व्यवसायिक गॅस सिलिंडरच्या दरात 100 रुपयांची वाढ; हॉटेलमधील जेवनही महागणार
महिन्याच्या पहिल्याच दिवशी व्यवसायीकांना महागाईचा झटका बसला आहे. एलपीजी सिलिंडर स्वस्त होण्याची अपेक्षा होती, मात्र सिलिंडरच्या किमती 100 रुपयांनी वाढल्या आहेत. मुंबईमध्ये गॅस सिलिंडरचे भाव 2050 रुपयांवर पोहोचले आहेत.
मुंबई : महिन्याच्या पहिल्याच दिवशी व्यवसायीकांना महागाईचा झटका बसला आहे. एलपीजी सिलिंडर स्वस्त होण्याची अपेक्षा होती, मात्र सिलिंडरच्या किमती 100 रुपयांनी वाढल्या आहेत. सर्वसामान्यांच्या दृष्टिने दिलासादायक गोष्ट म्हणजे, घरगुती सिलिडंरचे दर स्थिर असून, त्यामध्ये कोणताही बदल करण्यात आला नाही. मात्र व्यवसायिक सिलिंडर 100 रुपयांनी वाढवण्यात आला आहे. दरम्यान सिलिंडरचे दर वाढल्याने महागाई आणखी वाढण्याची शक्यता वर्तवण्यात येत आहे.
हॉटेलचे जेवन महागणार
सिलिंडरच्या नव्या दरानुसार आता मुंबईत 19 किलो व्यवसायिक सिलिंडरची किंमत 2050 रुपये झाली आहे. गेल्या दोन महिन्यांमध्ये गॅस सिलिंडरच्या दरात जवळपास 250 ते 300 रुपयांची वाढ झाली आहे. आज पुन्हा एकदा सिलिंडर 100 रुपयांनी महागले आहे. व्यवसायिक सिलिंडर महागल्याने हॉटेलमधील जेवनाचे दर देखील वाढण्याची शक्यता आहे. जेवनाच्या प्रत्येक डिलिव्हरीमागे ग्राहकांना 15 ते 20 रुपये अतिरिक्त मोजावे लागणार आहेत.
दिलासा नाहीच
दरम्यान पुढील काळात पाच राज्यात विधानसभेच्या निवडणुका आहेत. निवडणुकांच्या पार्श्वभूमीवर इंधनाचे दर कमी होतील असा अंदाज वर्तवला जात होता. ज्याप्रमाणे केंद्राने पेट्रोल, आणि डिझेलवरील उत्पादन शुल्क कमी करून, सर्वसामान्यांना दिलासा दिला. तसाच काहीसा निर्णय गॅस सिलिंडरबाबत देखील होऊ शकतो, अशी अपेक्षा होती. मात्र याउलट गॅस सिलिंडरचे दर आज पुन्हा एकदा शंभर रुपयांनी वाढवण्यात आले आहेत. याचा मोठा आर्थिक फटका हा व्यवसायिकांना बसणार असून, यामुळे महागाई वाढण्याची शक्यता आहे.
संबंधित बातम्या
एटीएममधून पैसे काढण्यासाठी लागणार ओटीपी, एसबीआयचा नवा नियम
दिलासादायक! शेअरबाजारातील पडझडीला ब्रेक; सेन्सेक्स 700 अंकांनी उसळला
ज्या भारतीय सीईओंचा जगभर डंका; ते अग्रवाल, नाडेला, पिचाई नेमके कमवतात किती?
