AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

‘सागर’ बंगल्यावर हालचाली वाढल्या, शरद पवारांचे खासदार बाळ्या मामा म्हात्रे फडणवीसांच्या भेटीला

महाराष्ट्र विधानसभेच्या निवडणुकीनंतर मुख्यमंत्रीपदाबाबत असलेली अनिश्चितता कायम आहे. देवेंद्र फडणवीस यांच्या 'सागर' बंगल्यावर अनेक नेत्यांनी भेटी दिल्या आहेत. राष्ट्रवादी शरद पवार गटाचे बाळ्या मामा म्हात्रे यांच्या भेटीने राजकारणात नव्या चर्चांना उधाण आलं आहे.

'सागर' बंगल्यावर हालचाली वाढल्या, शरद पवारांचे खासदार बाळ्या मामा म्हात्रे फडणवीसांच्या भेटीला
शरद पवारांचे खासदार बाळ्या मामा म्हात्रे फडणवीसांच्या भेटीला
Chetan Patil
Chetan Patil | Updated on: Dec 02, 2024 | 5:35 PM
Share

महाराष्ट्र विधानसभा निवडणुकीच्याआधी हालचालींना वेग आला आहे. राज्यात नव्या सरकारचा शपथविधी हा येत्या 5 डिसेंबरला होणार आहे. महाराष्ट्राचा नवा मुख्यमंत्री कोण होणार? याबाबत भाजपकडून अजूनही अधिकृत घोषणा करण्यात आलेली नाही. त्यामुळे मुख्यमंत्रीपदाबाबतचा सस्पेन्स अद्यापही कायम आहे. अर्थात भाजपचे महाराष्ट्रातील प्रमुख नेते देवेंद्र फडणवीस हेच मुख्यमंत्रीपदाचे खरे दावेदार आहेत. कदाचित तेच मुख्यमंत्रीपदाची शपथ घेतील किंवा तशी दाट शक्यता आहे. याच पार्श्वभूमीवर देवेंद्र फडणवीस यांच्या मुंबईतील सागर बंगल्यावर हालचालींना वेग आला आहे. देवेंद्र फडणवीस यांच्या सागर बंगल्यावर आज अनेक दिग्गज नेत्यांनी दाखल होत त्यांची भेट घेतली आहे. या भेटीगाठींचा अर्थ नेमका काय घ्यायचा? अशी चर्चा सध्या राजकीय वर्तुळात सुरु आहे. कदाचित देवेंद्र फडणवीस हेच मुख्यमंत्री होणार का? असा प्रश्न उपस्थित होत आहे. दरम्यान, भाजपचा विधीमंडळ नेता ठरवण्यासाठी भाजपचे दोन निरीक्षक उद्या राज्यात येणार आहेत. यावेळी भाजपचा विधीमंडळ नेता आणि गटनेता ठरवला जाणार आहे, अशी माहिती मिळत आहे.

या सर्व भेटीगाठी आणि घडामोडी सुरु असताना एक महत्त्वाची घटना समोर आली आहे. राष्ट्रवादी काँग्रेस शरदचंद्र पवार पक्षाचे भिवंडीचे खासदार सुरेश उर्फ बाळ्या मामा म्हात्रे हे देवेंद्र फडणवीस यांच्या भेटीसाठी आज ‘सागर’ बंगल्यावर दाखल झाले. त्यांनी सदिच्छा भेट घेतल्याचं सांगितलं आहे. पण या भेटीचा सविस्तर तपशील अद्याप समोर येऊ शकलेला नाही. विशेष म्हणजे अजित पवार यांच्या पक्षात काही नेते प्रवेश करणार असल्याची चर्चा आहे. असं असताना आज बाळ्या मामा म्हात्रे यांनी फडणवीसांची भेट घेतल्याने राजकीय वर्तुळात चर्चांना उधाण आलं आहे.

रोहित पवार काय म्हणाले?

बाळ्या मामा म्हात्रे यांनी भाजपचे दिग्गज नेते कपिल पाटील यांचा लोकसभा निवडणुकीत पराभव केला आहे. त्यामुळे बाळ्या मामा आणि देवेंद्र फडणवीस यांच्या भेटीकडे सर्वांचं लक्ष आहे. याबाबत आता काय-काय घडामोडी घडतात? ते पाहणं महत्त्वाचं ठरणार आहे. दरम्यान, शरद पवार गटाचे नेते रोहित पवार यांनी या भेटीवर प्रतिक्रिया दिली आहे. “बाळा मामा यांच्या मतदारसंघात गुन्हेगारी वाढली असेल म्हणून ते भेटले असतील, मात्र आमचे आमदार कुठेही संपर्क करत नाहीयत, जर असं कुणी काही करत असेल तर ते लोकांना आवडणार नाही”, अशी प्रतिक्रिया रोहित पवार यांनी दिली आहे.

अनेक दिग्गज नेत्यांनी घेतली फडणवीसांची भेट

देवेंद्र फडणवीस यांच्या सागर बंगल्यावर हालचाली वाढल्या आहेत. अनेक नेत्यांनी सागर बंगल्यात दाखल होत फडणवीसांची भेट घेतली आहे. भाजप नेते चंद्रकांत पाटील, विधानसभा अध्यक्ष राहुल नार्वेकर, गिरीश महाजन, शिंदे गटाचे राजेंद्र राऊत, राष्ट्रवादीचे प्रताप पाटील चिखलीकर, खासदार अनिल बोंडे यांनी सागर बंगल्यावर दाखल होत देवेंद्र फडणवीस यांची भेट घेतली आहे. देवेंद्र फडणवीस यांच्या भेटीसाठी सागर बंगल्यावर नेत्यांची अक्षरश: रिघ लागली आहे. या नेत्यांचं मंत्रिपदासाठी लॉबिंग सुरु असल्याची चर्चा आहे. भाजप आमदार पंकजा मुंडे आणि राष्ट्रवादी काँग्रेसचे आमदार धनंजय मुंडे यांनीदेखील देवेंद्र फडणवीस यांची भेट घेतल्याची माहिती आहे.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी