन गोपाल थोटे, असे आरोपीचे नाव आहे. तो  महिलांना पैशांचे आमीष दाखवून देहव्यवसायासाठी ग्राहक उपलब्ध करून दिल्याचा त्याच्यावर आरोप आहे. नागपुरातील अजनी पोलीस ठाण्याच्या हद्दीत सामाजिक सुरक्षा विभागाने ही कारवाई केली आहे.

पंतप्रधान नरेंद्र मोदी यांच्या जन्मदिनानिमित्त तसेच त्यांच्या सार्वजनिक जीवनातील २५ वर्षांच्या सेवापूर्तीच्या निमित्ताने देशभरात ‘आशीर्वाद का दीया’ अभियान राबविण्यात येत आहे. नागपूरच्या अजनी चौकात सुद्धा हे अभियान राबविण्यात येत आहे. या दीपोत्सवालाथोड्याच वेळात मुख्यमंत्री देवेंद्र फडणवीस यांची उपस्थित असणार आहे.

ईडी आणि अमेरिकन सिक्रेट सर्व्हिसची संयुक्त कारवाई केली. अमेरिकन नागरिकांची फसवणूक करणाऱ्या टोळीवर ईडी आणि अमेरिकन सिक्रेट सर्व्हिसने संयुक्त कारवाई केली. 15 सप्टेंबर रोजी PMLA अंतर्गत हैदराबाद आणि पुण्यातील 4 ठिकाणी छापेमारी केली. कारवाईत हैदराबादमधील २ आणि पुण्यातील १ असे ३ बनावट कॉल सेंटर उघडकीस आले आहेत. या कॉल सेंटरमध्ये २२० कर्मचारी अमेरिकन नागरिकांना घाबरवून फसवणूक करत असल्याचे समोर आले होते. छाप्यात ६६ मोबाईल, १३ लॅपटॉप, हार्ड डिस्क आणि उपकरणे जप्त करण्यात आली आहेत.

मुसळधार पावसामुळे जयपूर विमानतळावरील विमानसेवा विस्कळीत झाली आहे. खराब हवामानामुळे दोन विमानांना उतरता आले नाही, तर एका विमानाचे उड्डाण लांबणीवर पडले. मिळालेल्या माहितीनुसार, दिल्लीहून जयपूरला जाणाऱ्या एअर इंडियाच्या AI-2761 आणि अहमदाबादहून जयपूरला जाणाऱ्या इंडिगोच्या 6E-7261 या विमानांच्या लँडिंगवर परिणाम झाला आहे. दरम्यान, जयपूरहून उदयपूरला जाणाऱ्या इंडिगो फ्लाइट 6E-7517 च्या उड्डाणालाही विलंब झाला. विमानतळावरील मुसळधार पावसामुळे विमानसेवा विस्कळीत झाल्याने प्रवाशांना गैरसोयीचा सामना करावा लागत आहे.

दिशा सालियांचे वडील वकिलांसोबत शनिवारी मातोश्रीवर जाणार आहेत. आदित्य ठाकरे यांना स्वतः जाऊन अब्रुनुकसानीची नोटीस देणार असल्याची सतीश सालियन यांच्या वकिलांची माहिती दिली आहे.  अदित्य ठाकरेंनी 16 तारखेला केलेल्या सोशल मिडीया पोस्ट केली त्या विरोधात देणार नोटीस आहेत. तसेच मुंबई पोलीस आयुक्तांनी योग्य ती सुरक्षा देण्याची विनंती केली आहे. सतीश सालियन वकिलांसोबत स्वतः जाऊन 500 कोटींच्या अब्रुनुकसानीची नोटीस देणार अशी त्यांच्या वकिलांनी दिली आहे.

मुंढवा जमीन गैरव्यवहार प्रकरणी पार्थ पवारांना आरोपी करण्याची मागणी होत आहे. आरटीआय कार्यकर्ते आणि भारत अगेंस्ट करप्शनचे राष्ट्रीय अध्यक्ष हेमंत पाटील यांची हायकोर्टात जनहित याचिका दाखल केली आहे.  राजकीय वरदहस्तामुळे पुणे पोलिसांकडून पार्थ पवारांना पाठीशी घातले जात असल्याचा पाटील यांनी आरोप केला आहे.  मुंढवा पोलीस ठाणे आणि पुणे पोलीस आयुक्तांकडे तक्रार करूनही गुन्हा दाखल न केल्याचा याचिकाकर्त्यांचा दावा आहे.

सर्वोच्च न्यायालयाने सीबीएसईच्या त्रिभाषा धोरणाला आव्हान देणाऱ्या याचिकेवर सुनावणी घेतली. इयत्ता 7 वी ते 10 वीच्या विद्यार्थ्यांना जसा दिलासा दिला जात आहे, तसाच दिलासा इयत्ता 6 वीच्या विद्यार्थ्यांनाही देण्याचा विचार करावा, असे सर्वोच्च न्यायालयाने केंद्र सरकारला सांगितले. न्यायमूर्ती जॉयमाल्य बागची यांनी नमूद केले की, भाषेच्या आवश्यकतेतील या अचानक बदलामुळे मुले आणि कुटुंबांसाठी समस्या निर्माण होऊ शकतात. घटनात्मक मुद्द्यांवर नंतर निर्णय घेतला जाईल, असे सर्वोच्च न्यायालयाने म्हटले.

