डॉक्टरच्या मुलाचं सरकारी अधिकाऱ्याच्या मुलीसोबत भयानक कांड, पोलीस रुमच्या आत घुसले त्यावेळी मुलीचे हात-पाय बांधलेले, मुलाच्या हातात बेल्ट होता आणि..
आरोपी ठाण्यातील एका प्रतिष्ठीत डॉक्टरचा मुलगा असून पीडित मुलगी नागपूरची आहे. तिचे वडिल वरिष्ठ सरकारी अधिकारी आहेत. आरोपीने इन्स्टाग्रामवरुन मुलीशी ओळख वाढवली होती.
अल्पवयीन मुलीचं अपहरण करुन तिचं लैंगिक शोषण केल्याच्या प्रकरणात नागपूर पोलिसांनी बॅचलर ऑफ बिझनेस अॅडमिनिस्ट्रेशनच्या विद्यार्थ्याला अटक केली आहे. आरोपी ठाण्यातील एका प्रतिष्ठीत डॉक्टरचा मुलगा असून पीडित मुलगी नागपूरची आहे. तिचे वडिल वरिष्ठ सरकारी अधिकारी आहेत. आरोपीने इन्स्टाग्रामवरुन पीडित मुलीशी ओळख वाढवली होती. आरोपी ठाण्याला राहतो. त्याचे आई-वडिल प्रतिष्ठीत डॉक्टर असून तो आयपीएस ऑफिसरचा भाचा आहे. पीडित मुलीचे वडिल महसूल अधिकारी आहेत. इन्स्टाग्रामवरुन त्याने पीडित मुलीशी ओळख वाढवली. आकाश मेहरा नावाने त्याने एक फेक अकाऊंट बनवलं होतं. ते त्याचं खरं नाव नाहीय.
24 तासापासून पीडित मुलगी बेपत्ता होती. ती घरी आली नाही. तिचा फोनही स्विचऑफ येत होता. शेवटी आई-वडिलांनी नागपूर पोलिसात धाव घेतली. पोलिसांनी मुलीचे इन्स्टाग्रॅम चॅट तपासले. त्याआधारे त्यांना आरोपी ठाण्याचा असल्याचं समजलं. पोलीस आरोपीच्या ठाण्याच्या घरापर्यंत पोहोचले. त्यांनी मुलाच्या आईला त्याला फोन लावायला लावला. आरोपीने फोन उचलताच पोलिसांनाी लोकेशन ट्रेस केलं व दिघोरीच्या फ्लॅटवर पोहोचले. दक्षिण नागपूरमध्ये हा भाग येतो. पोलिसांनी रुमच्या आत प्रवेश केला, तेव्हा पीडित मुलीचे हात-पाय बांधलेले होते. आरोपीच्या हातात पट्टा होता. आरोपीने पीडित मुलीला नशेचं चॉकलेट खायला दिलं. तिला पूर्णपणे हतबल केलं. आरोपीने पीडितेला चाबकाने फोडून काढलं. चाकूने कट केल्यामुळे तिच्या शरीरातून रक्तस्त्राव सुरु होता. पीडितेच्या शरीरावर 20 पेक्षा जास्त जखमा होत्या तसेच दाताने चावल्याचे व्रण होते. पोलीस रुमच्या आत आले, त्यावेळी आरोपीने पीडितेच्या गळ्यावर चाकू रोखलेला.
लेदर बेल्ट आणि चाबकाने फटके मारले
ही क्रूरता करताना आरोपीने पीडितेचे व्हिडिओ बनवले व फोटो खेचून पीडितेला ब्लॅकमेल केलं. आरोपीने इन्स्टाग्राम, ऑनलाइन गेमिंग APP च्या माध्यमातून पीडितेशी ओळख केली. त्याने दिघोरीमध्ये फ्लॅट बुक केला. पीडितेला त्याने तिथे बोलवलं होतं. तिची फसवूक करुन तिला नशा असलेलं चॉकलेट खायला दिलं. त्यामुळे तिच्यासोबत जे चुकीचं होतय, त्याला प्रतिकार करु शकली नाही. त्याने पीडितेचा बंधक बनवून लेदर बेल्ट आणि चाबकाने फटके मारले. पीडितेला असह्य वेदना दिल्या.
नायलॉनची रश्शी जप्त
पोलिसांनी घटनास्थळावरुन तीन चाकू, बेड्या, नायलॉनची रश्शी, स्प्रे, नशेच्या गोळ्या, एअर पंप आणि हवा भरलेली गादी जप्त केली. या उपकरणाच्या सहाय्याने तिने पीडितेला त्रास दिला. पीडित मुलीला आयसीयूमध्ये दाखल करण्यात आलं आहे.
