Ashok Kharat: भोंदू अशोक खरातकडून नरबळी? पोलिस तपासात आढळले काय?
Nashik Bhondu Ashok kharat: नाशिकचा भोंदू अशोक खरात हा गेल्या 10 दिवसांपासून पोलीस कोठडीत आहे. आज त्याला न्यायालयात हजर करण्यात येणार आहे. भोंदूविरोधात पोलीस आता कोणता नवीन युक्तीवाद करतात. कोणता पुरावा सादर करतात याची चर्चा सुरू झाली आहे. दरम्यान भोंदू अशोक खरातने नरबळी दिल्याच्या दिशेने तपास सुरू आहे.
Nashik Bhondu Ashok kharat: नाशिक येथील भोंदूबाबा अशोक खरात हा गेल्या 10 दिवसांपासून पोलीस कोठडीत आहे. आज त्याला न्यायालयात हजर करण्यात आले आहे. त्याच्यावरील गुन्ह्यांच्या संख्येत वाढ झाली आहे. त्याच्याविरोधात अनेक महिला सरसावल्या आहेत. त्याची गेल्या दहा दिवसात कसून चौकशी करण्यात आली. आज त्याची पोलीस कोठडी संपत आहे. पोलीस न्यायालयात कोणता युक्तीवाद करतात आणि त्याच्याविरोधात कोणता नवीन पुरावा सादर करतात याची चर्चा सुरू आहे. तर दुसरीकडे अशोक खरात याने मंत्र-तंत्र, अघोरी पूजा आणि जादूटोण्याची भीती दाखवून अनेकांना गंडा घातला. तर महिलांचे लैंगिक शोषण केल्याचे समोर आले आहे. आता खरातने नरबळी दिल्याच्या अनुषंगाने तपास करण्यात येत आहे.
खरातला अजून दोन दिवसांची कोठडी?
अशोक खरातला यापूर्वी पोलिसांनी 5 दिवसांची पोलीस कोठडी मागितली होती. ही कोठडी आज संपत आहे. त्याला आज नाशिक येथील सत्र न्यायालयात हजर करण्यात येईल. पोलीस त्याची दोन दिवसांची पोलीस कोठडी मागण्याची शक्यता आहे. खरात विरोधात आतापर्यंत 11 गुन्हे दाखल झाले आहेत. त्यात महिलांच्या लैंगिक छळाचे अधिक गुन्हे आहेत. तर दोन गुन्हे आर्थिक फसवणुकीचे आहे. त्याने हवाला आणि सावकारीच्या माध्यमातून देश-परदेशात कोट्यवधींची हेराफेरी केल्याची बाब समोर येत आहे. आयकर खात्याने भोंदू खरातच्या मालमत्तेचा तपास सुरू केला आहे.
खरातने दिला नरबळी?
SIT चौकशीत पाच वापरलेले काडतूस सापडले होते. या काडतूसाच्या अनुषंगाने नरबळीचा संशय व्यक्त करण्यात येत आहे. एसआयटीने नरबळीच्या अनुषंगाने तपास केला आहे. आज न्यायालयात याविषयीचा मोठा खुलासा होण्याची शक्यता वर्तवली जात आहे. जर खरातवर खुनाचा गुन्हा दाखल झाला तर हे प्रकरण गंभीर वळणावर जाणार आहे. आज न्यायालयात काय होणार याकडे सर्वांचे लक्ष लागले आहे.
तपास काय काय घेतले ताब्यात?
यादरम्यान नकली साप ,अंगठ्या , बनावट अत्तर, नवसाग, चिंचोके, बनावट मध लोटा तांब्या जप्त केल्याची माहिती समोर आली आहे. जादूटोण्याच्या अनुषंगाने एसआयटीकडून देखील तपास करण्यात आला आहे. भोंदू अशोक खरात यांच्या कार्यालयात पोलिसांकडून तांत्रिक पुरावे गोळा करण्यात आले आहेत. पीडित महिलांसह घटनास्थळावर पंचनामा करण्यात आला. किती महिलांवर लैंगिक अत्याचार केल्याची एसटी मार्फत चौकशी करण्यात आली आहे. भोंदू खरात जवळ असलेल्या मालमत्तेची देखील चौकशी करण्यात आली आहे.
