फिरत्या विक्री केंद्राने बेरोजगारीवर मात; येवल्यात यशस्वी उद्योजक घडविण्यासाठी वाहनांचे वाटप

नाशिकः बेरोजगारी आहे. कोरोनाने अनेकांना संकटात आणले. कित्येकांच्या नोकऱ्या गेल्या. मात्र, हेच तुणतुणे वाजवत किती दिवस बसायचे. हे ध्यानात घेत आता मुख्यमंत्री रोजगार निर्मिती योजनेतून बेरोजगारांना व्यवसाय सुरू करण्यासाठी फिरत्या विक्री केंद्रासाठी वाहनांचे अन्न, नागरी पुरवठा व ग्राहक संरक्षणमंत्री तथा जिल्ह्याचे पालकमंत्री छगन भुजबळ यांच्या हस्ते वाटप करण्यात आले.

मुख्यमंत्री रोजगार निर्मिती योजनेंतर्गत आणि बँक ऑफ महाराष्ट्र यांच्या सौजन्याने बेरोजरागारांना फिरत्या विक्री केंद्रासाठी वाहनांचे वाटप करण्यात आले. यावेळी बँक ऑफ महाराष्ट्रचे प्रादेशिक व्यवस्थापक भगवान सुरसे, मुख्य प्रबंधक मनीष कुमार गुप्ता, शाखा प्रबंधक मोहम्मद साबिर,समन्वयक सचिन पवार उपस्थित होते. या कार्यक्रमात पालकमंत्री भुजबळ म्हणाले की, कोरोना महामारीच्या दुसऱ्या लाटेतून सावरण्यासाठी मुख्यमंत्री रोजगार निर्मिती योजनेंतर्गत बेरोजगार युवकांना स्वत:च्या व्यवसाय सुरू करण्याच्या उद्देशाने अथक प्रयत्नातून फिरत्या विक्री केंद्रासाठी वाहन वाटपाचे हे उद्दिष्ट साकार झाले आहे. अथक परिश्रम आणि खडतर मेहनतीतूनच यशस्वी उद्योजक घडत असतो. ही योजना अमलात आणण्यासाठी आमचे प्रयत्न सुरू होते. जास्तीत जास्त लोकांना या योजनेचा फायदा होईल यादृष्टीने नियमात बसवून योजना अमलात आणली आहे.

10 लाख किमतीपर्यंतचे वाहन

पालकमंत्री भुजबळ म्हणाले, या योजनेच्या माध्यमातून 6 लाख ते 10 लाखांपर्यंत किमतीचे मालवाहतुकीसाठी वाहन उपलब्ध होणार आहे. लाभार्थ्याला वाहनाच्या किमतीच्या 5 टक्के रक्कम सुरुवातीला भरावी लागते. यावर शासनाची 15 टक्केपासून 35 टक्केपर्यंत सबसिडी मिळते. कर्जाच्या रकमेची 5 वर्षात परतफेड सुलभ हप्त्याने करता येते. या योजनेचा जास्तीत जास्त गरजुंनी लाभ घ्यावा, असे आवाहन पालकमंत्री भुजबळ यांनी यावेळी केले.

16 लाभार्थ्यांना चाव्या, 25 जणांना मंजुरी पत्र

पालकमंत्री छगन भुजबळ यांच्या हस्ते प्रातिनिधीक स्वरूपात आनंदा दुनबळे, वेता बोथरा, पुजा जाधव, बळीराम जाधव, दत्तात्रय पगारे, सुरेश गोरडे, कुणाल वाकचौरे, योगेश वाघ, रोहिनी महानुभाव, काशिनाथ खळे, सविता लासुरे, नीलेश वाकळे, सरला रोकडे, मेघाली खरात, राकेश जगताप व सायली जमादार या 16 लाभार्थ्यांना मालवाहतूक वाहनांच्या चाव्या प्रदान करण्यात आल्या. तर 25 लाभार्थ्यांना वाहन मंजुरीचे पत्र प्रदान करण्यात आले. (Mobile sales outlets beat unemployment; Efforts are underway to develop successful entrepreneurs in Yeola)

इतर बातम्याः

अन्यायाविरोधात लढणारा आदिवासी नक्षली नाही, शिवरायांचे राज्य भोसल्यांचे नव्हे तर ते रयतेचे हिंदवी स्वराज्य, शरद पवारांचे प्रतिपादन

देशभरातील बुद्ध विहारांचे संघटन सुरू; नाशिकमध्ये पहिल्या राष्ट्रीय अधिवेशनात विविध ठराव संमत

Rajkumar Rao | सेम ड्रेस, फिलिंगही सेम, राजकुमार पत्रलेखाचं अनोखं प्रेम, गुडघ्यावर बसून प्रपोज, पाहा रोमँटिक Videohttps://t.co/dy4nuntZtR#Bollywood| #Patralekha| #rajkumarrao | #weddingdate

— TV9 Marathi (@TV9Marathi) November 14, 2021