पहलगाम दहशतवादी हल्ला प्रकरणात एका मोठ्या घडामोडीत, एनआयए न्यायालयाने आरोपी सैफुल्ला उर्फ ​​साजिद जट्ट याच्या विरोधात अजामीनपात्र वॉरंट जारी केले आहे. एनआयएच्या म्हणण्यानुसार, सैफुल्ला पाकिस्तानात असून पहलगाम हल्ल्याचा सूत्रधार म्हणून त्याची ओळख पटली आहे. न्यायालयाच्या अजामीनपात्र वॉरंटमुळे त्याच्याविरुद्ध पुढील कायदेशीर कारवाईचा मार्ग मोकळा झाला आहे.

परभणी – सरकारने धनगर आरक्षणावरून दिलेलं आश्वासन पूर्ण होत नाही तो पर्यंत स्टेज सोडणार नाही अशी भूमिकाधनगर आरक्षण कर्ते दीपक बोराडे यांनी घेतली. पोलिसांना  मला अटक करायची असेल तर करा. मात्र मागे हटणार नाही, असं आव्हान बोराडे यांनी सरकारला दिलं.

निफाड (नाशिक) :  मुख्याधिकाऱ्यांच्या दालनात मोकाट कुत्रे सोडल्याप्रकरणी कारवाई करण्यात आली आहे.  निफाड नगरपंचायत मुख्याधिकाऱ्यांच्या तक्रारीवरून पाच जणांविरोधात गुन्हा दाखल करण्यात आला.  शिवसेना (ठाकरे) गटाचे युवा ग्रामीण जिल्हाप्रमुख विक्रम रंधे, नगरसेविका रुपाली रंधेंसह पाच जणांचा आरोपींमध्ये समावेश आहे.  जमावबंदी आदेशाचे उल्लंघन, सरकारी कामात अडथळा व धमकी दिल्याचा तक्रारीत आरोप आहे. निफाड पोलिसांकडून गुन्हा दाखल करण्यात आला असून पुढील तपास सुरू आहे.

वर्धा -पावसाच्या दीर्घ खंडामुळे शेती पिकांना फटका बसला.  सोयाबीन, कपाशीच्या उत्पन्नात १५ ते २० टक्के घट होण्याचा अंदाज व्यक्त करण्यात आला आहे.  नऊ महसूल मंडळांमध्ये २१ दिवसांचा पावसाचा खंड  पडलाय. सोयाबीन पिकाच्या उत्पादनामध्ये २० टक्क्यांपर्यंत नुकसान होण्याचा तर कापूस पिकाच्या उत्पादनामध्ये १५ टक्क्यांनी घट येण्याची शक्यता आहे, उत्पन्नात घट होण्याची शक्यता असल्याने शेतकरी चिंताग्रस्त आहे.

दिशा सालियनचे वडील शनिवारी मातोश्रीवर जाणार आहेत.  आदित्या ठाकरे यांना  ते स्वत:  500 कोटींच्या अब्रूनुकसानीची नोटीस देणार आहेत. आदित्या ठाकरेंनी सोशल मीडियावर केलेल्या पोस्टविरोधात देणार नोटीस, अशी माहिती दिशा सालियन यांच्या वकिलांनी दिली.

शिवसेना पक्ष आणि चिन्हावर सुनावणी झाली. यादरम्यान आजची सुनावणी संपली आहे.

निवडणूक आयोगाने त्यांना जी टेस्ट योग्य वाटली ती त्यांनी केली, असे मोठे विधान काैल यांनी केले.

आयोगाने कोणतेही टेस्ट अमान्य केली नसल्याचे मोठे विधान नीरज काैल यांनी कोर्टात केले.

आयोगाने याकरिता सर्व चाचण्या घेतल्या होत्या, असे मोठे विधान काैल यांनी केला. अपात्रतेचे प्रकरण ऐकून घेतले गेले.

कोणता पक्ष खरा हे ठरवण्याचे अधिकार कोर्टाला असल्याचे मोठे विधान कोर्टात काैल यांनी म्हटले.

आयोगाने सर्व बाबींचा विचार केला का? असे मोठे विधान कोर्टाने सुनावणीदरम्यान केले.

ज्या टेस्ट आहेत, त्यात विधीमंडळ चाचणी महत्नाची आहे, असे मोठे विधान कोर्टात काैल यांनी म्हटले.

ज्या टेस्ट आहेत, त्यापैकी विधीमंडळ चाचणी महत्वाची असल्याचे मोठे विधान काैल यांनी कोर्टात म्हटले. इतर चाचण्या घेऊ अशा ठोस चाचण्या नसल्याचे मोठे विधान काैल यांनी केले.

व्हिप नेमला त्याचा आधार तपासणे महत्वाचे असल्याचे मोठे विधान कोर्टाने म्हटले.

निवडणूक आयोगाच्या हे लक्षात आलं नाही की इथे चौथा पर्याय असू शकला असता? आमच्यासाठी कायदा आणि कायद्याची अंमलबजावणी महत्वाची आहे, असे मोठे विधान काैल यांनी केले.

