Manora Amdar Niwas | 900 कोटींचा खर्च, नवीन मनोरा आमदार निवास प्रकल्पासाठी लवकरच कंत्राटदार नेमणार
बांधकाम क्षेत्रातील दिग्गज टाटा, एलअँडटी आणि शापूरजी पालनजी या तीन कंपन्यांनी मनोरा आमदार निवास पुनर्विकासासाठी उत्सुकता दर्शविली आहे. त्यानुसार लवकरच या तीन कंपन्यांपैकी एका कंपनीला कंत्राट देऊन पुढील प्रक्रिया पूर्ण झाल्यानंतर साधारण दोन महिन्यांत प्रत्यक्ष कामाला सुरुवात होऊ शकते.
मुंबई : गेल्या दोन वर्षांपासून प्रतीक्षेत असलेल्या मनोरा आमदार निवास पुनर्विकास प्रकल्पाला अखेर चालना मिळाली आहे. मात्र प्रकल्पाच्या प्रत्यक्ष कामाला नवीन वर्ष उजडणार आहे. बांधकाम क्षेत्रातील दिग्गज टाटा, एलअँडटी आणि शापूरजी पालनजी या तीन कंपन्यांनी मनोरा आमदार निवास पुनर्विकासासाठी उत्सुकता दर्शविली आहे. त्यानुसार लवकरच या तीन कंपन्यांपैकी एका कंपनीला कंत्राट देऊन पुढील प्रक्रिया पूर्ण झाल्यानंतर साधारण दोन महिन्यांत प्रत्यक्ष कामाला सुरुवात होऊ शकते.
कंत्राटदार कंपनी निश्चित न झाल्यामुळे काम अद्याप बंद
नव्या मनोरा आमदार निवासाचे उद्घाटन 2019 साली जुलै महिन्यात करण्यात आले. तत्कालीन मुख्यमंत्री देवेंद्र फडणवीस यांच्या हस्ते या प्रस्तावित इमारतीचे भूमिपूजन झाले होते. मात्र या नव्या मनोरा आमदार निवसाचे काम अद्याप सुरु झालेले नाही. या प्रकल्पाच्या प्रत्यक्ष कामाला पुढील वर्ष उजाडणार आहे. 900 कोटींच्या या प्रकल्पासाठी तीन निविदा प्राप्त झाल्या होत्या. मात्र कंत्राटदार कंपनी निश्चित न झाल्यामुळे काम अद्याप बंद आहे. टाटा , शापूरजी पालनजी आणि एल अँड टी या कंपन्यांनी नविदा भरलेल्या आहेत. उच्चाधिकार समितीच्या बैठकीनंतर अंतिम कंत्राट दिलं जाणार आहे. त्यानंतर मनोरा आमदार निवासाच्या प्रस्तावित इमारतीचे बांधकाम सुरु होईल.
नव्या मनोरा आमदार निवास प्रकल्पाचे वैशिष्य काय ?
या नव्या आमदार निवासात तब्बल आठशे खोल्या असणार आहेत. तसेच ही एक 34 मजली इमारत असून एकूण बांधकाम 7.72 लाख चौरस फुटाचे असणार आहे. सभागृहाची आसन क्षमता ही 240 असेल. ही इमारत सर्व सोईसुविधांनी युक्त असून येते वाहनतळ, दवाखाना, दुकाने, भोजनकक्ष यांची व्यवस्था असेल. येथे चित्रपट, वाचनालयदेखील असेल.
इतर बातम्या :