Godrej Properties | गोदरेज प्रॉपर्टीजची नागपुरात जमीन खरेदी, विमानतळालगत 58 एकर जागा प्लाट्ससाठी

नागपूर : गोदरेज प्रॉपर्टीजनं (Godrej Properties) नागपुरात मोठी गुंतवणूक केलीय. 1.5 मिलीयन स्वेअर फूट जागा प्लाटिंगसाठी खरेदी केली. विशेष म्हणजे ही जागा नागपूर विमानतळाच्या जवळ नागपूर-हैदराबाद (Nagpur-Hyderabad) महामार्गावर आहे. गोदरेज प्रॉपर्टीज लिमिटेड (जीपीएल) गुरुवारी सांगितलं की, नागपुरात 58 एकर जागा खरेदी केली. या जागेचा वापर प्लाटिंगसाठी करण्यात येणार आहे. ही जागा नागपूर विमानतळालगत (Near Nagpur Airport) नागपूर-हैदराबाद महामार्गावर आहे. जीपीएलनी सांगितलं की, नागपुरात विशेषतः मेट्रो रेल प्रोजेक्ट, आयटी, मिहान सेझमध्ये मॅन्युफॅक्चरिंग युनिट आणि एअरपोर्ट कार्बो हब आहे. समृद्धी महामार्गामुळं या भागाला बुस्ट मिळणार आहे. कनेक्टिव्हीटी वाढल्यामुळं राहण्याच्या जागेचीही मागणी वाढणार आहे.

मार्चमध्ये सोनिपतमध्ये 50 एकर जागा

जीपीएलचे एमडी तथा सीईओ म्हणाले, आम्ही या नवीन प्रोजेक्टमुळं आनंदी आहोत. देशात महत्त्वाच्या ठिकाणी राहण्यायोग्य जागेतली ही गुंतवणूक आहे. त्यामुळं आमचं अस्तित्व अधिक मजबूत होणार आहे. या रहिवासी जागेत चांगल्या जीवनमानासाठी आम्ही सेवा पुरविणार आहोत. मार्चमध्ये कंपनीनं हरियाणातील सोनिपतमध्ये 50 एकर जागा संपादित केली. हीसुद्धा प्लाटिंगच्या दृष्टिकोणातून जागा खरेदी करण्यात आली.

मुंबईत मुख्यालय

गोदरेज प्रॉपर्टीजनं नागपुरात गुंतवणूक केल्यानं जमिनीच्या भावात वाढ होणार आहे. ही जागा समृद्धी महामार्गालगत असल्यानं प्लाटिंगला चांगली संधी आहे. याठिकाणी रहिवाशांची संख्या वाढेल, हे हेरून गोदरेज प्रापर्टीजनं ही गुंतवणूक केली आहे. गोदरेज प्रॉपर्टी लिमिटेड ही रिअल इस्टेटमध्ये काम करणारी कंपनी आहे. मुंबईत त्यांचं मुख्यालय आहे. 1990 मध्ये या कंपनीची स्थापना आदी गोदरेज यांच्या नेतृत्तात झाली. गोदरेज प्रापर्टी लिमिटेड ही कंपनी बाँबे स्टॉक एक्सचेंज आणि नॅशनल स्टॉक एक्सचेंज येथे लिस्टेड आहे.