व्हिप जेव्हा नेमला त्यावेळीची परिस्थिती पाहणे महत्वाचे असल्याचे मोठे विधान काैल यांनी कोर्टाने म्हटले.

निकाल देताना आयोग विधीमंडळावर आधारित होता, असे मोठे विधान काैल यांनी कोर्टात केले.

आयोगाला त्यांचे काम करण्यापासून कोणीही रोखू शकत नाही, असा युक्तीवाद काैल यांनी केले.

आमदारांना मिळालेली मत महत्वाची आहेत, ते अपात्र होत नाहीत, असे काैल यांनी म्हटले.

एखादा आमदार अपात्र झाला तर त्याला मिळालेली मत अपात्र नसतात, असे मोठे विधान काैल यांनी कोर्टात केले.

निवडणूक आयोग महत्वाची संस्था त्यांच्याकडे अधिकार असल्याचे मोठे विधान काैल यांनी कोर्टात केले.

आमदारांना मिळालेली मत अत्यंत महत्वाची असल्याचे मोठे विधान काैल यांनी केले. आमदारांच्या अपात्रतेचा काहीच संबंध नसल्याचे काैल यांनी म्हटले.

या प्रकरणात वेळ घातला जात असल्याचे मोठे विधान काैल यांनी केले. काैल यांनी पुन्हा सुभाष देसाई प्रकरणाचा दाखल दिला.

शिवसेना पक्ष आणि चिन्हावर सुनावणीला सुरूवात झाली आहे, शिंदेंच्या वकिलांकडून कोर्टात बाजू मांडली जात आहे.

बीडकरांचं अनेक वर्षांचं रेल्वेचं स्वप्न आज अखेर पूर्ण झालंय…बीड-पुणे रेल्वे मार्गाचं स्वप्न प्रत्यक्षात साकारलं असून, या नव्या रेल्वे रुळावरून आज बीड-पुणे एक्सप्रेस धावली. उपमुख्यमंत्री आणि बीड जिल्ह्याच्या पालकमंत्री सुनेत्रा पवार आणि खासदार बजरंग सोनवणे यांच्या हस्ते रेल्वेला हिरवा झेंडा दाखवण्यात आला. आज पहिल्यांदाच बीडहून पुण्याकडे बीडकरांनी प्रवास केलाय….

नाशिकमधील आदिवासी विद्यार्थी आंदोलक मागण्यांवर ठाम. 28 तारखेला मुंबईला धडकणार,विद्यार्थी आंदोलकांचा इशारा. आदिवासी विकास मंत्र्यांचा प्रशासनावर धाक नसल्याचा आरोप. आंदोलकांच्या मागण्यासंदर्भात मंत्री उईके सकारात्मक नसल्याची भावना

गोपीनाथ मुंडेंच्या मृत्यूचं रहस्य अजून उलगडलं नाही. गोपीनाथ मुंडेंचा रहस्यमय मृत्यू,उद्धव ठाकरेंचं वक्तव्य. गोपीनाथ मुंडेंनी महाराष्ट्रात भाजपची पाळमुळं रोवली, त्यांचा रहस्यमय मृत्यू-ठाकरे

राज्य सरकारने अतिवृष्टीचं पॅकेज जाहीर केलं. मात्र, ते प्रत्यक्षात किती शेतकऱ्यांपर्यंत पोहोचलं असा सवाल उद्धव ठाकरे यांनी केला आहे. शेतकऱ्यांच्या घरात दिवे विझतायत आणि भाजप दिवे लावा म्हणतायत म्हणत त्यांनी भाजपवर टीका केली आहे़.

मराठवाड्याच्या पुढच्या पिढीला दुष्काळ पाहू द्यायचा नाही असं फडणवीस यांनी म्हटल्यानंतर सरकारला लाज असेल तर त्यांनी तात्काळ दुष्काळ जाहीर करावा असं उद्धव ठाकरे यांनी म्हटलं आहे.

माजी आमदार नरेंद्र पवार यांचा राजीनामा. भाजपच्या भटके विमुक्त आघाडी अध्यक्ष पदाचा दिला राजीनामा. पवारांविरुद्ध पडघा पोलीस ठाण्यात गुन्हा दाखल. पक्षाची बदनामी होऊ नये म्हणून दिला राजीनामा. भाजप प्रदेशाध्यक्ष रविंद्र चव्हाण यांच्याकडे राजीनामा सुपूर्द केलाय. महिलेवर अत्याचार केल्याचा नरेंद्र पवारांवर आरोप.

यापुर्वीच काही शासकीय कार्यक्रमांना आणि स्वातंत्र्यदिनाच्या ध्वजारोहणासाठी निमंत्रण देण्यात आले नव्हते याबद्दल क्षीरसागरांनी जाहिर नाराजी व्यक्त केली होती. यानंतर आजच्या कार्यक्रमाच्या व्यासपीठावरील मुख्य बॅनरवर उपमुख्यमंत्री सुनेत्रा पवार यांच्या नावानंतर शरद पवार गटाचे खासदार बजरंग सोनवणे आणि आमदार संदिप क्षीरसागर यांचेच नाव टाकण्यात आले होते.तरीही ते या कार्यक्रमासाठी न आल्याने चर्चा होत आहे. मात्र ते मनोज जरांगे पाटील यांच्यासोबत छत्रपती संभाजीनगरकडे गेले असल्याने या कार्यक्रमासाठी आले नसल्याचे कार्यकर्त्यांकडुन स्पष्ट करण्यात आले आहे.

