नकलीपणाच्या ‘त्या’ आरोपावर रोहित पवारांचे निलेश राणेंना प्रत्युत्तर, म्हणाले…

अहमदनगर: रोहित पवार यांची कृषी कायद्यांविषयीची भूमिका दुटप्पी आणि नकलीपणाची असल्याचा आरोप भाजप नेते निलेश राणे (Nilesh Rane) यांनी केला होता. त्यांच्या या आरोपाला रोहित पवार (Rohit Pawar) यांच्याकडून प्रत्युत्तर देण्यात आले आहे. निलेश राणे यांनी ते ट्विट घाईघाईत केले असावे. मी अभ्यास करुनच बोलतो. कोणत्याही बातमीवरुन निष्कर्ष काढताना त्याचा व्यवस्थित अभ्यास केला पाहिजे. मात्र, निलेश राणे यांनी केवळ बातमीच्याआधारे ट्विट केले, असे रोहित पवार यांनी म्हटले. (NCP leader Rohit Pawar on Nilesh Rane tweet)

ते सोमवारी अहमदनगरमध्ये प्रसारमाध्यमांशी बोलत होते. मी शेती विषयात अनेक वर्षांपासून काम करत आहे. त्यामुळे शेतकऱ्यांबद्दल माझी भूमिका मी सविस्तर मांडत असतो. शेतकरी हिताच्या गोष्टी मी करतो, त्याविषयी लपवालपवी करत नाही. कॉन्ट्रॅक्ट फार्मिंग योग्य पद्धतीने केले तर शेतकऱ्याचा फायदा होतो. मात्र केंद्र सरकारने केलेल्या कायद्यात जाचक अटी असल्याचे रोहित पवार यांनी स्पष्ट केले.

कृषी कायद्यांना शेतकऱ्यांचा असलेला विरोध आणि या पार्श्वभूमीवर होत असलेले शेतकरी आंदोलन हा खूप महत्वपूर्ण विषय आहे. यासंदर्भात, मी ४ डिसेंबर २०२० रोजी लिहिलेल्या पोस्टचा आधार घेऊन काही न्यूज पोर्टलने मी दुटप्पीपणा करत असल्याचा आरोप केलाय.https://t.co/0vm0wsWZro pic.twitter.com/Nk7aJrL1YU

— Rohit Pawar (@RRPSpeaks) January 25, 2021

निलेश राणेंचा आरोप काय?

शेतकरी आंदोलनावर भाष्य करुन एकीकडे शेतकऱ्यांना भडकवायचं आणि दुसरीकडे तुमच्याच कंपनीने कंत्राटी शेतीचे फायदे सांगायचे. नकलीपणा काय असतो हे बघा आता, अशा शब्दांत निलेश राणे यांनी रोहित पवार यांच्यावर निशाणा साधला होता.

नकलीपणा काय असतो बघायचं असेल तर हे वाचा. जे रोहित पवार शेतकरी कायद्यांचा संदर्भ देऊन शेतकऱ्यांना भडकवण्याचा प्रयत्न करत आहेत त्याच रोहित पवारांची स्वतःची कंपनी शेतकऱ्यांना करार करण्याचे फायदे सांगत आहेत”, असं म्हणत रोहित पवार यांच्या बारामती अ‌ॅग्रोचा फ्लेक्स निलेश राणे यांनी ट्विट केला होता.

रोहित पवारांनी नकलीपणा केला, कथित पुराव्यासह निलेश राणेंचा हल्ला https://t.co/RuptbtsIwo@meNeeleshNRane @RRPSpeaks #agriculturelaw

— TV9 Marathi (@TV9Marathi) January 25, 2021

संबंधित बातम्या:

असा राज्यपाल पाहिला नाही, त्यांना कंगनाला भेटायला वेळ, पण शेतकऱ्यांना भेटायला नाही : शरद पवार

रोहित पवारांनी नकलीपणा केला, कथित पुराव्यासह निलेश राणेंचा हल्ला

(NCP leader Rohit Pawar on Nilesh Rane tweet)