Shivsena: ऑपरेशन टायगरने सुरूंग लावलाच, 6 बंडखोरांचा गट स्थापन, शिंदेंच्या शिवसेनेत कधी होणार विलीन? मोठी अपडेट काय?

Rebel MPs Group will be merge in Shinde Shiv Sena: ऑपरेशन टायगर यशस्वी ठरले. सहा बंडखोर खासदारांनी स्वतंत्र गट स्थापन करण्याचे पत्र लोकसभा अध्यक्षांना कालच दिले होते. स्वतंत्र गट म्हणून त्याला लोकसभा अध्यक्ष ओम बिर्ला यांनी मंजूरी दिली. त्यामुळे उद्धव सेनेसमोर मोठा पेचप्रसंग निर्माण झाला आहे. तर सहा खासदारांचा हा गट शिंदे सेनेत कधी विलीन होणार याविषयीची चर्चा सुरू झाली आहे. 19 जून रोजी शिवसेनेचे दोन्ही गट पक्ष वर्धापन दिन साजरा करणार आहे. त्यापूर्वीच उद्धव सेनेते उभी फूट पडली आहे. त्यामुळे दोन दिवसांनी हा गट शिंदे सेनेत विलीन होणार का? याकडे सर्वांचे लक्ष लागेल आहे.

ऑपरेशन टायगरला ग्रीन सिग्नल

राज्यात ऑपरेशन टायगर राबवले जाणार याची चर्चा अनेक दिवसांपासून सुरू होती. 10 जून रोजी दिल्लीत राष्ट्रीय लोकशाही आघाडीची बैठक झाली. त्या बैठकीत केंद्रीय गृहमंत्री अमित शाह यांनी ऑपरेशन टायगरला ग्रीन सिग्नल दिल्याचे समजते. यानंतर दिल्लीतील एका मोठ्या हॉटेलमध्ये ठाकरे गटाचे बंडखोर खासदारांनी उपमुख्यमंत्री एकनाथ शिंदे यांची भेट घेतली आणि ऑपरेशन टायगर टप्प्यात आले. त्यानंतर उद्धव ठाकरे यांनी रविवारी बैठक घेतली. त्यालाही एक आमदार प्रत्यक्ष तर पाच आमदार व्हर्चुअली उपस्थित राहिले हे विशेष. कोणताही संशय येऊ नये याची काळजी घेण्यात आली होती. पण अखेर ही बातमी फुटलीच आणि दिल्लीत रात्री मोठ्या घडामोडी घडल्या. आज फुटीर खासदारांच्या गटाला लोकसभा अध्यक्षांनी मंजूरी दिली.

वर्धापन दिनाच्या कार्यक्रमात पक्ष प्रवेश?

19 जून रोजी शिवसेनेतील दोन्ही गट वर्धापन दिन साजरा करणार आहेत. दोन्ही पक्षांनी त्यासाठी जय्यत तयारी सुरू केली आहे. एकनाथ शिंदे यांची शिवसेना 60 वा वर्धापन दिनाचा कार्यक्रम गोरेगावच्या नेस्को सेंटर येथे घेणार आहे. 19 जून रोजी वर्धापन दिन साजरा होईल. त्यात एकनाथ शिंदे उद्धव ठाकरे सेनेच्या 6 खासदारांचा पक्ष प्रवेश करून घेण्याची शक्यता आहे.  अजून याविषयीची अधिकृत माहिती समोर आलेली नाही. तर उद्धव सेना सुप्रीम कोर्टात धाव घेणार आहे. सहा बंडखोरांच्या गटाला मंजूरी देण्याच्या निर्णयाला सुप्रीम कोर्टात आव्हान देण्यात येणार असल्याचे समजते. कोणताही गट दुसऱ्या पक्षात विलीन करता येत नाही, अशी भूमिका उद्धव सेनेने घेतली आहे.

कोण आहेत ते 6 खासदार?

संजय देशमुख, यवतमाळ

संजय जाधव, परभणी

संजय दिना पाटील, उत्तर पूर्व मुंबई

नागेश पाटील आष्टीकर, हिंगोली

ओमराजे निंबाळकर, धाराशिव

भाऊसाहेब वाकचौरे, शिर्डी