गेल्या आठ महिन्यांमध्ये पश्चिम विदर्भात तब्बल 556 शेतकऱ्यांनी टोकाचे पाऊल टाकले आहेत. पश्चिम विदर्भात सर्वाधिक 174 शेतकरी आत्महत्या एकट्या यवतमाळ जिल्ह्यातील आहे. गेल्या आठ महिन्यात जानेवारी ते ऑगस्ट दरम्यान अमरावती ,यवतमाळ, वाशिम, बुलढाणा आणि अकोला या ठिकाणी तब्बल 556 शेतकऱ्यांनी जीवन संपवले. अमरावती जिल्ह्यातील 102, अकोला 105, बुलढाणा 92 आणि वाशिम मध्ये 83 शेतकऱ्यांनी आयुष्य संपवले आहे.

आमचे नेते यांना अनुभव आहे, ते जमिनीवर लढणारे नेतृत्व आहे, त्यामुळे ते बाजू मांडतात. पण गद्दारांनी मराठवाड्याच्या समस्या छातीठोकपणे समस्या मांडाव्यात असे मी त्यांना आव्हान करतो असे उद्धव ठाकरे म्हणाले.

गडचिरोली जिल्ह्यातील अति दुर्गम भागात सीजेपी चे संस्थापक अभिजीत दिपके यांनी डुम्मे जिल्हा परिषद शाळेची केली पाहणी केली. गडचिरोली जिल्ह्यातील मागासलेला भाग एटापल्ली तालुक्यातील डुम्मे जिल्हा परिषद शाळेची पाहणी सीजेपीचे संस्थापकाने केली. पाहणी दरम्यान शाळेची जर्जर इमारत, अपुरे खोलिया, पिण्याच्या पाण्याची सुविधा नाही, दोन वर्षापासून स्वच्छतागृहाची सफाई झालेली नाही असे गंभीर समस्या समोर आले. ग्रामीण भागात शाळेची पाहणी करत असताना शालेय सोयी सुविधांच्या प्रश्न ऐरणीवर आला. अजून काही दुर्गम भागातील शाळांची पाहणी अभिजीत दिपके करणार आहेत

काँग्रेस नेते सुशीलकुमार शिंदे यांच्या नातूने पंतप्रधान नरेंद्र मोदी यांच्या वाढदिवसानिमित्त शुभेच्छा बॅनर लावले. उद्योजक शिखर पहारिया यांनी सोलापूर भाजप कार्यालयाबाहेर हे बॅनर लावल्याने राजकीय वर्तुळात चर्चा होत आहे. एकीकडे काँग्रेस नेते सुशीलकुमार शिंदे आणि खासदार प्रणिती शिंदे मोदींवर सातत्याने टीका करतात. मात्र दुसरीकडे त्यांचेच नातू शिखर पहारिया यांनी शुभेच्छा फलक लावल्याने राजकीय वर्तुळात चर्चा सुरू झाली आहे. पंतप्रधान नरेंद्र मोदी यांना वाढदिवसानिमित्त शुभेच्छा देत शहरातील विविध भागात बॅनर लावले आहे.

बीडमध्ये आम्हाला पर्मनंट पाणी द्या, त्यासाठी बैठक लावावी अशी मागणी खासदार बजरंग सोनवणे यांनी उपमुख्यमंत्री सुनेत्रा पवारांकडे केली. पाणी नाही चारा नाही. चारा छावण्या झाल्या पाहिजेत. आमचे शेतकरी दोन वर्ष झाले विमा भरतो मात्र विमा मिळत नाही, अशी तक्रार त्यांनी केली.

गौरी-गणपतीच्या गर्दीचा महामार्गावर महाजाम दिसला. माणगाव-इंदापूरमध्ये वाहनांच्या रांगाच रांगा लागल्या. कोकणाकडे जाणारेही अडकले, मुंबईकडे परतणारेही अडकले. दोन्ही दिशांना वाहतूक कोंडी झाली आहे. माणगाव-इंदापूर महामार्ग ठप्प झाला आहे. दोन-तीन किलोमीटरपर्यंत वाहनांच्या लांबच लांब रांगा दिसत आहेत.

रायगड- गौरी-गणपतीच्या गर्दीचा महामार्गावर ‘महाजाम’ झाला आहे. माणगाव-इंदापूरमध्ये वाहनांच्या रांगा लागल्या आहेत. कोकणाकडे जाणारेही अडकले आहेत. तर मुंबईकडे परतणारेही अडकले आहेत. दोन्ही दिशांना वाहतूक कोंडी झाली आहे. माणगाव-इंदापूर महामार्ग ठप्प झाला असून दोन-तीन किलोमीटरपर्यंत वाहनांच्या लांबच लांब रांगा लागल्या आहेत.

