अनिल देशमुखांना आणखी एक दणका; न्यायालयाने जामीन अर्ज फेटाळला; पुढील सुनावणी 10 ऑगस्ट रोजी

मुंबई : गृहमंत्रीपदाचा गैरवापर करून अनिल देशमुख (Former Home Minister Anil Deshmukh) यांनी भ्रष्टाचार केल्याचे आरोप मुंबईचे माजी पोलीस आयुक्त परमबीर सिंह (Mumbai Police Commissioner Paramveer Singh) यांनी केले होते. त्यानंतर सीबीआयने त्यांच्यावर गुन्हा नोंद केला होता. त्यानंतर ईडीकडून अनिल देशमुख यांना नोव्हेंबर 2021 मध्ये अटक करण्यात आली होती. तेव्हापासून अनिल देशमुख ईडीच्या ताब्यात असून त्यांनी आपल्याला जामीन मिळावा म्हणून न्यायालयात अर्ज केला होता. त्यानंतर आताही अनिल देशमुख यांनी मुंबई सर्वोच्च न्यायालयात जामीनासाठी अर्ज केला होता. मात्र यावेळी ईडीकडून विरोध दर्शविण्यात आल्याने त्यांचा जामीन अर्ज फेटाळून (Bail application rejected) लावला असून आता पुढील सुनावणी 10 ऑगस्ट रोजी होणार असल्याचे सांगण्यात येत आहे.

पुढील सुनावणी 10 ऑगस्ट रोजी

अनिल देशमुख यांनी आपल्याला जामीन मिळावा यासाठी मुंबई सर्वोच्य न्यायालयात अर्ज दाखल केला होता. मात्र या अर्जावर सुनावणी होत असताना ईडीकडून विरोध करण्यात आल्याने त्यांच्या अर्जाला ईडीकडून विरोध करण्यात आला आहे. याबाबतची पुढील सुनावणी 10 ऑगस्ट रोजी होणार असून त्याकडे साऱ्यांचे लक्ष लागून राहिले आहे.

 स्वीय सचिवासह आणखी एकावर आरोप पत्र

माजी मंत्री अनिल देशमुख यांनी मागील महिन्यातही त्यांनी जामीनासाठी अर्ज दाखल केला होता, मात्र 2 जून रोजी सीबीआयकडून देशमुख व त्यांचे स्वीय सचिव संजीव पालांडे व स्वीय सहायक कुंदन शिंदे यांच्यावरही आरोपपत्र दाखल केले होते.

शंभर कोटी वसुली प्रकरण अंगलट

गृहमंत्रीपदाचा गैरवापर करुन अनिल देशमुख यांनी शंभर कोटी वसुली केल्याप्रकरणी त्यांच्या गुन्हा दाखल करण्यात आला होता. मागील महिन्यात त्यांचे सहकारी स्वीय सहायकांवरही गुन्हा दाखल करण्यात आल्याने अनिल देशमुखांच्या अडचणीत आणखी वाढ होण्याची चिन्हे असल्याचे दिसत आहे. तआता त्यांच्या जामीन अर्जावर 10 ऑगस्ट रोजी सुनावणी होणार असल्याने राजकीय वर्तुळासह त्यांच्याकडे साऱ्यांचेच लक्ष लागले आहे.