Video: जलनेती केल्यास कोरोना संसर्ग टाळता येतो; नाशिकच्या महापौरांचा प्रात्यक्षिकांसह दावा

जलनेतीचा प्रयोग केल्यास कोरोनाचा संसर्ग टाळता येऊ शकतो, असा दावा नाशिकचे महापौर सतीश कुलकर्णी यांनी केला आहे. (use jal neti for fight against coronavirus, says mayor satish kulkarni)

Video: जलनेती केल्यास कोरोना संसर्ग टाळता येतो; नाशिकच्या महापौरांचा प्रात्यक्षिकांसह दावा
satish kulkarni


नाशिक: जलनेतीचा प्रयोग केल्यास कोरोनाचा संसर्ग टाळता येऊ शकतो, असा दावा नाशिकचे महापौर सतीश कुलकर्णी यांनी केला आहे. एवढेच नव्हे तर कुलकर्णी यांनी जलनेतीचा प्रयोग करून दाखवत सर्वांनाच आश्चर्याचा धक्का दिला. (use jal neti for fight against coronavirus, says mayor satish kulkarni)

महापौर सतीश कुलकर्णी यांनी कोरोना संसर्ग टाळण्यासाठी नाशिककरांनी जलनेतीचा प्रयोग करण्याचं आवाहन केलं आहे. एवढेच नव्हे तर त्यांनी मीडिया आणि भाजपच्या कार्यकर्त्यांच्या उपस्थितीत जलनेतीचा प्रयोगच करून दाखवला. त्यामुळे उपस्थित असलेले सर्वचजण अचंबित झाले. मात्र, जलनेतीने खरोखरच कोरोनापासून बचाव करता येतो का? यावर तर्कवितर्क लढवले जात आहेत.

कोरोनावर जलनेती उपयुक्त

राज्यातील कोरोनाची परिस्थिती सर्वांना माहीत आहे. त्यामुळे कोरोनापासून बचाव करण्यासाठी जलनेती अत्यंत उपयुक्त आहे. योगशास्त्रातही जलनेतीचं महत्त्व विशद करण्यात आलं आहे. जलनेतीचा प्रयोग केल्यास नाक आणि तोंडातून होणारा कोरोनाचा संसर्ग टाळता येऊ शकतो, असं सतीश कुलकर्णी यांनी सांगितलं.

जलनेतीसाठी आवश्यक साधने

जलनेती करण्यासाठी एक भांडं, चिमूटभर मीठ आणि कोमट पाणी हवं. जलनेतीचं भांडं लांब आणि निमूळत्या आकाराचं असावं. नाकातून पाणी सोडता येईल, असं ते भांडं असावं.

जलनेतीचे फायदे

रोज जलनेती केल्यास नासिका स्वच्छ राहतात. त्यामुळे नाकातील धूळ आणि बॅक्टेरियाचे कण निघून जातात. जलनेतीमुळे नाकातील संवेदनशील तंतू मुलायम होतात. दमा असणाऱ्यांसाठी जलनेती अत्यंत उपयुक्त असल्याचं मानलं जातं. त्यामुळे श्वसन प्रक्रिया सुरळीत होते. सायनस आणि मायग्रेनचा त्रास असणाऱ्यांसाठी जलनेती उपयुक्त असल्याचं सांगितलं जातं.

या गोष्टींपासून सावध राहा

जलनेती केल्यावर नासिका सुकल्या पाहिजेत. नासिका सुकवताना उच्च रक्तदाब असलेल्या लोकांनी सावध राहायला हवं. नासिका सुकवताना चक्कर येत असेल तर उभे राहूनच नासिका सुकवाव्यात. प्रयोगानंतर नाकात पाणी राहणार नाही, याची काळजी घ्या. नाही तर संक्रमणाचा धोका बळावतो. जलनेतीमध्ये पारंगत असलेल्या व्यक्तिच्या देखरेखीतच हा प्रयोग करा. मनाने प्रयोग करू नका, असं सूत्रांनी सांगितलं. (use jal neti for fight against coronavirus, says mayor satish kulkarni)

संबंधित बातम्या:

Maharashtra Coronavirus LIVE Update : सोलापुरात 45 वर्षांच्या पुढील नागरिकांना आज लस, नागरिकांच्या रांगा

मोठी बातमी! भारतात आता लहान मुलांनाही कोरोनाची लस; 2 ते 18 वर्षाच्या मुलांवरील ट्रायलला मंजुरी

अरे देवा! अमरावतीत म्युकरमायकोसिसचा शिरकाव; प्रशासनात खळबळ

(use jal neti for fight against coronavirus, says mayor satish kulkarni)