अमरावती- गोरे होण्याच्या औषधांचा ओव्हरडोस जीवघेणा ठरल्याचं वृत्त समोर आलं आहे. अमरावती जिल्ह्यातील वलगावमध्ये २२ वर्षीय शिकाऊ डॉक्टर आदित्य रावटेचा झोपेत संशयास्पद मृत्यू झाला. वलगाव पोलीस ठाण्याच्या हद्दीतील गावात खोलीत नको त्या अवस्थेत मृतदेह आढळला. आदित्यला लहानपणापासून अपस्माराचा आजार होता. रंग गोरा करण्यासाठी औषधं घेत असल्याची माहिती समोर आली आहे.

धनगर समाजाच्या मागण्या काय आहेत हे मी बघितलं नाही. मात्र मराठा धनगर आणि बंजारा समाजाच्या ज्या काही मागण्या आहेत, त्या कायद्याच्या चौकटीत आणि संविधानाच्या अधीन राहून जे काही देता येईल ते मुख्यमंत्री देवेंद्र फडणवीस यांनी महाराष्ट्रातील प्रत्येक समाजाला दिलं आहे. एवढ्या लवकर धनगर समाजाची आरक्षणाची मागणी सुटणार नाही, कारण त्यासाठी सृप्रीम कोर्ट आणि इतर पूर्तता करावी लागणार. कारण हा राज्याचा नाही तर देशाचा प्रश्न आहे, अशी प्रतिक्रिया मंत्री मेघना बोर्डीकर यांनी दिली.

धाराशिव- दुष्काळी परिस्थितीच्या पार्श्वभूमीवर DPDC बैठकीला जिल्ह्यातील पाचही आमदारांनी दांडी मारली. धाराशिव जिल्ह्यात पाणीटंचाई, दुष्काळ आणि टंचाई आराखड्यासारखे महत्त्वाचे प्रश्न ऐरणीवर असताना जिल्ह्यातील पाचही आमदार बैठकीला गैरहजर राहिले. आमदार तानाजी सावंत यांची आतापर्यंत एकाही DPDC बैठकीला उपस्थिती नाही. तर आमदार राणाजगजितसिंह पाटील बैठकीला उपस्थित राहिले; मात्र अवघ्या अर्ध्या तासात बैठकीतून निघून गेले. दुष्काळाच्या प्रश्नांवर लोकप्रतिनिधींच्या अनुपस्थितीमुळे बैठकीत चर्चेला उधाण आलं आहे.

एकनाथ शिंदे हे गुजरातला गेले हे हास्यास्पद आहे. मोदी यांचं वय निवृत्तीचं आहे. त्यांनी आता राजकारणातून निवृत्त व्हायला पाहिजे. 75 वय हे काही देशाचं नेतृत्व करणारं वय नाही. आता या देशाचं नेतृत्व योग्य व्यक्तीकडे सोपवणं हा त्यांचा संकल्प असायला पाहिजे. त्यांची प्रकृती कशी आहे माहीत नाही पण या देशाची प्रकृती बिघडली आहे, अशी टीका संजय राऊत यांनी केली आहे.

“मनोज जरांगेंनी परत एकदा समाजाचा विश्वासघात केला आहे. रात्रीच्या अंधारात सरकारबरोबर साटंलोटं केलं. मोठी सेटलमेंट केलेली आहे,” मनोज जरांगे यांनी उपोषण सोडल्यानंतर ओबीसी आंदोलक मंगेश ससाणे यांनी टीका केली. मोठमोठ्या बाता मारणारा मनोज जरांगे आता का मागे हटला, असा सवाल त्यांनी केला. मराठा समाजाने आत्मपरीक्षण करणं गरजेचं आहे, असंही ते म्हणाले.

उपमुख्यमंत्री सुनेत्रा पवार यांच्या हस्ते बीड-पुणे एक्स्प्रेस रेल्वेचा शुभारंभ सोहळा. मुख्यमंत्री देवेंद्र फडणवीस यांची ऑनलाईन उपस्थिती. खासदार बजरंग सोनवणे यांच्यासह रेल्वे आणि जिल्ह्यातील प्रशासकीय अधिकारी उपस्थित.

गेल्या चार दशकांपासून चा बीड जिल्ह्याचा संघर्ष आणि स्वप्न होतं आज प्रत्यक्षात बीड ते पुणे एक्स्प्रेस रेल्वे सुरू होत आहे. रेल्वे कृती समितीसह माझ्या अगोदरच्या सर्व खासदारांनी देखील काम केले तर दर महिन्याला मी यासंदर्भात बैठका घेत होतो. परळी पर्यंतची रेल्वे पुढील एक वर्षात पूर्ण होईल. सोयाबीन कापूस सगळे पीक करपून गेले आहेत काहीही उरलेलं नाही. मुख्यमंत्र्यांना पत्र दिलं असून कोरडा दुष्काळ जाहीर करून चारा छावण्यासह इतर योजना सुरू करण्याची मागणी केली आहे. राज्य सरकारने आमच्या शेतकऱ्यांसाठी मोठं पॅकेज देण्याची गरज आहे. जरांगे पाटलांच्या निर्णयाचे स्वागत, त्यांची समाजाला गरज आहे. सरकार सांगत आहे बारा मागण्या पूर्ण झाल्या आहेत मी त्यांची भेट घेणार आहे. नेमक्या काय मागण्या होत्या, कोणत्या पूर्ण झाल्या याबाबतची सुद्धा माहिती घेणार.

