AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

उद्या दुपारी मोठ्या हालचाली, महायुतीचे नेते थेट राजभवनात जाणार?

शिंदे आणि फडणवीस यांच्यात आजच्या अर्धा तासाच्या बैठकीत शपथविधीबाबत, मंत्रिपदाबाबत आणि खातेवाटपाबाबत चर्चा झाल्याची माहिती आहे. यानंतर उद्या भाजपचा गटनेता निवडला जाणार आहे आणि नंतर पुढच्या सर्व घडामोडी घडणार असल्याची माहिती आहे.

उद्या दुपारी मोठ्या हालचाली, महायुतीचे नेते थेट राजभवनात जाणार?
महायुती
Chetan Patil
Chetan Patil | Updated on: Dec 03, 2024 | 9:37 PM
Share

महायुतीच्या गोटातून मोठी बातमी समोर येत आहे. महायुती सरकारचा शपथविधी येत्या 5 डिसेंबरला होणार आहे. त्याआधी उद्या मोठ्या घडामोडी घडणार आहेत. खात्रीलायक सूत्रांनी याबाबत सर्वात महत्त्वाची माहिती दिली आहे. भाजपचा उद्या गटनेता निवडला जाणार आहे. त्यासाठी भाजपचे दोन निरीक्षक मुंबईत येत आहेत. यापैकी भाजचे नेते विजय रुपाणी हे मुंबईत दाखल देखील झाले आहेत. तर दुसऱ्या निरीक्षक निर्मला सीतारमण या उद्यापर्यंत मुंबईत दाखल होतील. यानंतर भाजपचा गटनेता निवडला जाणार आहे. विशेष म्हणजे गटनेता हाच भाजपचा मुख्यमंत्रीपदाचा चेहरा राहण्याची शक्यता आहे. त्यामुळे भाजपचा गटनेता निवडल्यानंतर उद्या दुपारी राज्यात खऱ्या अर्थाने सत्ता स्थापनेच्या हालचालींना वेग येणार आहे.

सूत्रांनी दिलेल्या माहितीनुसार, महायुतीचे नेते उद्या दुपारी साडेतीन वाजता महाराष्ट्राचे राज्यपाल सी. पी. राधाकृष्णन यांची भेट घेऊन सत्ता स्थापनेचे पत्र देणार आहेत. या पत्रातून भाजप नेते राजभवनात राज्यपालांकडे सत्ता स्थापनेचा दावा करणार आहेत. त्यामुळे महाराष्ट्राच्या नव्या सरकारच्या शपथविधीआधी मोठ्या हालचाली घडणार असल्याचे स्पष्ट संकेत आता मिळताना दिसत आहेत.

आतापर्यंत काय-काय राजकीय हालचाली घडल्या?

महाराष्ट्र विधानसभा निवडणुकीचा निकाल लागून आता 10 दिवसांचा कालावधी लोटला गेला आहे. पण तरीही राज्यात सत्ता स्थापन झालेलं नाही. राज्यातील जनतेने महायुतीला स्पष्ट बहुमत दिलं आहे. पण काही कारणास्तव राज्यातील सत्ता स्थापनेत पेच निर्माण झाला होता. महायुतीत आधी मुख्यमंत्रीपदाबाबत रस्सीखेच सुरु होती. एकनाथ शिंदे हे सुरुवातीला मुख्यमंत्रीपदाचा दावा सोडण्यास तयार नसल्याची बातमी समोर आली होती. पण नंतर दोन दिवसांनी एकनाथ शिंदे यांनी स्वत: माध्यमांसमोर येत मुख्यमंत्रीपदाबाबतचा दावा सोडला. यानंतर एकनाथ शिंदे यांना गृहमंत्री हवं असल्याची माहिती समोर आली. एकनाथ शिंदे गृहखात्यासाठी आग्रही असल्याने महायुतीत सत्ता स्थापनेचा पेच निर्माण झाला.

या दरम्यान एकनाथ शिंदे हे आजारीदेखील पडले. एकनाथ शिंदे आजारपणामुळे साताऱ्यातील दरे दावात दोन दिवस मुक्कामी राहिले. त्यानंतर ते मुंबईत आले. पण त्यांच्या प्रकृतीत सुधारणा न झाल्याने ते ठाण्यात त्यांच्या निवासस्थानी आले. त्यांच्यावर तिथे उपचार करण्यात आले. यानंतर ते आज दुपारी ज्युपिटर रुग्णालयात दाखल झाले. तिथे त्यांच्यावर रुटीन चेकअप करण्यात आले. यानंतर एकनाथ शिंदे मुंबईला रवाना झाले. एकनाथ शिंदे यांची मुंबईत आज वर्षा निवासस्थानी भाजप नेते गिरीश महाजन यांच्यासोबत बैठक पार पडली. या बैठकीनंतर गिरीश महाजन शिंदे यांचा निरोप घेऊन देवेंद्र फडणवीस यांच्या सागर बंगल्यावर गेले.

एकनाथ शिंदे यांचा निरोप समजल्यानंतर देवेंद्र फडणवीस हे लागलीच त्यांच्या सागर बंगल्याहून वर्षा बंगल्याच्या दिशेला निघाले. यानंतर एकनाथ शिंदे आणि देवेंद्र फडणवीस यांच्यात जवळपास अर्धा तास चर्चा झाली. यानंतर देवेंद्र फडणवीस वर्षा बंगल्यातून बाहेर पडले. शिंदे आणि फडणवीस यांच्यात शपथविधीबाबत, मंत्रिपदाबाबत आणि खातेवाटपाबाबत चर्चा झाल्याची माहिती आहे. यानंतर उद्या भाजपचा गटनेता निवडला जाणार आहे आणि नंतर पुढच्या सर्व घडामोडी घडणार असल्याची माहिती आहे.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी