महिलांवरील अत्याचार रोखण्याची जबाबदारी राज्य सरकारची, साकीनाक्यातील बलात्काराच्या निषेधार्थ आरपीआयचे आंदोलन
साकिनाका येथे एका महिलेवर बलात्कार करून क्रूरपणे हत्या करण्याचा अत्यंत अमानुष प्रकार घडला. या प्रकरणातील दोषी आरोपीना कठोरात कठोर फाशीची शिक्षा करण्यात यावी, अशी मागणी रिपब्लिकन पक्षाने केली आहे.
मुंबई : साकिनाका येथे एका महिलेवर बलात्कार करून क्रूरपणे हत्या करण्याचा अत्यंत अमानुष प्रकार घडला. या प्रकरणातील दोषी आरोपीना कठोरात कठोर फाशीची शिक्षा करण्यात यावी, या मागणीसाठी केंद्रीय राज्यमंत्री रामदास आठवले यांच्या नेतृत्वातील रिपब्लिकन पक्षातर्फे आज अंधेरी साकिनाका येथील सिग्नल जवळ जोरदार निषेध आंदोलन करण्यात आले. (Ramdas Athawale and RPI Protest against Sakinaka rape case)
या आंदोलनाचे नेतृत्व रिपाइंचे राष्ट्रीय सरचिटणीस आणि माजी राज्य मंत्री अविनाश महातेकर, रिपाइंचे मुंबई अध्यक्ष गौतम सोनवणे यांनी केले. यावेळी रिपाइंचे दादासाहेब भोसले, अंकुश हिवाळे तसेच स्थानिक जिल्हा अध्यक्ष विवेक पवार, दयाळ बहादूर, प्रकाश जाधव, साधू कटके, रमेश गायकवाड, शशिकला जाधव, गुलाब म्हात्रे, भारती गुरव आदींनी या आंदोलनाचे नेतृत्व केले.
साकिनाका येथे महिलेवरील बलात्कार आणि हत्येचा अमानुष प्रकार अत्यंत पाशवी वृत्तीचे दर्शक आहे. या प्रकरणी जलदगती न्यायालयात खटला चालवून आरोपीना फाशीची शिक्षा करावी, अशी मागणी आंदोलकांच्या वतीने अविनाश महातेकर यांनी केली.
राजावाडी रूग्णालयाबाहेर भीम आर्मीची निदर्शने
साकीनाका येथे एका पीडितेवर झालेल्या अत्याचारानंतर तिचा शनिवारी दुर्दैवी मृत्य झाला. या प्रकरणी भीम आर्मी मुंबई प्रदेशच्या वतीने राजावाडी रूग्णालयात जाऊन पीडित कुंटूंबाची भेट घेतली. यावेळी पीडित कुंटूंबाला भेटण्यासाठी भीम आर्मी मुंबई प्रदेशचे शिष्टमंडळ गेले असता त्यांना पोलीसांनी अडवले. भीम आर्मीच्या कार्यकत्यांनी दिलेल्या घोषणाबाजीने परिसर दणाणून गेला होता. अखेर पोलिसांनी पीडित कुंटूंबाची भेट करून दिली.
पीडित कुंटूंबाला भेटून त्यांना दिलासा देण्यात आला. पीडित कुंटूंबाला न्याय मिळालाच पाहिजे. केंद्र सरकार मुर्दाबाद, राज्य सरकार मुर्दाबाद अशा यावेळी घोषणा देण्यात आल्या. पीडित कुंटूंबाला न्याय मिळाला पाहिजे. आरोपींना फाशीची शिक्षा झाली पाहिजे, अशी मागणी भीम आर्मीच्या मुंबई प्रमुख उपाध्यक्ष योगीनी पगारे यांनी केली आहे. या आंदोलनात महादू पवार, अविनाश गरूड, विकी शिंगारे, दिनेश शर्मा, क्रांती खाडे, तृप्ती वाघमारे, बालाजी घाडगे तसेच आझाद समाज पार्टीचे मुंबई अध्यक्ष कैलास जैस्वार आदी पदाधिकारी मोठया संख्येने उपस्थित होते.
बलात्काराची नेमकी घटना काय, तपास कुठपर्यंत पोहोचला?
मुंबईच्या साकीनाका परिसरातील बलात्कार प्रकरणाने एकच खळबळ उडाली आहे. राज्यभरातून या घटनेवर रोष व्यक्त केला जातोय. या घटनेतील पीडित महिलेचा उपचारादरम्यान मृत्यू झाला आहे. या प्रकरणाची गंभीर दखल मुख्यमंत्री उद्धव ठाकरे यांनी घेतली आहे. तसेच गुन्हेगारास कठोर शिक्षा केली जाईल, असं आश्वासन त्यांनी दिलं आहे. त्याचबरोबर मुख्यमंत्र्यांनी या प्रकरणाचा खटला फास्ट ट्रॅक कोर्टात चालवण्याचे आदेश दिले आहेत.
इतर बातम्या
VIDEO: शरद पवारांनी काँग्रेसच्या झेंड्याखाली एकत्रं यावं; बाळासाहेब थोरातांचं पहिल्यांदाच खुलं आवतन
(Ramdas Athawale and RPI Protest against Sakinaka rape case)
