सोलापुरातील ऐतिहासिक चिमणी अखेर जमीनदोस्त…; स्थानिक म्हणाले, आम्हाला अतीव दुःख…
Mahesh Bhandari on Solapur Chimani Demolished : सोलापूरची चिमणी जमीनदोस्त करण्यात आली आहे. या घटनेची सर्वत्र चर्चा होत आहे. ही चिमणी का पाडण्यात आली? कारणं काय? स्थानिकांची मतं काय? चिमणी पाडल्याचं आम्हाला अतीव दुःख..., असं कोण म्हणालं? वाचा सविस्तर...
गिरणगाव अशी ओळख असलेल्या सोलापुरातील मिलची ऐतिहासिक चिमणी अखेर जमीनदोस्त करण्यात आली आहे. सोलापुरातील लक्ष्मी मीलमधील ऐतिहासिक अशी चिमणी आज पाडण्यात आली. अंतरिक्ष इन्फ्राकॉन या कंपनीच्या मालकी असलेल्या जागेतील ही चिमणी धोकादायक असल्याचा अहवाल सोलापूर महापालिकेने दिला होता. त्यानंतर खासगी कंपनीतर्फे ही चिमणी पाडण्यात आली. ही चिमणी पडण्यासाठी जवळपास पावणे दोन तास लागले. एकेकाळी कापड मिलचं भंडार असलेल्या सोलापुरात चिमणीशी स्थानिकांचं वेगळंच नातं आहे. आज लक्ष्मी मीलमधील चिमणी पाडण्यात आल्यानंतर स्थानिकांनी भावनिक प्रतिक्रिया दिल्या.
अन् अखेर लक्ष्मी मिलची चिमणी पाडली…
सोलापूरच्या मरीआई चौकातील लक्ष्मी मिलची अखेरची ओळख आज संपुष्टात आली आहे. लक्ष्मी मीलमधील ऐतिहासिक अशी चिमणी आज पाडण्यात आली. सोलापूर महापालिकेने या मिलला धोकादायक शेरा दिल्याने ही चिमणी पाडण्यात आली. ही चिमणी पडण्यासाठी पावणे दोन तास लागले. यावरून सोलापूरकर भावनिक झाल्याचं पाहायला मिळालं.
जागा मालक महेश भंडारी यांची प्रतिक्रिया काय?
सोलापूरची ओळख असलेल्या लक्ष्मी मिलची चिमणी पाडली याचं आम्हाला अतीव दुःख आहे. कारण ही चिमणी म्हणजे सोलापूरची ओळख आहे मात्र ती धोकादायक बनली होती. तज्ज्ञांच्या रिपोर्टनुसार ही चिमणी 3 डिग्रीमध्ये झुकली होती. त्यामुळे आम्हाला चिमणी पाडावी लागली. चिमणी पाडल्याचा आम्हाला आनंद झाला नाही मात्र इतरांच्या जीविताला त्यामुळे धोका निर्माण झाला असता. या सर्व कारणामुळे चिमणी पाडली आहे. मात्र चिमणी पाडली याचं आम्हाला अतीव दुःख आहे, असं ज्या ठिकाणी ही चिमणी होती त्या जागेचे मालक महेश भंडारी यांनी म्हटलं आहे.
अंतरिक्ष इन्फ्राकॉन या कंपनीच्या मालकी असलेल्या 20 एकर जागेतील ही चिमणी धोकादायक असल्याचा अहवाल सोलापूर महापालिकेने दिला होता त्यामुळे ही चिमणी पाडली. त्यानंतर खासगी कंपनीतर्फे ही चिमणी पाडण्यात आली आहे. ही चिमणी पडण्यासाठी जवळपास पावणे दोन तास लागले, असंही महेश भंडारी यांनी सांगितलं.
