Nagpur Crime | नागपूरच्या जरीपटक्यात सापडला मृतदेह, शरीर प्राण्याने कुरतडलेले, अज्ञात मृतकाचा शोध

नागपूर : नागपूरच्या जरीपटका (Jaripatka) परिसरातील बँक कॉलोनीमध्ये (Bank Colony) एक पुरुष जातीचा मृतदेह सापडला. कृपलानी नावाच्या व्यक्तीच्या खाली प्लॉटमध्ये हा अज्ञात व्यक्तीचा मृतदेह दिसला. मृतदेहाला कुठल्या तरी प्राण्याने कुरतडले असल्याची शक्यता आहे. हा परिसर सुनसान असून झाड-झुडपंसुद्धा आहेत. घटनेची माहिती मिळताच पोलिसांनी घटनास्थळ गाठत तपास सुरू केला. मात्र अशा सुनसान जागी हा मृतदेह कसा आला किंवा हा व्यक्ती इथं काय करत होता, त्याची हत्या तर झाली नाही ना. या सगळ्या बाबीचा पोलीस तपास करत आहेत. अशी माहिती जरीपटक्याचे पोलीस निरीक्षक गोरख कुंभार ( Police Inspector Gorakh Kumbhar) यांनी दिली.

अज्ञात व्यक्तीचा मृतदेह सापडला

जरीपटका पोलिसांनी मृतदेहाची ओळख पाठविण्याचे प्रयत्न सुरू केले आहेत. मृतकाचे वय जवळपास 55 वर्ष असून ओळख अजून पटली नाही. प्लाट नंबर 168 बँक कॉलनी येथील ही घटना आहे. कृपलानी नावाच्या व्यक्तीचा प्लाट आहे. 55 वर्षीय व्यक्तीचा पुरुष जातीचा मृतदेह सापडला आहे. प्राथमिक अवस्थेत कोणत्यातरी प्राण्यानं शरीराला कुरतडले असल्याचं दिसून येतंय. त्यासंदर्भात प्राथमिक चौकशी सुरू आहे.

मृतदेहाला कुरतडले कुणी?

हा व्यक्ती इथं कसा आला. तो मृतदेह कुणाचा आहे, हे अद्याप स्पष्ट झाले नाही. पण, शरीर कुरतडलेले असल्यानं भीती व्यक्त केली जात आहे. कदाचित उंदरानं कुरतले असावं, अशी शक्यता व्यक्त केली जात आहे. पण, याबाबत पुष्टी झालेली नाही. शवविच्छेदनानंतर हे कदाचित कळू शकेल.