मोदींनी आता राजराकणातून निवृत्ती घेतली पाहिजे, ७५ वय वर्ष हे काही देशांचे नेतृत्व करण्याचे वय नाही,  देशाचे नेतृत्त्व आता योग्य व्यक्तीकडे सोपवायला हवं असं संजय राऊत म्हणाले.

दिशा सालियनप्रकरणी आदित्य ठाकरे यांनी काल आपली बाजू मांडली आहे,  भाजपविरोधात बोलणाऱ्यांना बदनाम केले जात आहे, भाजपाकडून बदनाम करण्याचे षडयंत्र सुरु आहे असं संजय राऊत म्हणाले.

गडचिरोली जिल्हा शैलेश चिकित्सक पदासाठी डॉक्टर रवी नागोराव गावंडे यांची नियुक्ती. डॉक्टर रवी नागोराव गावंडे सध्या चंद्रपूर जिल्ह्यातील नागभीड येथे करत असून गडचिरोलीच्या कारभार आज घेणार. गडचिरोली आरोग्य विभागासमोर मोठे आव्हान असताना डॉक्टर गावंडे यांना ही जबाबदारी देण्यात आली. गडचिरोलीचे जुने शैल्य चिकित्सक डॉक्टर वर्षा लहाडे यांना काल निलंबित करण्यात आल्यानंतर यांची विभागीय समिती मार्फत चौकशी करण्याचे आदेश राज्य सरकारने दिले आहे बालमृत्यू प्रकरण व गर्भवती महिलेच्या मृत्यू प्रकरणाबाबत विभागीय समितीची चौकशी पुढची आठवड्यात होणार

मराठा आंदोलनाचे संघर्षयोद्धा मनोज जरांगे पाटील यांनी अखेर उपोषण सोडण्याचा तसंच आंदोलन स्थगित करण्याचा निर्णय घेतला. जरांगे यांचे आंदोलन स्थगित व्हावे तसंच या विषयावरची चर्चा पुढे सरकावी यासाठी थेट “पॅरिसमधून सूत्रं हलली”! राज्याचे उद्योग मंत्री उदय सामंत यांनी पॅरीसमधून जवळपास साडेतीन तासाच्या अथक शिष्टाई नंतर तोडगा काढण्यात यश मिळवलं. उद्योगमंत्री उदय सामंत हे अंतराळ क्षेत्रातील गुंतवणूक व संशोधन विषयावरील एका परिषदेत सहभागी होण्यासाठी पॅरिस येथे गेले होते, दरम्यान जरांगे पाटील यांनी मुंबई कडे कूच करण्याचा निर्णय घेतल्यानंतर संकटमोचक म्हणून उदय सामंत यांच्याकडे पाहिलं जात होतं. मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि उपमुख्यमंत्री सुनेत्रा पवार यांनी सोपवलेल्या जबाबदारी नुसार उदय सामंत यांनी मनोज जरांगे पाटील यांच्याशी संवाद जारी ठेवला. काल दिवसभरात ना. उदय सामंत किमान 7 वेळा मुख्यमंत्री देवेंद्र फडणवीस यांच्याशी चर्चा केली, उपमुख्यमंत्री एकनाथ शिंदे यांच्याशी देखील 7 वेळा उदय सामंत ह्यांनी चर्चा केली, त्यानंतर मुख्यमंत्री देवेंद्र फडणवीस उपमुख्यमंत्री एकनाथ शिंदे, वरिष्ठ मंत्री राधाकृष्ण विखे पाटील, आमदार प्रसाद लाड व उदय सामंत ह्यांच्यामध्ये कॉन्फरन्स कॉल वर चर्चा झाली. या चर्चेनंतर मनोज जरांगे पाटील यांच्या निकटवर्तीयांशी उदय सामंत यांची चर्चा झाली. त्यानुसार गणेशोत्सव पाहता जरांगे पाटील यांनी आंदोलन स्थगित करावे व त्यांच्या सर्व मागण्यांवर शासन सकारात्मक निर्णय घेईल असं आश्वासन देण्यात आलं..त्यानंतर शिष्टमंडळ बिड साठी निघाले…..आंदोलन जरी महाराष्ट्रात स्थगित झाल असेल तरी तरी “केंद्र बिंदू होता पॅरिस !”

दुष्काळी परिस्थितीच्या पार्श्वभूमीवर DPDC बैठकीला जिल्ह्यातील पाचही आमदारांची दांडी! धाराशिव जिल्ह्यात पाणीटंचाई, दुष्काळ आणि टंचाई आराखड्यासारखे महत्त्वाचे प्रश्न ऐरणीवर असताना जिल्ह्यातील पाचही आमदार बैठकीला गैरहजर आमदार तानाजी सावंत यांची आतापर्यंत एकाही DPDC बैठकीला उपस्थिती नाही. तर आमदार राणाजगजितसिंह पाटील बैठकीला उपस्थित राहिले; मात्र अवघ्या अर्ध्या तासात बैठकीतून निघून गेले.

