Maharashtra News LIVE : विना परवानगी आंदोलनप्रकरणी अभिजीत दिपकेंवर गुन्हा दाखल

शिक्षक विधान परिषद निवडणुकीच्या पार्श्वभूमीवर शिवसेने मधेच मोठी रस्सीखेच.?

उद्योगमंत्री उदय सामंत यांनी घेतली काही वेळ आधी मुख्यमंत्री देवेंद्र फडणवीस यांची भेट

मुख्यमंत्र्यांची भेट घेतल्यानंतर उद्योगमंत्री उदय सामंत आता एकनाथ शिंदेंच्या भेटीला

शिवसेनेचे दोन उमेदवार सचिन सानप आणि मंगेश चिवटे शिक्षक मतदारसंघासाठी इच्छूक

नागपूर पदवीधर मतदारसंघात नितेश कराळे निवडणूक लढणार

राष्ट्रवादी काँग्रेस शरद पवार गटाचे नितेश कराळे गुरुजी यांची अपक्ष निवडणुकीत उभे राहण्याची तयारी

5 तारखेला नागपूर येथे उमेदवारी अर्ज भरणार असल्याची नितेश कराळे गुरुजी यांची माहिती

अपक्ष अर्ज दाखल करणार असल्याची कराळे यांची माहिती

नवी मुंबई : बनावट देशी दारूची वाहतूक करणाऱ्या दहाचाकी ट्रकवर राज्य उत्पादन शुल्क विभागाच्या जी-२, नवी मुंबई-ठाणे विभागाने धडक कारवाई केली. या कारवाईत ६०० बॉक्स बनावट देशी दारू तसेच दहाचाकी ट्रक असा एकूण ४४ लाख २० हजार रुपयांचा मुद्देमाल जप्त करण्यात आला असून दोन आरोपींना अटक करण्यात आली आहे.

पुणे शिक्षक मतदारसंघ अखेर भाजपच्या वाट्याला. भाजप प्रदेशाध्यक्ष रविंद्र चव्हाणांकडून  राष्ट्रीय अध्यक्ष नितीन नवीन यांकडे तीन जागांवरील 15 संभाव्य नावांची यादी सुपूर्द करण्यात आली.   प्रत्येक जागेसाठी 5 नावांचा पर्याय, 3 जागांसाठी एकूण 15 नावांची यादी सादर केली.

पुणे पदवीधर, पुणे शिक्षक व नागपूर पदवीधर भाजप लढणार आहे.  अमरावतीचा जागा शिवसेना, तर संभाजीनगर राष्ट्रवादीच्या वाट्याला आली आहे.  पुणे शिक्षक मतदारसंघावरून भाजप, शिवसेना व राष्ट्रवादी मध्ये रस्सीखेच सुरु होती.

महसूल अधिकारी, कर्मचाऱ्यांच्या सर्व सुट्ट्या दुष्काळाच्या पार्श्वभूमीवर रद्द करण्यात आल्या आहेत. बावनकुळे आज अकोल्यामध्ये दुष्काळग्रस्त शेतकऱ्यांच्या बांधावर आहेत.  बावककुळेंनी शेतकऱ्यांशी संवाद साधत नुकसानाची पाहणी केली.

नितेश राणेंच्या आरोपानंतर ठाकरेंच्या शिवसेनेच्या अखिल चित्रेंनी बाजू मांडली . नितेशा राणेंविरोधात लूकआऊट नोटीस काढल्याचा आरोप चित्रेंनी केला. नितेश राणेंच्या वायफळ बडबडीला अर्थ नसतो.

विधानपरिषदेच्या जागेवरून मविआच्या बैठकीत तोडगा नाहीच. महाविकास आघाडीची उद्या पुन्हा चर्चेची दुसरी फेरी पार पडणार आहे.  अमरावती आणि पुण्याच्या जागेवरून मविआमध्ये तिढा कायम आहे.

रिंगरोड संदर्भात मुख्यमंत्र्यांसोबत सकारात्मक चर्चा.  8 दिवसांत रिंग रोड अलायमेंट संदर्भात फेर सर्वेक्षण करणार,  गुणांक 1 ऐवजी 2 केला जाणार. ग्रामीण भागाला गुणांक 2 व शहरी भागात 1चा गुणांक लावणार, असं आश्वासन मुख्यमंत्री देवेंद्र फडणवीस यांनी दिलं.

