Gautam Patil | गौतमी पाटील हिचा पाय घसरला, भर मंचावर डान्स करत असताना अचानक…, पाहा VIDEO
सांगली जिल्ह्यातील पलूसमध्ये पृथ्वी-संग्राम युथ फाउंडेशनची दहीहंडी आयोजित करण्यात आली होती. यावेळी गौतमी पाटील हिच्या नृत्याने दहीहंडी उत्सवात रंगत भरली होती. पण गौतमी नाचत असताना अचानक एक अनपेक्षित घटना घडली.
सांगली | 11 सप्टेंबर 2023 : महाराष्ट्रातील सध्याच्या घडीतील आघाडीची आणि लोकप्रिय डान्सर गौतमी पाटील पुन्हा एकदा चर्चेत आली आहे. यावेळी ती चर्चेत येण्यामागील कारण थोडसं वेगळं आहे. गौतमी पाटील स्टेजवर आपला जोरदार परर्फारन्स करत होती. यावेळी तिचा पाय घसरला. त्यामुळे ती मंचावर पडली. पण त्यानंतरही तिने हार मानली नाही. ती पुन्हा जागेवरुन उठली आणि पुन्हा नाचू लागली. तिच्या या प्रसंगाचा व्हिडीओ सोशल मीडियावर व्हायरल होतोय. गौतमी नृत्य करत असताना स्टेजवर अचानक पडल्याने तिच्या चाहत्यांना या घटनेचं वाईट वाटलंय. पण त्यांच्याकडून गौतमीचं कौतुक होतंय.
आयुष्यात कोणतीही परिस्थिती आली किंवा कोणताही प्रसंग आला तर अपयश मानायचं नाही. निराश होऊन काम करणं सोडून द्यायचं नाही तर पुन्हा त्याच जोमाने उभं राहायचं आणि कामाला लागायचं. हाच आदर्श गौतमीने आपल्या या कृतीतून दाखवून दिला आहे. त्यामुळे तिच्या चाहत्यांकडून तिचं कौतुक होत आहे.
नेमकं काय घडलं?
पलूसमध्ये पृथ्वी-संग्राम युथ फाउंडेशनकडून भव्य दहीहंडी उत्सव आयोजित करण्यात आला होता. या दहीहंडी उत्सवाला गौतमी पाटीलच्या नृत्याने उत्सवात रंगत भरली. यावेळी गौतमी नाचत असताना तिचा पाय घसरला. त्यामुळे तिचा स्टेजवर तोल गेला. मात्र तिने लगेच स्वतःला सावरले आणि पुन्हा डान्स सुरू केला. यावेळी काही क्षणासाठी प्रेक्षकांमध्ये देखील धडकी भरली होती. पण तिने स्वत:ला सावरत पुन्हा नृत्य सुरु केल्याने प्रेक्षकांनीही जल्लोष सुरु केला.
डान्सर गौतमी पाटील सांगलीच्या पलूस येथे आयोजित दहीहंडी कार्यक्रमात पाय घसरुन पडली, पण त्यानंतर तिने स्वत:ला लगेच सावरलं. संबंधित घटनेचा व्हिडीओ व्हायरल झालाय. #Gautamipatil #gautamipatil pic.twitter.com/qHMewYnJNA
— TV9 Marathi (@TV9Marathi) September 11, 2023
या मानाच्या दहीहंडीसाठी 1 लाख 55 हजार 555 रुपये इतके बक्षीस होते. तसेच सलामी देणाऱ्या प्रत्येक संघास 25 हजाराचे बक्षीस पृथ्वी-संग्राम युथ फाउंडेशनकडून देण्यात आले. सांगली , कोल्हापूर, सातारा या पश्चिम महाराष्ट्रातील जिल्ह्यातून जवळपास 7 संघ या दहीहंडी उत्सवास उपस्थित राहिले होते.
पलूसमधील पैलवान रोहित पाटील यांनी भव्य अशा या दहीहंडी उत्सवाचे आयोजन केले होते. या दहीहंडी उत्सवाला हजारो तरुणांनी गर्दी करत उत्स्फूर्त प्रतिसाद दर्शवला. यावेळी या दहीहंडी उत्सवाचे प्रमुख आकर्षण राहिलेल्या गौतमी पाटीलनी आपल्या नृत्याने या दहीहंडी उत्सवात रंगत भरली.
