मुंबईतील मुलुंडमधील अपार्टमेंटमध्ये भीषण आग, अग्निशमन दलाच्या गाड्या दाखल

मुंबई : मुंबईत मुलुंडमध्ये अपार्टमेंटच्या तिसऱ्या मजल्यावर मंगळवारी दुपारी १२ वाजता भीषण आग लागल्याची घटना घडली आहे. मुलुंड स्टेशन परिसरातील ही घटना आहे. या ठिकाणी असलेल्या सहा मजल्याच्या इमारतीमधील या इमारतीमध्ये चौथ्या माळ्यावर काही नागरिक अडकले होते.  घटनास्थळी अग्निशमन दलाच्या गाड्या दाखल झाल्या आणि बचाव व मदत कार्य वेगाने सुरु करण्यात आले होते. अग्निशमन दलाच्या जवानांनी आणि पोलिसांनी अडकलेल्या लोकांची सुखरूप सुटका केली. तासाभरात या आगीवर नियंत्रण मिळविण्यास अग्निशमन दलाला यश मिळाले आहे.

Fire breaks out in 6-storey building in Mulund#Mumbai #Fire pic.twitter.com/P7pU9a9R5M

— jitendra (@jitendrazavar) April 25, 2023

मुलूंडमधील धीरज अपार्टमेंटच्या तिसऱ्या मजल्यावर भीषण आग लागली. ही आग कशामुळे लागली याची माहिती अद्याप मिळाली नाही. परंतु अचानक लागलेल्या या आगीमुळे धावपळ उडाली. स्थानिक नागरिकांनी त्वरित अग्नीशमन दलास फोन केला. त्यानंतर काही वेळेत अग्नीशमन दलाच्या गाड्या घटनास्थळी दाखल झाल्या. आगीवर नियंत्रण मिळवण्याचे प्रयत्न सुरु आहेत.

तिसऱ्या मजल्यावर अडकलेल्या नागरिकांना सुरक्षित बाहेर काढण्यात आले आहे. या आगीत काय हानी झाली का? याची माहित अद्याप उपलब्ध झाली नाही.

आगीवर नियंत्रण

मुलुंड स्टेशन परिसरात असलेल्या धीरज अपार्टमेंटच्या चौथ्या मजळ्यावर भीषण आग लागली. सहा माळ्याची ही इमारत आहे. या इमारतीमध्ये चौथ्या माळ्यावर काही नागरिक अडकले होते. त्यांची अग्निशमन दलाच्या जवानांनी आणि पोलिसांनी सुखरूप सुटका केली. तासाभरात या आगीवर नियंत्रण मिळविण्यास अग्निशमन दलाला यश मिळाले आहे. शॉर्टसर्किटमुळे ही आग लागल्याचा प्राथमिक अंदाज व्यक्त केला जात आहे. दरम्यान या दुर्घटनेत कुठलीही जीवित हानी झालेली नाही. पोलिस व अग्निशमन दल वेळीच घटनास्थळी दाखल झाल्यामुळे मोठा अनर्थ होता तो टळला.