उल्हासनगरमध्ये शिंदे शिवसेने विरोधात भाजप आक्रमक.  उल्हासनगर महापालिकेत युती मधून बाहेर पडण्याची घोषणा. यापुढे कोणत्याही निवडणुकात खासदार श्रीकांत शिंदे यांना सहकार्य न करता काम करण्याची भूमिका घेण्यात आली.

नुकत्याच पार पडलेल्या स्वीकृत नगरसेवक पदाच्या निवडी मध्ये शिवसेनेने खेळी केल्याने भाजप आक्रमक भूमिकेत असून आमदार कुमार आयलानी, भाजपा जिल्हाध्यक्ष राजेश वधारीया यांनी पत्रकार परिषद घेऊन भूमिका स्पष्ट केली .  भाजपा नगरसेवकांनी हात उंचावत संमती दिली . महापौर पती कमलेश निकमांवर जहरी टीका करण्यात आली.

आदित्य ठाकरे देश सोडून पळतील, त्यांचा पासपोर्ट जप्त करा. दिनो मोरियाची चौकशी झाल्यानंतर नितेश राणेंचा गंभीर आरोप. आदित्य ठाकरेंविरोधात लूकआऊट नोटीस जारी करा- नितेश राणे

महाविकास आघाडीमध्ये विधानपरिषदेच्या जागावाटपावरून फूट? काल काँग्रेसकडून 3 उमेदवार जाहीर. मित्रपक्षांना विश्वासात न घेता उमेदवारी जाहीर केल्याने नाराजी. एकमत न झाल्यास मैत्रीपूर्ण लढत होणार- संजय राऊत

बेळगावात बसमधून उतरण्यावरून वाद. पुरुष आणि महिलेची एकमेकांना चपलेने मारहाण.चन्नम्मा सर्कलवर उतरण्यासाठी वाट न दिल्याने मारहाण. भरचौकात एकमेकांना चपलेने मारहाण, व्हिडीओ मोबाईलमध्ये कैद

चंद्रशेखर बावनकुळेंचा दुष्काळग्रस्त भागाच्या दौऱ्यावर, दौऱ्यादरम्यान शेताच्या बांधावर शेतकऱ्यांसोबत बसून जेवण केले.यावेळी शेतकऱ्यांशी संवाद साधत त्यांच्या व्यथा आणि समस्या जाणून घेतल्या, पिकांचे नुकसान आणि दुष्काळी परिस्थितीचा आढावा घेत शेतकऱ्यांना दिलासा देण्याचा प्रयत्न केला.

दिशा सालियान प्रकरणात भाजप नेत्यांनी केलेल्या आरोपांना अंधारेंचं उत्तर. एफआयआरमध्ये आदित्य ठाकरेंचं नाव नाही, खोटी आणि कपोलकल्पित माहिती पसरवली. नितेश राणेंकडून गलिच्छ राजकारण सुरू. विषय इकडे तिकडे वळवण्यापेक्षा पूर्णेकरांवर बोला- अंधारे

प्रदीप पूर्णेकर हत्या प्रकरणात सुषमा अंधारेंचे गंभीर आरोप. घटनेच्या दिवशी मिनाक्षी शिंदे, राजेंद्र शिंदे आरोपींना भेटलेले. 5 कोटींचं कंत्राट दिलेलं, अडीच कोटींचा व्यवहार रोखीने झाला. हॉटेल महाराजावर काही भेटीगाठी झाल्या होत्या, तर, मिनाक्षी शिंदेंच्या जातप्रमाणपत्रावर पूर्णेकरांनी आक्षेप घेतलेले. पोलिसांनी सर्वबाजूंनी घटनेचा तपास करावा, सुषमा अंधारेंची मागणी

विलास घुले हत्या प्रकरणाच्या अनुषंगाने बीडचे खासदार बजरंग सोनवणे यांनी जाहीर पत्रकार परिषद घेऊन ओबीसी नेते नवनाथ वाघमारे यांच्यासह इतर सहकाऱ्यांवर आरोप केलाय, त्या आरोपावर नवनाथ वाघमारे यांनी खासदार बजरंग सोनवणे यांच्यावर चांगलाच पलटवार केला.500 काय 5 हजार कोटीचा दावा ठोक काय फरक पडतो? तुला किडन्या विकून देऊ असं नवनाथ वाघमारे यांनी म्हटलंय.इतकच नाही तर बजरंग सोनवणे हा मनोज जरांगे यांनी पाळलेला असून पुढचा पराभव दिसत असल्याने उलटी-सुल्टी वक्तव्य करून सहानुभूती मिळवण्याचा प्रयत्न करत असल्याच देखील त्यांनी म्हटलंय, दरम्यान संतोष देशमुख हत्या प्रकरणात धनंजय मुंडे यांना अटक केली पाहिजे हेच टार्गेट यांचं होतं असं म्हणत बजरंग सोनवणे यांच्यावर हल्लाबोल केलाय.

