AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

शब्द फुटत नव्हते, अश्रू अनावर, नानांबद्दल बोलताना अण्णा हजारे भावूक; म्हणाले, नाना सारखा माणूस होणे नाही…

ज्येष्ठ समाजसेवक अण्णा हजारे अभिनेते नाना पाटेकर यांच्या निधनाने अत्यंत भावूक झाले. त्यांना अश्रू अनावर झाले. नाना पाटेकर म्हणजे समाज आणि देशासाठी दीपस्तंभासारखे होते, असे अण्णा म्हणाले. जलसंधारण, नाम फाउंडेशन अशा अनेक क्षेत्रांत त्यांनी मोठे कार्य केले. त्यांचे जाणे म्हणजे समाजासाठी मोठी हानी असून, असा माणूस होणे नाही.

शब्द फुटत नव्हते, अश्रू अनावर, नानांबद्दल बोलताना अण्णा हजारे भावूक; म्हणाले, नाना सारखा माणूस होणे नाही...
nana patekarImage Credit source: tv9 marathi
| Updated on: Oct 08, 2026 | 2:18 PM
Share

अभिनेते नाना पाटेकर यांच्या निधनामुळे सर्वांनाच धक्का बसला आहे. नाना पाटेकर आपल्यात नाहीत यावर अजूनही लोकांचा विश्वास बसत नाहीये. सेलिब्रिटी असो की नेते सर्वांनाच नानांवर बोलताना अश्रू आवरणे कठिण झाले आहे. ज्येष्ठ समाजसेवक अण्णा हजारे हे नाना पाटेकरांवर बोलताना अस्वस्थ झाले. त्यांच्या तोंडातून शब्दच फुटत नव्हते. डोळ्यातून अश्रू येत होते. नाना पाटेकरांचं कार्य दीपस्तंभासारखं आहे. त्यांनी खूप मोठं काम केलं. असा माणूस होणार नाही, अशा शब्दात अण्णा हजारे यांनी नाना पाटेकर यांना श्रद्धांजली वाहिली आहे.

नाना पाटेकर गेल्याचं वृत्त ऐकून अण्णा हजारेही अस्वस्थ झाले. मीडियासमोर त्यांना अश्रू आवरणं कठिण झालं. नाना सारखा माणूस होणार नाही. त्यांनी फार मोठं काम केलंय. नुसतं काम केलं नाही, वादळी सागरात संचार करणाऱ्या नौकांना जसा दिपस्तंभ आधार असतो, तसं नाना पाटेकरांचं जीवन दीपस्तंभासारखं आधार होतं. समाज आणि देशासाठी नाना पाटेकर दीपस्तंभासारखे आधार होते. त्यांनी केवळ एकाच क्षेत्रात काम केलं नाही. त्यांनी सर्वच क्षेत्रात खूप मोठं काम केलं. साधा पाण्याचा प्रश्न त्यांनी उचलून धरला. पाणी अडवा, पाणी जिरवा. हे त्यांनी कृतीने करून दाखवलं, असं अण्णा हजारे म्हणाले.

अशी माणसं होणार नाही

अशी माणसं होणार नाही. त्यांच्या आत्म्याला चिरशांती लाभो, अशी ईश्वरचरणी प्रार्थना करतो. नाम फाऊंडेशनच्या माध्यमातून त्यांनी मोठं काम केलं. समाजाला दिशा देणारं काम झालं. माणसं येतात जातात. येणं-जाणं हे एका कालचक्रासारखं सुरू आहे. पण काही माणसं समाजाला दिशा देऊन जातात. देशाला नवीन दिशा देऊन जातात, असं काही माणसांचं जीवन असतं. नाना पाटेकरांच्या जीवनात ते पाहायला मिळालं, असंही अण्णा म्हणाले.

नानांचे जाणे दु:खद

यावेळी पोपटराव पवार यांनीही नाना पाटेकर यांना श्रद्धांजली अर्पण केली. नानांचे जाणे दु:खद आहे. दुष्काळी परिस्थितीत महाराष्ट्राचा आधारवड हरवला. नानांचा आणि हिवरे बाजारचा ऋणानुबंध 22 सप्टेंबर 2015 पासूनचा होता. नानांनी त्यांच्या घरी गणपतीसाठी बोलवले होते. त्यावेळी नानांनी मारलेली मीठी आजही स्मरणात आहे. नाम फाउंडेशनची सुरुवातही हिवरे बाजारपासूनच झाली, असं पोपटराव पवार म्हणाले.

