मी स्वतःहून पक्ष सोडला नाही, तर देवेंद्र फडणवीस यांनी… राष्ट्रवादीचे आमदार प्रताप पाटील चिखलीकरांचा तो मोठा गौप्यस्फोट
Pratap Patil Chikhalikar : नांदेड जिल्ह्यात काही नेत्यांमध्ये विस्तव सुद्धा जात नाही. त्यातच ज्येष्ठ नेते अशोक चव्हाण आणि आमदार प्रताप पाटील चिखलीकर यांचा विळी-भोपळ्याचे वैर सर्वांनाच माहिती आहे. चिखलीकरांनी आता मोठा गौप्यस्फोट केला आहे.
मराठवाड्यातील नांदेडमध्ये काही नेत्यांमध्ये विस्तव सुद्धा जात नाही. राजकीय आघाड्या-बिघाड्यांनी गेल्या तीन-चार वर्षात राज्याचे राजकारण पुरतं बदलून गेले आहे. युती-महायुती, महाविकास आघाडीच्या प्रयोगाने कोण कुणाच्या बाजूने आहे हे काही लवकर लक्षात येत नाही. त्यातच विधानसभेसाठी राजकीय सोय म्हणून काहींनी मित्र पक्ष जवळ केल्याचे समोर आले आहे. हे नेते मित्र पक्षात असले तरी ते भाजपाच्या विचारधारेशीच कटिबद्ध असल्याचे दिसून येते. ज्येष्ठ नेते अशोक चव्हाण आणि आमदार प्रताप पाटील चिखलीकर यांचा विळी-भोपळ्याचे वैर सर्वांनाच माहिती आहे. चिखलीकरांनी आता मोठा गौप्यस्फोट केला आहे.
मी स्वतःहून पक्ष सोडला नाही
राष्ट्रवादीचे आमदार प्रताप पाटील चिखलीकर यांनी त्यांच्या राष्ट्रवादीतील प्रवेशाविषयी मोठे वक्तव्य केले आहे. विधानसभेसाठी जास्तीत जास्त जागा निवडून येण्यासाठी महायुतीत मित्र पक्षांनी एकमेकांना सांभाळून घेतल्याचे त्यांच्या एका वक्तव्यावरून समोर आले आहे. चिखलीकरांच्या या वक्तव्याने त्यावेळची समीकरणं समोर आली आहे. मी स्वत:हून पक्ष सोडला नाही, एड्जस्टसाठी देवेंद्र फडणवीस यांनी मला राष्ट्रवादी पाठवलं, असा गौप्यस्फोट आमदार प्रताप पाटील चिखलीकर यांनी केला. तसे हे उघड गुपित आहे, हे वेगळं सांगण्याची गरज नाही. प्रेमात, लढाईत आणि राजकारणात सर्व काही माफ असतं अस म्हणतात ते काही वावगं नाही.
अशोकराव लीडर नाही डीलर…
काँग्रेस सोडून भाजपामध्ये स्थिरस्थावर झालेले ज्येष्ठ नेते अशोक चव्हाण यांचे आणि चिखलीकरांचे राजकीय वैर सर्वांनाच माहिती आहे. त्या दोघांमध्ये विस्तव जात नाही. चिखलीकर त्यांच्यावर तोंडसुख घेण्याची संधी सोडत नाहीत. चिखलीकरांनी यापूर्वी सुद्धा अशोकरावांवर अनेकदा टीका आणि गंभीर आरोप केले आहेत. त्यांच्या भाजपा प्रवेशासाठी आपण आग्रही होतो असे ते म्हणत असले तरी, टीकेची संधी मात्र ते सोडत नाहीत.
देवेंद्र फडणीस यांनी मुख्यमंत्री असतांना ( 2019 ) सांगितलं होतं अशोकराव लीडर नाहीत डीलर आहेत. फडणवीस यांच जूनं वक्तव्य काढून आमदार चिखलीकर यांचा अशोकराव चव्हाण यांना पुन्हा एकदा टोला लगावला. अमित शहा यांच्या उपस्थित डी. पी. सावंत यांचा फेरपक्ष प्रवेश झाला. माजी मंत्री डी. पी सावंत यांच्या पक्ष प्रवेशावरून आमदार चिखलीकर यांनी टीका केली.
