ई-सेवा केंद्र, रेशनकार्डवरुन भाजप आक्रमक, मागण्या मान्य करा अन्यथा रस्त्यावर उतरु, तीन आमदारांचा इशारा
नागपूर शहरात ई-सेवा केंद्र वाढवावे, राशनकार्ड वरून काही नागरिकांना अजूनही रेशन मिळत नाही त्यांना त्वरित रेशन सुरू करावे आणि निराधार नागरिकांचे मानधन देण्यात अशा काही मागण्या भाजपने केल्या आहेत.
नागपूर : सामान्य नागरिकांच्या प्रश्नांना घेऊ नागपूर भाजप आक्रमक झाली आहे. नागपूर शहरात ई-सेवा केंद्र वाढवावे, रेशनकार्ड वरून काही नागरिकांना अजूनही राशन मिळत नाही त्यांना त्वरित रेशन सुरू करावे आणि निराधार नागरिकांचे मानधन देण्यात अशा काही मागण्या भाजपने केल्या आहेत. या मागण्यांसाठी भाजपने जिल्हाधिकाऱ्यांना निवेदन दिले आहे. या सगळ्या मागण्या मान्य झाल्या नाही तर रस्त्यावर उतरण्याचा इशारादेखील भाजपने दिला आहे. (nagpur bjp demands to increase e seva centers and activate ration card of poor people)
शहरात फार कमी ठिकाणी ई-सेवा केंद्रे
नागपुरातील भाजप आमदार प्रवीण दटके, मोहन मते आणि विकास कुंभारे या तीन आमदारांच्या नेतृत्वात हे निवेदन देण्यात आलं. यावेळी काही नागरिकसुद्धा उपस्थित होते. शहरात फार कमी ठिकाणी ई-सेवा केंद्रं आहेत. त्यामुळे कोरोनाकाळात वेगवेगळे सर्टिफिकेट मिळवण्यासाठी या ठिकाणी मोठी गर्दी होते. गर्दी होऊ नये म्हणून ई-सेवाकेंद्रांमध्ये वाढ करण्याला महापालिकेने परवानगी दिली आहे. असे असले तरी जिल्हाधिकारी कार्यालयात त्याची प्रक्रिया थांबलेली आहे. ही प्रक्रिया लवकरत लवकर पूर्ण करावी अशी मागणी भाजपने केली आहे.
निराधार नागरिकांना त्यांचं मानधन वेळेत द्यावे
तसेच अनेक नागरिकांचे राशन कार्ड एनपीए करण्यात आले आहे. त्यामुळे त्यांना रेशन मिळत नसल्यामुळे एनपीए रेशन कार्डदेखील सुरु करावे आणि निराधार नागरिकांना त्यांचं मानधन वेळेत द्यावे अशी मागणी यावेळी भाजपच्या आमदारांनी केली. निवेदन देऊनही या मागण्या मान्य झाल्या नाही तर आगामी काळात रस्त्यावर उतरून आंदोलन करण्याचा इशारा भाजपने दिला आहे.
इतर बातम्या :
भाजपचं मिशन नागपूर महापालिका, युवा वॉरिअर्सची फळी उभारणार,चंद्रशेखर बावनकुळेंची माहिती
नागपूर मनपाचं पितळ उघडं, लाखो रुपये खर्चूनही सखल भागात पाणी साचलं
(nagpur bjp demands to increase e seva centers and activate ration card of poor people)
VIDEO : Special Report | तालिबानच्या कामगिरीवर इमरान खान भलतेच खूश ! https://t.co/JxScZteAYm#Taliban #ImranKhan #Pakistan
— TV9 Marathi (@TV9Marathi) August 18, 2021