उद्यानाची लाडकी वाघीण बिजली (T2) हिचा वृद्धापकाळाने मृत्यू झाला आहे. १६ सप्टेंबर २०२६ रोजी रात्री ९ वाजून ४५ मिनिटांनी वयाच्या १८ व्या वर्षी तिने अखेरचा श्वास घेतला. २०१६ पासून ती SGNP परिवाराचा एक भाग होती, तब्बल १० वर्षांहून अधिक काळ तिने लाखो पर्यटकांच्या मनावर अधिराज्य गाजवले. गेल्या महिन्याभरापासून तिच्या खाण्यात घट झाल्याने तिच्यावर पशुवैद्यकीय पथकाकडून उपचार सुरू होते, मात्र अखेर तिची प्राणज्योत मालवली आहे, अशी माहिती प्रशासनाकडून देण्यात आली आहे.

परभणीच्या छत्रपती शिवाजी महाराज पुतळा परिसरात ST प्रवर्गातून आरक्षणाच्या मागणी साठी दीपक बोराडे यांच्या नेतृत्वात धनगरांचा मेळावा पार पडणार, सरकार विरोधात शनिवार बाजार ते जिल्हाधिकारी कार्यालय पर्यंत मोर्चा देखील निघणार, मेळाव्याच्या ठिकाणाहून आढावा देतोय.

मनोज जरांगे पाटील आमच्यासाठी दैवत आंदोलन मागे घेण्याच्या निर्णयाचे स्वागतच…मराठ्यांना आरक्षण देण्याची सद्बुद्धी सरकारला लवकर यावी….मराठा आरक्षणासंदर्भात सातत्याने उपोषण करणारे मनोज जरांगे पाटील आमच्यासाठी दैवत आहेत गेली वीस दिवसापासून उपोषण करत असल्याने त्यांची तब्येत खालावली होती आम्हाला जरांगे पाटील यांची तब्येत महत्त्वाची आहे. सरकारला आता 90 दिवसाचा अल्टिमेट दिला आहे यामध्ये मराठा आरक्षण देण्याची सद्बुद्धी सरकारला येवो अशी प्रतिक्रिया मराठा बांधव यांनी दिली यांच्याशी संवाद साधला आहे.

आदिवासी विद्यार्थी उपोषण आणि आंदोलन करत होते काल सविस्तर चर्चा केली. मी त्यांना म्हंटल मी येतो चर्चा करायला. मी त्यांचा ते माझे आहेत. मुख्यमंत्री यांनी 90 टक्के मागण्या मान्य केल्या. आंदोलन करणे आता योग्य नाही. अभ्यासक्रम सुरू आहे त्याकडं लक्ष द्यावे. प्रश्न सोडविण्यासाठी आदिवासी विकास सक्षम आहे. दोन दिवसांत ते निर्णय देणार. 5 आणि 14 ऑगस्ट चा शासन निर्णय रद्द करावा ही मागणी होती. तो रद्द केला आंदोलनाची तीव्रता कमी. अधिसंख्या बाबत ही निर्णय झाला 6 महिन्यात पूर्ण करणार. पेसा भरती बाबत 6 महिन्यात कार्यवाही होईल. बिंदुनियमावली बाबत 2 क्रमांकावर घेऊन कारवाई करू. डीबीटीचा विषय होता ती रद्द केली आहे. विद्यार्थी आमचे आहेत पालक या नात्याने गेलो

श्री विठ्ठल-रुक्मिणी मंदिरे समितीच्या वतीने आयोजित श्री गणेशोत्सव संगीत महोत्सवात पं. जयतीर्थ मेऊंडी यांच्या शास्त्रीय संगीत आणि भावपूर्ण अभंगगायनाने पंढरपूरकर रसिक मंत्रमुग्ध झाले. मेऊंडी यांनी गणपती स्तुतीसह ‘जय जय राम कृष्ण हरी’, ‘विठ्ठल विसावा’, ‘तुज सगुण म्हणो की निर्गुण रे’, ‘आता कोठे धावे मन’ आदी रचना सादर करून विठुरायाच्या चरणी गायनसेवा अर्पण केली. तबल्यावर ऋषिकेश जगताप, हार्मोनियमवर माधव लिमये, पखवाजवर ज्ञानेश्वर दुधाणे यांच्यासह कलाकारांनी सुरेल साथसंगत केली.

साकरीटोला येथील जिल्हा परिषद हायस्कूलमध्ये गणित शिक्षिका नसल्याने ‘तालाठोको’ आंदोलन….नियुक्त असलेल्या शिक्षकेला परत पाठवा यासाठी पालकांनी केला ताला ठोक आंदोलन….पालकांच्या तीव्र रोषानंतर शिक्षिकेला बोलावण्यात आलं परत…..मागण्या मान्य झाल्यामुळे शाळा पूर्ववत करण्यात आली सुरू

मराठा आरक्षणासंदर्भात सातत्याने उपोषण करणारे मनोज जरांगे पाटील आमच्यासाठी दैवत आहेत. गेली वीस दिवसापासून उपोषण करत असल्याने त्यांची तब्येत खालावली होती आम्हाला जरांगे पाटील यांची तब्येत महत्त्वाची आहे असे मराठा बांधवाने म्हटले आहे.

