Breaking : नवी मुंबईत राज्यव्यापी मराठा आरक्षण गोलमेज परिषद; नारायण राणे, आठवले, दरेकर उपस्थित राहणार

मराठा आरक्षणावरुन संपूर्ण राज्यात रान पेटलेलं असताना आता आज नवी मुंबईत राज्यव्यापी मराठा आरक्षण गोलमेज परिषद पार पडत आहे. (Maratha Golmej Parishad in Navi Mumbai Maratha Reservation)

Breaking : नवी मुंबईत राज्यव्यापी मराठा आरक्षण गोलमेज परिषद; नारायण राणे, आठवले, दरेकर उपस्थित राहणार
नारायण राणे, रामदास आठवले आणि प्रवीण दरेकर

नवी मुंबई :  मराठा आरक्षणावरुन संपूर्ण राज्यात रान पेटलेलं असताना आता आज नवी मुंबईत राज्यव्यापी मराठा आरक्षण गोलमेज परिषद पार पडत आहे. या परिषदेला माजी मुख्यमंत्री, केंद्रिय मंत्री आणि राज्याचे विधान परिषदेचे विरोधी पक्षनेते उपस्थित राहणार असल्याने सगळ्यांच्या नजरा या परिषदेकडे लागल्या आहेत. दुपारी एक वाजता या परिषदेला सुरुवात होणार आहे. (Maratha Golmej Parishad in Navi Mumbai Maratha Reservation)

मराठा गोलमेज परिषदेला 3 मोठ्या नेत्यांची उपस्थिती

राज्यातील 42 मराठा संघटना, सकल मराठा समाज तसंच मराठा क्रांती मोर्चाचे प्रतिनिधी या परिषदेला उपस्थित राहणार आहेत. त्यांच्याबरोबरच माजी मुख्यमंत्री तथा भाजप खासदार नारायण राणे (Narayan Rane), विधान परिषदेचे विरोधी पक्षनेते प्रवीण दरेकर (Pravin Darekar) आणि केंद्रीय सामाजिक न्याय राज्यमंत्री रामदास आठवले (Ramadas Athawale) उपस्थित राहणार आहेत.

दुपारी 1 वाजता मराठा गोलमेज परिषदेला सुरवात

42 मराठा संघटना, सकल मराठा समाज तसंच मराठा क्रांती मोर्चाचे प्रतिनिधी आणि राजकीय नेते यांच्या उपस्थितीत ठीक एक वाजता नवी मुंबईमध्ये या परिषदेला सुरुवात होणार आहे. या परिषदेत अनेक महत्त्वांच्या विषयांवर चर्चा होणार आहे. तसंच सरकारविरोधात मराठा आरक्षण मुद्द्यांवरुन आक्रमक होण्याची रणनितीदेखील ठरु शकते, अशी शक्यता आहे.

मागण्या काय?

  • सरकारने मागासवर्गीय आयोग स्थापन करावा
  • अण्णासाहेब पाटील आर्थिक मागास विकास महामंडळाला 200 कोटी रुपये द्यावेत
  • आरक्षण लढ्यातील गुन्हे मागे घ्यावेत या प्रमुख मागण्या

भाजपच्या कार्यकारिणी बैठकीत ठराव काय?

फडणवीस सरकारच्या काळात प्रयत्नांची पराकाष्ठा करून मराठा समाजाला हक्काचे आरक्षण मिळवून दिलेले. मात्र, महाविकास आघाडी सरकारच्या दुर्लक्षामुळे मराठा समाजाचे आरक्षण रद्द झाले. राज्य सरकारने पुन्हा एकदा प्रामाणिक प्रयत्न करून हे आरक्षण पुन्हा मिळवून द्यावे. आरक्षण मिळेपर्यंत मराठा समाजाला विशेष सवलती व 3 हजार कोटीचे आर्थिक पॅकेज द्यावे. या सरकारने पदोन्नती आरक्षणा संदर्भातही संभ्रम निर्माण करून ठेवला आहे. हा संभ्रम लवकरात लवकर दूर करावा तसेच लस खरेदीचे वाचलेले 7 हजार कोटी रुपये बारा बलुतेदार, छोटे व्यवसायिक, शेतकरी, कष्टकरी वर्गाला पॅकेज रूपाने द्यावेत,” या मागण्या करत भाजपने ठराव केले.

(Maratha Golmej Parishad in Navi Mumbai Maratha Reservation)

हे ही वाचा :

मराठा समाजाला 3 हजार कोटींचे, तर बारा बलुतेदारांना 7 हजार कोटींचे पॅकेज द्या, भाजपची मागणी

Read Full Article

Click on your DTH Provider to Add TV9 MARATHI