प्लेन प्रवाशांचा जीव वाचवून जगभरात रिअल हिरो बनलेल्या कॅप्टन स्मिथ यांच्या मालाड येथील घरी भाजप आमदार अतुल भातखळकर यांनी भेट दिली. कॅप्टन स्मिथ यांच्या कुटुंबीयांना मिठाई भरवून त्यांनी शुभेच्छा दिल्या आणि कॅप्टन स्मिथ यांच्या तब्येतीबाबत माहिती घेतली. आमदार अतुल भातखळकर म्हणाले, पहिल्या दिवसापासून मी कॅप्टन स्मिथ यांच्या सासऱ्यांच्या संपर्कात होतो आणि मुंबईत आल्यानंतर त्यांचे मालाडच्या रामलीला मैदानात भव्य स्वागत केले जाईल. त्यांनी दाखवलेल्या धाडसाने देशाचे नाव संपूर्ण जगात उज्ज्वल केले आहे. तर कॅप्टन स्मिथ यांचे सासरे जयसुख म्हणाले, जोपर्यंत आम्हाला कळले नाही की ते कसे आहेत तोपर्यंत आमचा श्वास अडकला होता. आम्ही सतत देवाकडे प्रार्थना करत होतो की सर्व काही ठीक व्हावे.

ग्रामसभेत प्रश्न विचारला म्हणून तरुणाला माजी सरपंचाकडून बेदम मारहाण करण्यात आली.  जळगावच्या पाचोरा तालुक्यातील जारगाव ग्रामसभेत प्रकार घडला. गावात रोगराई पसरल्याने फवारणीची मागणी तरुण करत होता. प्रश्न विचारत असताना माजी सरपंच सुनील पाटील यांच्याकडून शिवीगाळ करत मारहाण करण्यात आली. आनंद पाटील यांच्यावर मारहाण, जीव घेण्याचा प्रयत्न झाल्याचे त्यांचे म्हणणे आहे. पोलिसांत तक्रार केल्यानंतर केवळ अदखलपात्र गुन्हा दाखल झाल्याचे आनंद पाटील यांनी सांगितले, ‘लोकशाही राहिली नसून हुकूमशाही आली’, आनंद पाटील यांची अशी  प्रतिक्रिया आहे,

दुष्काळ जाहीर करण्यात काही तालुक्यांमध्ये त्रुटी राहिल्या आहेत. काही महसूल मंडळांमध्ये पाऊस झाला, तर काही मंडळांमध्ये पाऊस झालेला नाही.  त्यामुळे सर्व परिस्थितीचा बारकाईने विचार करण्याची गरज आहे. मुख्यमंत्री देवेंद्र फडणवीस यांनीही याबाबत लक्ष घातले असून आवश्यक निर्देश दिले आहेत… असं वक्तव्य छगन भुजबळ यांनी केलं आहे.

क्रीडा संकुलनाच्या उद्घाटनाचे महापौर म्हणून मी अधिकृत निमंत्रण खासदार आमदाराना दिले आहे, फोन ही केले आहेत. उद्घाटन पाच वाजता आहे. मात्र अशा पद्धतीने खासदार आमदारांनी गेट बॅरिकेटिंग तोडून आत प्रवेश करणे चुकीचे आहे. आम्ही सन्मानाने त्यांना निमंत्रण दिले आहे. महापौर म्हणून माझा अधिकार ही आहे. ज्यांनी बॅरिकेटिंग तोडली त्यावर पोलीस योग्य ती कार्यवाही करतील अशा प्रतिक्रिया वसई विरार महापालिकेचे महापौर आजीव पाटील यांनी  दिली आहे.