नाना नेहमीच मदत करायचे

दरम्यान, पुण्यातील डोणजे गावात नानांच्या पार्थिवावर अंतिमसंस्कार होणार आहे. या गावावर शोककळा पसरली आहे. या गावातील ग्रामस्थांना तर नाना गेले यावर विश्वासच बसेनासा झाला आहे. नानांनी डोणजे गावात पाण्यासंदर्भात खूप मोठे काम केले आहे. शेती कशी करावी याचं नेहमी ते तरुणांना मार्गदर्शन करायचे. अडचणीच्या वेळी नाना आम्हाला नेहमी मदत करायचे. डोणजे गावासाठी नानांनी खूप काम केलं आहे. नाना गेल्यामुळे गावावर दुःखाचा डोंगर कोसळला आहे, असं ग्रामस्थांनी म्हटलंय.

Follow Us
पदवीपेक्षा कौशल्याला महत्त्व! तरुणांना फडणवीसांचा मोलाचा संदेश; उल्हास
पदवीपेक्षा कौशल्याला महत्त्व! तरुणांना फडणवीसांचा मोलाचा संदेश; उल्हासनगरच्या विकासासाठीही मोठ्या घोषणा
गोव्याचा आंतरराष्ट्रीय स्तरावर डंका! मांद्रे आणि गाल्जीबागा बीचला...
गोव्याचा आंतरराष्ट्रीय स्तरावर डंका! मांद्रे आणि गाल्जीबागा बीचला प्रतिष्ठित ब्लू फ्लॅग पुरस्कार
माफी मागा, अन्यथा महाराष्ट्रात फिरू देणार नाही; आनंदराज आंबेडकरांना...
माफी मागा, अन्यथा महाराष्ट्रात फिरू देणार नाही; आनंदराज आंबेडकरांना राष्ट्रवादीचा इशारा!
वाशिममध्ये दुष्काळाचे सावट! 23 गोशाळांमधील चारा-पाणीटंचाईचे संकट
वाशिममध्ये दुष्काळाचे सावट! 23 गोशाळांमधील हजारो जनावरांवर चारा-पाणीटंचाईचे संकट
डिलिमिटेशन विधेयकावर सुप्रिया सुळे काय म्हणाल्या? एका वाक्यात दिलं...
Supriya Sule : डिलिमिटेशन विधेयकावर सुप्रिया सुळे काय म्हणाल्या? एका वाक्यात दिलं उत्तर
जळगाव महापालिकेच्या महासभेत राडा! इब्राहीम पटेल यांच्या वक्तव्याने...
जळगाव महापालिकेच्या महासभेत राडा! इब्राहीम पटेल यांच्या वक्तव्याने भाजप-ठाकरे गट आमनेसामने, नगरसेवकांचा सभात्याग
सेन्सॉर बोर्डाच्या अडवणुकीवर दिपाली सय्यद आक्रमक; 'महाराष्ट्र एपस्टाईन
सेन्सॉर बोर्डाच्या अडवणुकीवर दिपाली सय्यद आक्रमक; 'महाराष्ट्र एपस्टाईन फाईल्स'साठी आंदोलनाचा इशारा!
मोठी ऑफर की... 150 कोटींच्या आरोपावर भुजबळांचा संजय राऊतांना उलटसवाल
मोठी ऑफर की... 150 कोटींच्या आरोपावर भुजबळांचा संजय राऊतांना उलटसवाल; थेट...
अजितदादांवरील वक्तव्याने वाद पेटला! आनंदराज आंबेडकरांना विधान भोवलं
अजितदादांवरील वक्तव्याने वाद पेटला! आनंदराज आंबेडकरांना सुरज चव्हाणांचा थेट इशारा
सोनिया गांधींचं पुस्तक फाडणाऱ्यांना आशिष शेलारांचा खणखणीत टोला...
सोनिया गांधींचं पुस्तक फाडणाऱ्यांना आशिष शेलारांचा खणखणीत टोला; संजय राऊतांवरही साधला निशाणा!