Corona Update | दिलासा! विलगीकरणातून बरे झालेल्यांची संख्याही वाढली; मुंबई महापालिकेचं मोठं यश

मुंबई : एकीकडे कोरोनाबाधितांची संख्या कमी होत असतानाच विलगीकरणाचा कालावधी पूर्ण केलेल्या संशयितांचा आकडाही मोठा आहे. आतापर्यंत बाधितांच्या संपर्कात आलेल्यांपैकी 33 लाख 71 हजारांहून अधिक संशयित विलगीकरणातून मुक्त झाले आहेत (Number Of Those Who Recovered From Quarantined Increased).

मात्र, कोरोनाचा संसर्ग पसरु नये यासाठी आजघडीला सव्वाचार लाखांहून अधिक व्यक्तींना गृह विलगीकरणात ठेवण्यात आले आहे. संसर्गावर नियंत्रण मिळावे यादृष्टीने कोरोनाबाधितांच्या संपर्कातील व्यक्तींचा मोठ्या संख्येने शोध घेण्याचे आदेश पालिका आयुक्त इक्बालसिंह चहल यांनी दिले होते.

त्यानुसार, संशयित रुग्णांचा शोध घेण्यात येत आहे. आतापर्यंत 38 लाख 4 हजार 170 संशयित रुग्ण पालिकेला सापडले आहेत. यापैकी 16 लाख 40 हजार 748 संशयित रुग्ण अतिजोखमीच्या, तर 21 लाख 63 हजार 422 कमी जोखमीच्या गटात होते.

या शोधमोहिमेत सापडलेल्या 33 लाख 71 हजार 112 संशयित रुग्णांचा विलगीकरणाचा काळ पूर्ण झाला असून विलगीकरणातून ते मुक्त झाले आहेत. ही एक दिलासादायक बाब आहे.

मुख्यमंत्र्यांचा जनतेला सतर्कतेचा इशारा

तर मुख्यमंत्री उद्धव ठाकरे यांनी राज्यातील जनतेला सतर्कतेचा इशारा दिला. जगभरात येत असलेली  कोरोनाची दुसरी लाट त्सुनामी ठरू शकते, आपल्याकडे ती येऊ द्यायची नसेल तर गाफील राहून चालणार नाही, असा इशारा देतानाच मास्क लावणे, हात धुणे आणि शारीरिक अंतराचे पालन करणे या त्रिसुत्रीचा अवलंब प्रत्येकाला करावाच लागेल, मुख्यमंत्री उद्धव ठाकरे यांनी सांगितलं.

…तर कोरोनाची दुसरी लाट त्सुनामी ठरू शकते; मुख्यमंत्र्यांचा सतर्कतेचा इशाराhttps://t.co/jbOuBn6p6p#cmuddhavthackeray #UddhavThackeray #reopentemple #maharashtragovt #MaharashtraFightsCorona #Maharashtra #mahavikasaghadi

— TV9 Marathi (@TV9Marathi) November 8, 2020

Number Of Those Who Recovered From Quarantined Increased

संबंधित बातम्या :

गोविंदबागेत दिवाळी साध्या पद्धतीने, कोरोनाच्या पार्श्वभूमीवर सार्वजनिक कार्यक्रम रद्द

कोरोनाचा फटका, नागपूरमध्ये फटाके व्यावसायिकांची संख्या घटली, महापालिकेकडून 582 जणांना परवानगी