राज्यात काल सर्वोच्च ३७.२ अंश अमरावतीत तापमा होतं.  सकाळपासून उन्हाचे गरम चटके लागत आहे. या उन्हामुळे नागरिकांच्या आरोग्यावर परिणाम होण्याची शक्यता आहे. यंदा संपूर्ण राज्यासह अमरावतीमध्ये पावसाळा कमी प्रमाणात झाला पाऊस कमी झाल्याने वातावरणात गारवा नाहीसा झाला. त्यामुळे ऑक्टोंबर महिना सर्वाधिक हिट महिना जातो की काय अशी भीती व्यक्त करण्यात आली आहे .

प्रदीप पूर्णेकर हत्या प्रकरणात गुन्हे शाखाकडून दुकानदार आजू बाजूंच्या परिसरातील नागरिकांना आणि आरोपीच्या नातेवाईकांना चौकशीसाठी बोलावणार  आहे. तसेच शिवसेनेच्या माजी महापौर मीनाक्षी शिंदे आणि त्यांचे पती राजेंद्र शिंदे यांना तपास कामात कधीही चौकशी साठी बोलावणार आहे, अशी माहिती पोलीस सूत्रांनी दिली आहे. या गुन्ह्यांमध्ये अनेक ठिकाणच्या परिसरातील सीसीटीव्ही पोलिसांनी तपासणी केली आहे.

भाजप नेते नवनाथ बन यांनी ठाकरे बंधूंवर टीका केली. बन म्हणाले,  ठाकरेंनी त्यांच्या मोर्चाचा मार्ग बदलला. केवळ मोर्चाचा मार्ग बदलला नाही तर वैचारिक मार्ग देखील बदलला आहे. काल त्यांच्या भ्रमाचा भोपळा फुटला.  विरोधी पक्षांमध्ये सुसूत्रता नाही सगळे वेगवेगळ्या ठिकाणी आंदोलन करत आहेत.

शिवाजी पार्क परिसरात विनापरवाना आंदोलन केल्याप्रकरणी ५०० आंदोलकांवर गुन्हा दाखल करण्यात आला आहे. तसेच आरोपी आंदोलकांमध्ये सीजेपीचे अभिजीत दिपके, अजिंक्य शिंदे, प्रणय अहिरे, आशुतोष रांका,सौरभ दास यांचा समावेश आहे. त्याचबरोबर आफरीन नवाज, सोम्या कोरडे, अंकित भारद्वाज, विजय मळगी, योगेश इंगळे यांच्यावरही गुन्हा दाखल करण्यात आला आहे.

शरद पवारांच्या दुष्काळी दौऱ्याचा आज दुसरा दिवस आहे. बारामती आणि दौंड या दोन तालुक्यात शरद पवार दुष्काळाची पाहणी करणार आहे.  मोरगावपासून आजच्या दुष्काळी दौऱ्याला सुरुवात होणार आहे.  शरद पवारांनी काल पुरंदर आणि बारामती या तालुक्यांमधील गावांना भेटी दिल्या आहेत.  शरद पवार थोड्याच वेळात पत्रकार परिषद घेण्याची शक्यता आहे.

विधान परिषद जागांमध्ये एकनाथ शिंदे निर्णय घेतात. आम्ही पाच पैकी दोन जागा लढवणार आहोत. अमरावती आणि पुणे मतदार शिक्षक संघ शिवसेनेने लढावा असा कार्यकर्त्यांचा आग्रह आहे आणि तीच भूमिका एकनाथ शिंदेंची आहे असे मोठे वक्तव्य मंत्री उदय सामंत यांनी केले आहे.

यवतमाळच्या उमरखेड परिसरात भूकंपाचे धक्के जाणवले. लगतच्या हिंगोली जिल्हा भूकंपाचा केंद्र बिंदू असल्याने 9 वाजून 44 मिनिटांनी उमरखेड परिसरात भूकंपाचे धक्के जाणवले. 3.3 रिस्टल स्केलचे धक्के जाणवले. त्यात कोणत्याही प्रकारचे नुकसान झाले नाही.

नंदुरबार शहरात मोठ्या प्रमाणावर अतिक्रमण वाढत असल्याने वाहतुकीला मोठा अडथळा निर्माण होत आहे. त्यामुळे पालिकेच्या वतीने आता अतिक्रमण हटाव मोहीम राबवली जाणार आहे. १ नोव्हेंबरपासून अतिक्रमण पथक स्थापन करण्यात येणार असून, अतिक्रमण हटवण्यासाठी पोलिसांची मदत घेतली जाणार आहे. त्यामुळे रस्त्यावरील अडथळे दूर होण्यास मदत होणार आहे. तसेच पक्के अतिक्रमण हटवण्यासाठी पालिका, पोलीस, महसूल विभाग आणि जिल्हाधिकाऱ्यांची मदत आवश्यक असून, त्यांच्याकडून सहकार्य मिळाल्यास नंदुरबार शहरातील सर्व अतिक्रमणे हटवली जातील. शहरातील सर्व अतिक्रमणे काढण्याबाबत नगरपालिकेत ठराव करण्यात आला असून, ही मोहीम प्रभावीपणे राबवली जाणार असल्याचे आमदार चंद्रकांत रघुवंशी यांनी सांगितले.

वाशिम जिल्ह्यात केवळ 39 टक्के जलसाठा उपलब्ध असल्याने येत्या 10महिने पाणी पुरवठा करण्याचे आव्हान प्रशासना समोर असल्याने 419 धरण प्रकल्पातून पाणी उपस्यावर बंदी घालण्यात आल्या नंतर आता नेमलेल्या आलेल्या संरक्षण समिती द्वारे काटेकोरपणे अवैध पाणी उपसा करणाऱ्या विद्युत मोटारपपं वर कारवाई सुरू केली आहे. वाशिमच्या एकबुर्जि प्रकल्पावर सुरू असलेल्या 7 मोटारपपं जप्त करण्यात आल्या आहे. येत्या काळात अवैध पाणी उपसा करणाऱ्यावर प्रशासनाची करडी नजर असणार आहे.

पंतप्रधान मोदी यांना बारामतीमध्ये आमंत्रित केले होते. काल पंतप्रधान कार्यालयाने एक कार्यक्रम पाठवला आहे. 3 नोव्हेंबरला मोदी बारामतीत येणार. नरेंद्र मोदी विद्या प्रतिष्ठानला भेट देणार. गौतम बुद्धांचा पुतळा बसवण्यात येणार आहे, त्याचे वजन 4 टन आहे. पंतप्रधान मोदींच्या हस्ते पुतळ्याचे अनावरण होणार आहे, अशी माहिती ज्येष्ठ नेते शरद पवार यांनी दिली.

नांदेड शहरात भूकंपाचा धक्का जाणवला. भूगर्भातून मोठा आवाज आला. 9 वाजून 43 मिनिटानी हा धक्का जाणवला . संपूर्ण शहरात भूकंपाचा धक्का बसला. यामुळे नागरीक घराबाहेर आले. गेल्या काही दिवसांपासून हिंगोली, परभणी आणि नांदेड परिसरात भूकंपाचे धक्के जाणवत आहेत.

हिंगोली जिल्ह्यात 9:43 मिनिटांनी भूकंपाचा दुसरा धक्का बसला. पाचही तालुक्यात भूकंपाचे धक्के जाणवले. सकाळी 7:47 नंतर 9:44ला भूकंपाचा दुसरा धक्का बसला. एकापाठोपाठ एक भूकंपाचे धक्के बसत असल्याने नागरिक भयभीत झाले आहेत.

पालकमंत्री गिरीश महाजन यांनी मुंबईत मुख्यमंत्र्यांसोबत बैठक घेण्याचं शेतकऱ्यांना दिलं होतं आश्वासन. रिंग रोडसाठी जमीन संपादनात गुणांक २ लागू करण्याची शेतकऱ्यांची मागणी. गुणांक २ मध्ये जमीन खरेदी केल्यास समाधानकारक मोबदला मिळत असल्याचा शेतकऱ्यांचा दावा. प्रशासनाकडून मात्र यापुढे गुणांक १ मध्ये जमीन खरेदी करण्याचा निर्णय. गुणांक १ च्या निर्णयाला विरोध करत शेतकऱ्यांचा आक्रमक पवित्रा

मागच्या वेळी झालेल्या सुनावणीत न्यायमूर्ती एन एल मोरे यांनी अशोक खरात चे वकील यांना सरकारी पक्षाने पेन ड्राईव्ह आणि कागदपत्रे देण्याचे दिले होते आदेश. सुनावणीच्या वेळी विशेष सरकारी वकील उज्वल निकम होते उपस्थित. भोंदू बाबा अशोक खरात यांच्या जामीन अर्जाला उज्वल निकम यांच्याकडून करण्यात आला होता विरोध

