AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

काँग्रेसच्या दिग्गजांना पराभवाचा धक्का, पृथ्वीराज चव्हाण, बाळासाहेब थोरातांसह इतर नेत्यांच्या हातून मतदारसंघ निसटला

Maharashatra Vidhansabha Election Result 2024 : भाजपाच्या त्सुनामीने महाविकास आघाडीमधील अनेक दिग्गजांना मोठा फटका बसला. भाजपाने 133 जागांवर आघाडी घेतली आहे. तर शिंदे सेना 56 आणि अजित पवार गटाला 40 जागांवर आघाडी मिळाली आहे. त्यातच राज्यातील दिग्गज काँग्रेस नेत्यांना पराभवाचा सामना करावा लागला आहे.

काँग्रेसच्या दिग्गजांना पराभवाचा धक्का, पृथ्वीराज चव्हाण, बाळासाहेब थोरातांसह इतर नेत्यांच्या हातून मतदारसंघ निसटला
| Updated on: Nov 23, 2024 | 3:28 PM
Share

भाजपाच्या त्सुनामीने राज्यात महाविकास आघाडी नेस्तनाबूत केली. एक्झिट पोलचे आकडे सुद्धा यावेळी महायुतीने गुंडाळून ठेवले. भाजपाच्या लाटेने ना भूतो न भविष्यती अशी कामगिरी केली. भाजपाच्या या महापूरात काँग्रेसचे दिग्गज नेते पराभूत झाले. ज्यांनी महाविकास आघाडीच्या बांधणीत आणि सुकाणू समितीत हिरारीने सहभाग घेतला ती मंडळी या विधानसभा निवडणुकीत धराशायी झाली. या विधानसभा निवडणुकीत भाजपाने 133 जागांवर आघाडी घेतली आहे. तर शिंदे सेना 56 आणि अजित पवार गटाला 40 जागांवर आघाडी मिळाली आहे.

राज्यातील 288 जागांसाठी सरासरी 65 टक्क्यांपेक्षा अधिक मतदान झाले आहेत. लोकसभा निवडणुकीपेक्षा मतांचा टक्का वाढला. अनेक जण हे भाजप-राष्ट्रीय स्वंयसेवक संघाच्या रणनीतीचा भाग मानत आहे. तर काही जण लाडक्या बहि‍णींचे वाढलेले मतदान मानत आहेत. पण यंदा भरघोस मतदान झाल्याने सर्व समीकरणं बदलली आहे. तर हिंदुत्वाचे खेळलेले कार्ड सर्वच मुद्दांवर भारी ठरल्याचे दिसून आले. भाजपाने मोठी झेप घेतली. एकट्या भाजपानेच महायुतीचा गाडा ओढल्याचे दिसून येते.

पृथ्वीराज चव्हाण यांना धक्का

माजी मुख्यमंत्री पृथ्वीराज चव्हाण यांना राज्यात मोठा धक्का बसला. कराड दक्षिण मतदारसंघात त्यांचा पराभव झाला. एकूण 18 मतमोजणी फेऱ्यांमधील 15 फेऱ्यांमध्ये ते मागे फेकले गेले. य ठिकाणी भारतीय जनता पक्षाचे डॉ. अतुलबाबा भोसले यांनी त्यांचा मोठ्या फरकाने पराभव केला. भोसले यांना 1,14,2025 मतं मिळाली. तर पृथ्वीराजबाबांना 89,398 मते मिळाली.

बाळासाहेब थोरात यांचा पराभव

बाळासाहेब थोरात यांच्या नावावर निवडणुकीत अनेक रेकॉर्ड आहेत. संगमनेरमधून बाळासाहेब थोरात यापूर्वी आठ वेळा निवडून आले. पण नवव्या वेळी त्यांचा पराभवाचा सामना करावा लागला. काँग्रेससाठी हा सर्वात मोठा धक्का मानण्यात येत आहे. आघाडीची सत्ता आली असती तर ते काँग्रेस पक्षाकडून मुख्यमंत्री पदाचे प्रमुख दावेदार होते. त्यांच्या मतदारसंघात नुकताच मोठा राडा झाला होता.

धीरज देशमुख – धीरज देशमुख सध्या पराभवाच्या छायेत असल्याचा दावा करण्यात येत आहे. लातूर ग्रामीण  या मतदारसंघात सध्या काँटे की टक्कर सुरू आहे. काँग्रेसचे धीरज देशमुख यांना 66988 मते मिळाली आहेत. तर भाजपाचे रमेश कराड यांना 70,561 मतं मिळाली आहेत. मतमोजणीच्या 26 पैकी 17 फेऱ्या पूर्ण झाल्या आहेत.

नाना पटोले – साकोली विधानसभा मतदारसंघात नानाभाऊ पटोले यांच्यासमोर मोठे आव्हान आहे. मतमोजणीच्या 28 फेऱ्यांपैकी 15 फेऱ्यांमध्ये पटोले यांना 535 मतांची आघाडी आहे. त्यांच्यासमोर भाजपाचे उमेदवार अविनाश ब्राह्मणकर यांनी मोठे आव्हान उभं केलं आहे. त्यांना 49,381 मत मिळाली आहेत.

विजय वडेट्टीवार – काँग्रेसचे दिग्गज नेते विजय वडेट्टीवार ब्रह्मपुरी मतदारसंघातून 4 हजारांच्या आघाडीवर आहेत. त्यांना 52,498 मतं मिळाली तर दुसरीकडे भाजपाचे क्रिशनलाल सहारे यांना 48,422 मतं मिळाली आहेत. मत मोजणीच्या 23 फेऱ्यांपैकी 11 फेऱ्यांमध्ये ही स्थिती आहे.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी