चुकीचे रीडिंग घेणाऱ्या कंपन्यांवर महावितरणची कारवाई, राज्यातल्या 6 एजन्सी बडतर्फ, नांदेड-औरंगाबादचा समावेश
ऊर्जामंत्री नितीन राऊत यांनी कोणत्याही परिस्थितीत प्रत्येक वीज मीटरचे रीडिंग 100 टक्के अचूक झालेच पाहिजे, असे निर्देश दिले होते. त्यानुसार विविध एजन्सीने केलेल्या रीडिंगची पडताळणी अधिकाऱ्यांकडून करण्यात आली. त्यानुसार सहा एजन्सीतील कामात दोष आढळला असून त्यांच्यावर आता बडतर्फीची कारवाई करण्यात आली आहे.
औरंगाबादः वीज ग्राहकांच्या घरी जाऊन चुकीचे मीटर रीडिंग घेणाऱ्या कंपन्यांवर महावितरणने (MSEDCL) कठोर कारवाई केली आहे. चुकीचे रीडिंग घेत महावितरणच्या महसुलाचे नुकसान करणे आणि वीजबिल (Electricity Bill) दुरुस्तीसाठी ग्राहकांना त्रास देणाऱ्या राज्यातील सहा एजन्सींना महावितरणने बडतर्फ केले आहे. या एजन्सी राज्यातील ग्राहकांच्या घरी जाऊन मीटरचे रीडिंग घेण्याचे काम करत होत्या. कारवाई झालेल्या राज्यातील सहा एजन्सींमध्ये औरंगाबादसह नांदेड (Aurangabad), वसई, पुणे, अकोल येथील एजन्सींचा समावेश आहे. या एजन्सींना बडतर्फ करण्यात आले असून त्यांचे नाव ब्लॅक लीस्टमध्ये टाकण्याची प्रक्रियाही सुरु झाली आहे.
राज्यातील कोणत्या सहा एजन्सी बडतर्फ?
- बारामती परिमंडलातील परिमल एंटरप्रायजेस, पांडरे तालुका बारामती (सासवड विभाग) व गणेश एंटरप्रायजेस सादलगाव तालुका शिरूर (केडगाव विभाग)
- कल्याण परिमंडलमधील सुप्रीम पॉवर सर्व्हिसेस, अंधेरी (वसई विभाग)
- नांदेड परिमंडलातील महाराष्ट्र इलेक्ट्रिकल, दहेली ता. किनवट (भोकर विभाग)
- औरंगाबाद परिमंडलमधील नंदिनी एंटरप्रायजेस (शहर विभाग 2)
- अकोला परिमंडलातील अजिंक्य महिला बहुद्देशीय सुशिक्षित बेरोजगार सेवा सहकारी संस्था (अकोला शहर विभाग) या सहा एजन्सीद्वारे सुरु असलेल्या मीटर रीडिंगच्या कामाच दोष असल्याचे आढळून आले.
अचूक मीटर रीडिंगसाठी महावितरण आग्रही
ऊर्जामंत्री नितीन राऊत यांनी कोणत्याही परिस्थितीत प्रत्येक वीज मीटरचे रीडिंग 100 टक्के अचूक झालेच पाहिजे, असे निर्देश दिले होते. त्यानुसार, महावितरणचे अध्यक्ष व व्यवस्थापकीय संचालक विजय सिंघल यांनी 1 फेब्रुवारीला राज्यभरातील मीटर रीडिंग एजन्सीसोबत व्हिडिओ कॉन्फरन्सिंगद्वारे संवाद साधला होता. तसेच चुकीच्या रीडिंगमुळे ग्राहकांना होणारा त्रास आणि महावितरणचे नुकसान सहन केले जाणार नाही, असा इशारा दिला होता. तसेच विविध एजन्सीने केलेल्या रीडिंगची पडताळणी अधिकाऱ्यांकडून करण्यात आली. त्यानुसार सहा एजन्सीतील कामात दोष आढळला असून त्यांच्यावर आता बडतर्फीची कारवाई करण्यात आली आहे.
इतर बातम्या-
VIDEO : Kirit Somaiya हे दलाल, लफंगा आणि चोर, Sanjay Raut यांचा सोमय्यांवर घणाघात
मुगाच्या डाळीचे हे चमत्कारिक फायदे माहीत आहेत? Weight Loss यासह विविध समस्या दूर करण्यास मदत!
