अंबरनाथमध्ये मेफोड्रॉन एम.डी अमली पदार्थ जप्त, एक आरोपी अटक तर एक फरार

अंबरनाथ : राज्य शासनाच्या गाईडलाईनप्रमाणे ठाणे पोलिसांनी येत्या 5 जानेवारीपर्यंत मोठ्या प्रमाणात रात्री 11 ते सकाळी 6 वाजेपर्यंत कर्फ्यू लावण्यात आला असून पार्ट्या करणाऱ्यांवर देखील करडी नजर असणार आहे. तसेच अंमली पदार्थ तस्करी करणाऱ्यांवरदेखील करडी नजर आहे. अशात अंबरनाथमध्ये शिवाजीनगर पोलीस ठाण्याच्या हद्दीत मेफोड्रॉन एम.डी हा अमली पदार्थ जप्त करण्यात आला आहे. या कारवाईत पोलिसांनी एका तरुणास अटक केली असून यावेळी त्याचा आणखी एक साथीदार पोलिसांच्या तावडीतून निसटला. (Mephodron MD seized in Ambernath one arrested)

मिळालेल्या माहितीनुसार, बबलू उर्फ विवेक मोरे असे अटक करण्यात आलेल्या तरुणाचे नाव असून त्याचा साथीदार संजय गायकवाड फरार आहे अशा माहिती अंबरनाथ शिवाजी नगर पोलीस ठाण्याचे वरिष्ठ पोलीस निरीक्षक मधुकर भोगे यांनी दिली आहे. पोलिसांनी दिलेल्या माहितीनुसार, अंबरनाथ शिवाजीनगर पोलीस स्टेशनच्या हद्दीत गुन्हेगारीवर नियंत्रण मिळवण्यासाठी अलर्ट ऑपरेशन करण्यात आले होते. सदर अलर्ट ऑपरेशन दरम्यान वेगवेगळ्या गुन्हेगारांवर कारवाई करण्यासाठी पथक नेमण्यात आले होते.

हे पथक गस्तीवर असताना रेल्वे स्टेशनजवळील भीमनगर भागात एका रिक्षात दोन तरुण संशयितरित्या बसले होते. पोलीसानी त्यांना हटकले असता या दोघांनी तेथून पळून जाण्याचा प्रयत्न केला. काही अंतरावर पोलिसांनी पाठलाग करत त्यांना पुन्हा ताब्यात घेतले. यामधील एकाची चौकशी सुरू केली असता एका तरुणाचे नाव बबलू उर्फ विवेक मोरे असल्याचे समोर आले. त्याच्या चौकशी दरम्यान त्याचा साथीदार संजय गायकवाड मात्र फरार झाला.

पोलिसांना संशय आल्याने त्यांनी बबलूची अंगझडती घेतली असता त्याच्याकडे मेफोड्रॉन एम.डी या अमली पदार्थाची अकरा पाकिटं असा एक लाख सत्तावन हजार चारशे रुपयांचा मुद्देमाल जप्त केला. मुद्देमालात एक रिक्षाही जप्त करण्यात आली आहे. या आरोपीवर अमली पदार्थ कायद्यानुसार कारवाई करण्यात आली असून पसार झालेल्या आरोपीचा शोध घेत सुरू असल्याची माहिती समोर आली आहे. मेफोड्रॉन एम.डी हा अमली पदार्थ या आरोपीने कुठून आणला याचा शोध शिवाजी नगर पोलीस घेत आहेत. (Mephodron MD seized in Ambernath one arrested)

इतर बातम्या – 

मनसेच्या खळखट्याकनंतर अ‍ॅमेझॉनचे नमते; सात दिवसांत मराठी भाषेचा समावेश करणार

Dharavi Corona Update : 8 महिन्यांनी धारावीत चैतन्य, 24 तासात एकही नवा रुग्ण नाही

(Mephodron MD seized in Ambernath one arrested)