अजित पवार अपघात प्रकरणाचा अहवाल येण्यापूर्वी मोठ्या घडामोडी, रोहित पवार थेट मुख्यमंत्र्‍यांच्या भेटीला…

28 जानेवारी 2026 रोजी मुंबईहून बारामतीकडे अजित पवार निघाले असता त्यांच्या विमानाचा भीषण अपघात झाला. या विमान अपघातामुळे मोठी खळबळ उडाली. अजित पवार यांचे विमान जमिनीवर कोसळल्यानंतर काही स्फोट झाला. हेच नाही तर अजित पवार यांच्या विमान अपघातानंतर काही धक्कादायक असे सीसीटीव्ही फुटेजही पुढे आली. सीसीटीव्ही फुटेजमध्ये अजित पवार यांचे विमान स्पष्टपणे एका बाजूला झुकताना दिसले. अजित पवार यांच्या निधनाचे कळताच पवार कुटुंबातील प्रत्येक व्यक्ती बारामतीमध्ये पोहोचली. पवार कुटुंबावर दु:खाचा डोंगर कोसळला. यावेळी पूर्ण पवार कुटुंब एकत्र दिसले. अजित पवार यांच्या निधनानंतर सुनेत्रा पवार मुलगा जय पवार याच्यासोबत मुंबईत पोहोचल्या. यावेळी त्यांनी आपल्या पक्षातील वरिष्ठ नेत्यांची बैठक घेतली आणि उपमुख्यमंत्रिपदाची शपथ घेतली. सुनेत्रा पवार यांच्या मुख्यमंत्रिपदाच्या बैठकीबद्दल आपल्याला कोणतीही कल्पना नसल्याचे शरद पवार यांनी म्हटले.

अजित पवार यांच्या विमान अपघातानंतर रोहित पवार गंभीर आरोप करताना दिसत आहेत. रोहित पवार यांच्याकडून अजित पवार ज्या VSR कंपनीच्या विमानातून प्रवास करत होते, त्या कंपनीवर काही आरोप करण्यात आली. सध्या त्यांच्या विमान उड्डाणावर बंदी घातली, VSR कंपनीला वाचवण्याकरिता प्रयत्न केली जात असल्याचाही आरोप रोहित पवार यांनी केला.

थोड्यावेळापूर्वीच रोहित पवार यांनी मनसे अध्यक्ष राज ठाकरे यांची भेट घेतली. आता रोहित पवार हे मुख्यमंत्री देवेंद्र फडणवीस यांच्या भेटीला पोहोचले आहेत. अजित पवार यांच्या विमान अपघाताप्रकरणी चर्चा करण्यासाठी रोहित पवार मुख्यमंत्री देवेंद्र फडणवीस यांची भेट घेणार. विधानसभेतील मुख्यमंत्र्यांच्या दालनात ही बैठक होईल.

काही वेळापूर्वीच रोहित पवार यांनी म्हटले होते की, सत्ताधाऱ्यांनी किमान या प्रकरणात एफआयआर नोंदवण्याकरिता मदत करावी. त्यानंतर रोहित पवार थेट मुख्यमंत्र्यांच्या भेटीला पोहोचले आहेत. आज रात्री 7 वाजता अहवाल येणार आहे. थातूरमातूर अहवाल देऊ नये, असेही रोहित पवार यांनी म्हटले. रोहित पवार आणि मुख्यमंत्री देवेंद्र फडणवीस यांच्या बैठकीत नक्की काय घडते, याकडे सर्वांच्या नजरा आहेत.