Nashik | आली लहर केला कहर! मनोरुग्ण चक्क इलेक्ट्रिक टॉवरवर, पुढे काय घडलं वाचा!
आपत्ती व्यवस्थापनच्या टीमने संपूर्ण घटना रेल्वे सुरक्षा बल, रेल्वे पोलीस, स्टेशन मास्टर यांना कळवली. मात्र, रेल्वे प्रशासनाकडून कोणत्याच प्रकारची मदत मिळाली नाही. तोपर्यंत लोकांची गर्दी सातत्याने वाढत होती. लोक या संपूर्ण घटनेचा व्हिडीओ मोबाईलमध्ये काढत होते. मनोरूग्ण टॉवरवरून खाली उतरण्याच्या अगोदर याचा व्हिडीओ सोशल मीडियावर व्हायरल झाला.
नाशिक : आज सकाळी कसारा रेल्वे स्थानकाजवळ (Kasara railway station) एक धक्कादायक घटना घडलीयं. सकाळी 7 च्या सुमारस एक मनोरुग्ण मध्य रेल्वेच्या कसारा रेल्वे स्थानका जवळील इलेक्ट्रिक टॉवरवर चढल्याची माहिती आपत्ती व्यवस्थापन टीमला मिळाली. तोपर्यंत इलेक्ट्रिक टॉवरजवळ (Electric tower) बघ्यांची मोठी गर्दी जमली होती. माहिती समजताच आपत्ती व्यवस्थापनची टीम तात्काळ घटनास्थळी पोहचली आणि मदतकार्य सुरू केले. मात्र, काही केल्याने हा मनोरुग्ण (Mental disorder) व्यक्ती इलेक्ट्रिक टॉवरवरच्या खाली येण्याचे नाव घेत नव्हता.
रेल्वे सुरक्षा बल आणि रेल्वे पोलीसांनी केले दुर्लक्ष
आपत्ती व्यवस्थापनच्या टीमने संपूर्ण घटना रेल्वे सुरक्षा बल, रेल्वे पोलीस, स्टेशन मास्टर यांना कळवली. मात्र, रेल्वे प्रशासनाकडून कोणत्याच प्रकारची मदत मिळाली नाही. तोपर्यंत लोकांची गर्दी सातत्याने वाढत होती. लोक या संपूर्ण घटनेचा व्हिडीओ मोबाईलमध्ये काढत होते. मनोरूग्ण टॉवरवरून खाली उतरण्याच्या अगोदर याचा व्हिडीओ सोशल मीडियावर व्हायरल झाला.
अखेर अनेक प्रयत्न करून मनोरूग्णांला टॉवरवरून उतरवले खाली
या मनोरूग्णांला टॉवरवरून खाली कसे उतरवायचे हा मोठा प्रश्न आपत्ती व्यवस्थापनच्या टिमसमोर होता. काहीच मदत मिळत नसल्याचे पाहून आणि मनोरुग्ण ऐकत नसल्याने त्याचा जीव वाचवण्यासाठी आपत्ती व्यवस्थापन टीमने एका रेल्वे कर्मचारीच्या मदतीने त्याला आपण चहा प्यायला जाऊ असे खोटे सांगत एक तासाच्या अथक प्रयत्नांनी खाली उतरवले. खाली उतरल्यावर त्याला चहा पाजला आणि नंतर त्या मनोरुग्णाला रेल्वे प्लॅटफॉर्मकडे सोडण्यात आले.
