टाईम्स स्वेअरवर झळकला मुख्यमंत्री एकनाथ शिंदे यांचा फोटो; पाहा…

मुंबई | 05 ऑगस्ट 2023 : अमेरिकेच्या न्युयॉर्क शहरात महाराष्ट्राचे मुख्यमंत्री एकनाथ शिंदे यांचे फोटो झळकले आहेत. न्युयॅार्कमधल्या टाईम स्क्वेअरवर एकनाथ शिंदे यांचा फोटो झळकला आहे. न्युयॅार्क शहरातील टाईम स्क्वेअरवर झळकणारे एकनाथ शिंदे हे महाराष्ट्रातील पहिले राजकारणी आहेत.

टाईम्स स्क्वेअरवर कोणते फोटो झळकले?

युवासेनाप्रमुख आदित्य ठाकरे यांचे निकटवर्तीय राहुल कनाल यांनी एक जुलैला मुख्यमंत्री एकनाथ शिंदे यांच्या शिवसेनेत प्रवेश केला. या पक्षप्रवेशाचे फोटो न्युयॉर्कच्या टाईम्स स्क्वेअरवर झळकले आहेत.

मुख्यमंत्री एकनाथ शिंदे यांच्यासोबतच खासदार श्रीकांत शिंदे आणि राहुल कनाल या तिघांचे फोटो टाईम्स स्क्वेअरवर झळकले आहेत. राहुल कनाल यांच्यावतीनं हा उपक्रम राबवण्यात आला होता.

महाराष्ट्रातील पहिले नेते

मुख्यमंत्री एकनाथ शिंदे हे न्युयॉर्कच्या टाईम्स स्क्वेअरवर झळकणारे पहिले नेते ठरले आहेत. शिवसैनिकांकडून यावर आनंद व्यक्त करण्यात येत आहे.

युवासेनेचे कार्यकारिणी सदस्य तसेच शिर्डी देवस्थानचे विश्वस्त राहुल कनाल यांनी शिवसेनेत जाहीर प्रवेश केला. यावेळी त्यांचे पक्षात स्वागत करून त्यांना भावी सामजिक आणि राजकीय वाटचालीसाठी शुभेच्छा दिल्या, असं म्हणत एकनाथ शिंदे यांनी कनाल यांचं शिवसेनेत स्वागत केलं होतं. याबाबत एकनाथ शिंदे यांनी ट्विट केलं होतं. याच पक्षप्रवेशाचे फोटो टाईम्स स्क्वेअरवर झळकले आहेत.

युवासेनेचे कार्यकारिणी सदस्य तसेच शिर्डी देवस्थानचे विश्वस्त @Iamrahulkanal यांनी आज शिवसेनेत जाहीर प्रवेश केला. यावेळी त्यांचे पक्षात स्वागत करून त्यांना भावी सामजिक आणि राजकीय वाटचालीसाठी शुभेच्छा दिल्या. #Mumbai #Shivsena pic.twitter.com/tJEZx2Tkf8

— Eknath Shinde – एकनाथ शिंदे (@mieknathshinde) July 1, 2023

उध्दव गटाच्या युवासेनेचे कार्यकारिणी सदस्य आणि शिर्डी देवस्थानचे विश्वस्त राहुल कनाल यांनी आज राज्याचे मुख्यमंत्री मा. ना श्री. एकनाथ शिंदे साहेब यांच्या मुख्य उपस्थितीत शिवसेनेत जाहीर प्रवेश केला. यावेळी त्यांच्या समवेत शेकडो कार्यकर्त्यांनीही शिवसेनेत जाहीर प्रवेश केला. मुख्यमंत्री महोदयांनी राहुल कनाल यांचे आणि सर्व कार्यकर्त्यांचे शिवसेनेत स्वागत करून त्यांना पुढील सामाजिक आणि राजकीय वाटचालीसाठी शुभेच्छा दिल्या. यावेळी उपस्थित होतो, असं म्हणत खासदार श्रीकांत शिंदे यांनी राहुल कनाल यांचं स्वागत केलं होतं.

उध्दव गटाच्या युवासेनेचे कार्यकारिणी सदस्य आणि शिर्डी देवस्थानचे विश्वस्त राहुल कनाल यांनी आज राज्याचे मुख्यमंत्री मा. ना श्री. @mieknathshinde साहेब यांच्या मुख्य उपस्थितीत शिवसेनेत जाहीर प्रवेश केला. यावेळी त्यांच्या समवेत शेकडो कार्यकर्त्यांनीही शिवसेनेत जाहीर प्रवेश केला.… pic.twitter.com/QK6Trb7xSz

— Dr Shrikant Eknath Shinde (@DrSEShinde) July 1, 2023