कोरोना काळातल्या कष्टाचा सन्मान, मुंबईच्या महापौर किशोरी पेडणेकर “वर्ल्ड बुक ऑफ रेकॉर्डस लंडन” ने सन्मानित

मुंबई: कोरोना काळात मुंबईकरांसाठी दिलेल्या विशेष योगदानाबद्दल मुंबईच्या महापौर किशोरी पेडणेकर यांना ” वर्ल्ड बुक ऑफ रेकॉर्डस लंडन ” ने सन्मानित करण्यात आलं. मुंबई महापालिका मुख्यालयातील महापौर दालनात हा कार्यक्रम संपन्न झाला. (BMC Mayor Kishori Pednekar felicitated with Maharashtra World Book of Records London Certificate of Commitment outstanding work during corona)

“वर्ल्ड बुक ऑफ रेकॉर्ड्स लंडन” चे अध्यक्ष संतोष शुक्ला यांच्या मार्गदर्शनाखाली महाराष्ट्र अध्यक्षा फराह सुलतान अहमद यांनी महापौर किशोरी पेडणेकर यांना ट्रॉफी व प्रशस्तीपत्र देऊन सन्मानित केले.

किशोरी पेडणेकर यांच्या कामाची धडाडी प्रेरणादायी

एक महिला व युवतींचे नेतृत्व करणाऱ्या महिला महापौर म्हणून किशोरी पेडणेकर यांचा आम्हाला अभिमान असून सर्वच महिला वर्गांसाठी त्या प्रेरणास्त्रोत असल्याचे फराह सुलतान अहमद यांनी सांगितले. कोरोना काळात त्यांच्या कामाची धडाडी व उत्साह हा आम्हाला प्रेरणा देणारा असून त्यांच्या या कार्याची दखल घेऊनच आम्ही सन्मानित केले असल्याचे त्यांनी सांगितले. याप्रसंगी चित्रपट निर्माता अली अकबर अली अब्बास उपस्थित होते.

President of Maharashtra World Book of Records UK Farah Sultan Ahmed ji met Me & presented with “Certificate of Commitment” from World Book of Records London for her outstanding work & contribution during the covid 19 wave. pic.twitter.com/lgi30iX5Bh

— Kishori Pednekar (@KishoriPednekar) June 19, 2021

किशोरी पेडणेकर कोण आहेत?

किशोरी पेडणेकर या मुंबई महापालिकेच्या (191 G/S) वरळीतील गांधीनगर-डाऊन मिलमधील नगरसेविका आहेत. त्यांचे दहावीपर्यंतचे शिक्षण झाले आहे. त्या वरळीतील बाबासाहेब आंबेडकर हायस्कूल या शाळेत शिकल्या आहेत. किशोरी पेडणेकर या शिवसेनेच्या ज्येष्ठ नगरसेविका आहेत. कायम विरोधकांना परखड उत्तर देणाऱ्या नेत्या अशी किशोरी पेडणेकर यांची ओळख आहे. वरळीला शिवसेनेचा गड बनवण्यात किशोरी पेडणेकर यांचा मोठा वाटा आहे.

किशोरी पेडणेकर सलग तीन वेळा नगरसेविका

1. किशोरी पेडणेकर या मुंबई महापालिकेच्या (191 G/S) वरळीतील गांधीनगर-डाऊन मिलमधील नगरसेविका आहेत.
2. त्यांचे शिक्षण 10 वी पर्यंत झाले आहे.
3. किशोरी पेडणेकर यांचे शिक्षण वरळीतील बाबासाहेब आंबेडकर हायस्कूल या शाळेत झाले आहे.
4. किशोरी पेडणेकर या सलग तीन वेळा नगरसेविका म्हणून निवडून आल्या आहेत.
5. नोव्हेंबर 2019 पासून त्या मुंबईच्या महापौर म्हणून काम करत आहेत.
6. काही काळासाठी त्यांनी एका वर्षासाठी स्थापत्य शहर समितीच्या अध्यक्षा होत्या.
7. पेडणेकर यांना पालिका कामकाजाचा दांडगा अनुभव आहे.
8. किशोरी पेडणेकर यांना 2017-18 वर्षीचा प्रजा फाऊंडेशनतर्फे सर्वोत्कृष्ट नगसेवक म्हणून पुरस्कारही पुरस्कार मिळाला आहे.

संबंधित बातम्या:

Kishori Pednekar | कोणी कितीही शड्डू ठोकले तरी पुढील महापौर सुद्धा शिवसेनेचाच होणार : किशोरी पेडणेकर

Video : ‘यू आर दी मोस्ट अॅक्टिव्ह मेयर, तुमच्या पक्षातील लोकही घाबरत असतील’, राज्यपालांकडून पेडणेकरांचं कौतुक

BMC Mayor Kishori Pednekar felicitated with Maharashtra World Book of Records London Certificate of Commitment outstanding work during corona