सांगोला तालुक्यातील आलेगावच्या वनक्षेत्रात हरिण, काळवीट, ससे, लांडगे, कोल्हे आणि विविध पक्ष्यांचा मोठ्या प्रमाणात अधिवास आहे. मात्र दुष्काळामुळे जंगलातील झाडे करपत असून वन्यजीवांसाठी तयार केलेल्या पाणवठ्यांमध्येही पाणी सोडले जात नसल्याने वन्यजीवांची पाण्यासाठी भटकंती सुरू आहे. वरिष्ठांकडे पाठपुरावा करूनही पाणी सोडण्याबाबत निर्णय होत नसल्याचा आरोप वन्यजीव अभ्यासक तथा माजी सरपंच प्रा. सुरेश लवटे यांनी केला आहे. तातडीने पाण्याची व्यवस्था करावी

अपघातात चार महिला गंभीर जखमी जखमीवर रुग्णालयात उपचार सुरू. भरधाव SUV ने रिक्षाला उडवलं, चार महिला जखमी. गोराई बीचवर फिरायला आलेल्या पर्यटकांना भरधाव चारचाकीने धडक दिल्याची धक्कादायक घटना घडली आहे. या अपघातात चार महिला गंभीर जखमी झाल्या असून पोलिसांनी थार चालकावर गुन्हा दाखल केला आहे.

जालना शहराचा पाणीपुरवठा 3 दिवस बंद राहणार आहे.जालना शहराला पाणीपुरवठा करणाऱ्या जालना-जायकवाडी योजनेच्या तांत्रिक कामांसाठी 5 ऑक्टोबर ते 7 ऑक्टोबर सलग तीन दिवस पाणीपुरवठा बंद राहणार आहे.पैठण आणि अंबड येथील पंपिंग स्टेशनमधील जुने पंप काढून नवीन पंप बसविण्यासह जलवाहिनी जोडण्याचे काम या कालावधीत करण्यात येणार आहे.

दीपकेंना जय भीम बोलण्याचा अधिकार नाही. महत्मा गांधी, नेहरू, बाबासाहेब आंबेडकरांपेक्षा तुम्ही मोठे होऊ शकत नाही असे प्रविण दरेकर यांनी म्हटले आहे.

काल दादरमधील छत्रपती शिवाजी पार्क मैदानवर सीजेपीचे आंदोलन सुरु होते. हे आंदोलन सुरु असताना ज्येष्ठ अभिनेते नसिरुद्दीन शहा यांनी सीजेपीचा संस्थापक अभिजीत दीपकेची भेट घेतली.

कल्याण स्टेशन परिसरात दुकानदारांचा राडा. बाईकवर बसण्यावरून मोबाईल दुकानदार आणि हॉटेल चालक आपसात भिडले.  भररस्त्यात एकमेकांना केली बेदम मारहाण. संपूर्ण घटना CCTV कॅमेऱ्यात कैद

रत्नागिरी- संगमेश्वर तालुक्यातील प्रसिद्ध मार्लेश्वर देवस्थान च्या पायथ्याशी मद्यपानाचा प्रकार समोर आला आहे. स्थानिक ग्रामस्थांनी हा प्रकार उघडकीस आणला आहे. सोशल मिडियावर मद्यपानाचा व्हिडीओ व्हायरल झाला आहे.

बीड जिल्हा कारागृहातील विहीर कोरडी ठाक. त्यामुळे टँकरद्वारे पाणीपुरवठा सुरू.  बीड जिल्हा कारागृहात सध्या चारशे कैदी आहेत. आतमध्ये पाण्याचा थेंबही नाही.  यामुळे दररोज 16 हजार लिटर पाणी टँकरद्वारे पुरवले जात आहे

नागपूर रेल्वे स्थानकावर आरपीएफ जवानाच्या सतर्कतेमुळे धावत्या ट्रेनमध्ये चढण्याचा प्रयत्न करणाऱ्या प्रवाशाचा जीव थोडक्यात बचावलाय. १ ऑक्टोबरच्या मध्यरात्री हावडा एसी दुरंतो एक्सप्रेस प्लॅटफॉर्म क्रमांक ४ वरून रवाना होत असताना एका प्रवाशाने धावत्या ट्रेनमध्ये चढण्याचा प्रयत्न केला. सतर्क असलेल्या आरपीएफ जवानामुळे वाचला प्रवाशाचा जीव