जळगावात शासकीय ITI समोर अखिल भारतीय विद्यार्थी परिषदेचे विद्यार्थ्यांना सोबत घेत ठिय्या आंदोलन केले. शासकीय आयटीआय समोरील महापालिकेचा कचरा संकलन केंद्र हटवावं या मागणीसाठी विद्यार्थी आक्रमक झाले आहेत.

व्हीआयपी रोडवरील प्रबोधनकार ठाकरे चौकातील नाना-नानी उद्यान व लहान मुलांच्या बागेसाठी आरक्षित असलेल्या जागेवर पत्राशेड, दुकाने व गाळे उभारून अतिक्रमण केल्याची तक्रार करण्यात आली आहे. शिवसेना नेत्याच्या तक्रारीनंतर नगरपालिका प्रशासनाने जागेची पाहणी करून संबंधित मालक व ठेकेदारांना अतिक्रमण तात्काळ हटविण्याच्या नोटिसा बजावल्या आहेत.

मराठा आंदोलकासह वेगवेगळ्या कारणासाठी आंदोलन करणाऱ्या आंदोलकांना पोलिसांनी ठेवले ताब्यात. धाराशिवमधील आनंद नगर पोलीस स्टेशनमध्ये आंदोलकांचा गोंधळ. आंदोलकांना सोडून द्यावं यासाठी शिवसेना ठाकरे गटाचे आमदार कैलास पाटील पोलीस स्टेशनमध्ये पोहोचले.

सोशल मीडियाच्या ट्रेंडवर गणपती बाप्पांच्या देखावा. 1980 आणि 2026 मधील मूल्यांच्या गणपती बाप्पांसोबत देखावा. देखाव्यातून मानवी मूल्य जोपासनाच्या दिला मोलाच संदेश.

गोंधळ करणाऱ्या मराठा बांधवांना पोलिसांनी घेतली ताब्यात. ध्वजारोहण पार पडल्यानंतर मराठा बांधवांनी जिल्हाधिकारी कार्यालयासमोर केले आंदोलन. आठ ते दहा मराठा कार्यकर्त्यांना पोलिसांनी घेतली ताब्यात

पुणे जिल्ह्यातील आंबेगाव तालुक्यातील घोडेगावात तुळजाभवानीच्या शिवकालीन परंपरेतील पलंगावरून वाद निर्माण झाला आहे. पलंग पुढे नेण्यावरून दोन गट आमनेसामने आल्याने पोलिसांना हस्तक्षेप करावा लागला. सध्या या पलंगाच्या सुरक्षेसाठी पोलिस बंदोबस्त तैनात करण्यात आला आहे.

मनोज जरांगे पाटील यांनी उपोषण सोडले आहे, यावर बोलताना देवेंद्र फडणवीस यांनी म्हटले की, त्यांनी उपोषण सोडल्याने मला आनंद झाला.

धुळे शहरातील वर्दळीच्या झेंडा चौक परिसरातील एकवीरा पार्कमध्ये चक्क पांढऱ्या रंगाचा दुर्मिळ ‘अल्बिनो’ नाग आढळून आल्याने परिसरात काही काळ खळबळ उडाली. नाग आढळल्याची माहिती स्थानिक रहिवासी योगेश शिंदे यांनी वॉर फाउंडेशनचे सर्परक्षक चंदन ठाकूर यांना दिली. माहिती मिळताच चंदन ठाकूर यांनी घटनास्थळी धाव घेतली आणि अत्यंत सावधगिरीने या नागाचे रेस्क्यू केले.

मराठवाडा मुक्तीसंग्राम दिनानिमित्त मुख्यमंत्री देवेंद्र फडणवीस छत्रपती संभाजीनगरमध्ये आहेत. यादरम्यान त्यांनी दुष्काळावर मोठे विधान केले.

“58 लाखातील एकही नोंद कमी होणार नाही याची खात्री हवी. त्यावर मुख्यमंत्र्यांची सही असावी. दुसरं हैदराबाद गॅझेट नावानुसार, संख्येनुसार मराठा समाजाला कुणबी प्रमाणपत्र देऊन वॅलिडिटी द्यावी लागेल” अशी मागणी मनोज जरांगे पाटील यांनी केली.

जिंदाल कंपनीवर सदोष मनुष्यवधाचा गुन्हा दाखल करण्याचे आदेश. मृत सिद्धार्थ गोरेंचा रस्त्यावर आडवा टाकलेल्या पाईपच्या धडकेत झाला होता अपघात. जिंदाल कंपनीकडे गंगापूर थेट जलवाहिनीचे कंत्राट आहे. सिद्धार्थ गोरेंच्या मृत्यूला जिंदाल कंपनी जबाबदार असल्याचा ठेवला ठपका. कामाच्या दरम्यान निष्काळजीपणा आढळून आल्यानं महापौरांनी दिले आदेश.

मनोज जरांंगे पाटील यांनी मागच्या अनेक दिवसांपासून सुरु असलेलं आमरण उपोषण आज सोडलं. विखे पाटील, दादा भुसे, प्रसाद लाड या सरकारी शिष्टमंडळाने त्यांची भेट घेतली. त्यावेळी काही अटींवर मनोज जरांगे पाटील यांनी उपोषण सोडलं.