नदीत बुडालेल्या ‘त्या’ तरुणांचा शोध घेण्यासाठी नदीत सोडले कॅमेरे, एक मृतदेह ट्रेस करण्यास यश

चिपळूण : चिपळूणमधील वशिष्ठी नदीत पोहताना बुडालेल्या दोघांपैकी एकाला ट्रेस करण्यास रेस्क्यू टीमला यश आले आहे. पाण्यात कॅमेरे सोडून एकाला ट्रेस केले आहे. खोल पाण्यात दगडाखाली मृतदेह अडकला आहे. मृतदेह बाहेर काढण्यास अडचणी येत आहेत. रेस्क्यू टीमकडून मृतदेह बाहेर काढण्याचे काम सुरु आहे. दुसऱ्या तरुणाचा अद्याप शोध सुरु आहे. महाड येथील प्रशांत साळुंखे यांच्या रेस्क्यू टीमकडून शोधकार्य सुरु आहे. इतर आठ जण सुखरुप आहेत. बचावलेले सर्वजण आठवीचे विद्यार्थी आहेत. सुट्टीच्या नदीवर अंघोळीचा आनंद लुटणे चांगलेच महागात पडले आहेत. नदीवर अंघोळ करत फोटोग्राफी करत होते. या घनटेमुळे गावावर शोककळा पसरली आहे.

सुट्टी असल्याने नदीवर पोहायला गेले होते

रविवारी सुट्टी असल्याने 10 जण शिरगाव येथे वशिष्ठी नदीत पोहायला गेले होते. यावेळी पाण्याचा अंदाज न आल्याने दोन जण बुडाले. दोघेही दहावीचे विद्यार्थी होते. घटनेची माहिती मिळताच शिरगाव पोलीस घटनास्थळी दाखल झाले. स्थानिकांच्या मदतीने दोन्ही मुलांचा शोध सुरु केला. मात्र त्यांचा काहीच पत्ता लागत नव्हता. यामुळे महाड येथील प्रशांत साळुंखे यांच्या रेस्क्यू टीमला पाचारण करण्यात आले.

नदीत कॅमेरा सोडून एक मृतदेह ट्रेस करण्यास यश

दिवसभर शोध घेतल्यानंतरही रेस्क्यू टीमला मृतदेह हाती लागले नाही. स्थानिकांनी रात्रीच्या वेळीही शोधमोहिम सुरुच ठेवली होती. मात्र पाण्याचा वाढता प्रवाह आणि पाण्याची खोली यामुळे मृतदेह शोधण्यास अपयश आले. अखेर आज सकाळी रेस्क्यू टीमने कॅमेऱ्याच्या मदतीने एकाचा शोध घेण्यास यश मिळवले. नदीच्या पाण्यात कॅमेरे सोडून शोध घेतला असता एका मुलाचा मृतदेह शोधण्यात आला आहे. दुसऱ्या मृतदेहाचा अद्याप शोध सुरु आहे. ट्रेस केलेला मृतदेह बाहेर काढण्याचे प्रयत्न सुरु आहेत.