Ratnagiri Accident : रत्नागिरी-कोल्हापूर महामार्गावर आंबा घाटात भीषण अपघात, एक महिन्याच्या बाळासह महिलेचा मृत्यू
या गाडीत सहा माणसे प्रवास करीत होती. यापैकी दोन जण दगावल्याचा अंदाज व्यक्त करण्यात येत आहे. साखरपा पोलिस आणि स्थानिकांकडून आंबा घाटात रेस्क्यु ऑपरेशन सुरु आहे.
रत्नागिरी : रत्नागिरी-कोल्हापूर महामार्गावर आंबा घाटात भीषण अपघात (Accident) झाला असून एक चारचाकी गाडी 400 फूट दरीत कोसळली. या गाडीत सहा माणसे प्रवास करीत होती. यापैकी दोन जण दगावल्याचा अंदाज व्यक्त करण्यात येत आहे. आंबा घाटातील गायमुखच्या आधीच्या वळणावर हा अपघात झाला. साखरपा पोलिस आणि स्थानिकांकडून आंबा घाटात रेस्क्यु ऑपरेशन (Rescue Operation) सुरु आहे. याच ठिकाणचा हा दुसरा अपघात आहे. या अपघातात एक महिन्याचे बाळ आणि एक महिला ठार झाली आहे. यापूर्वी स्विफ्ट कार खाली गेली होती. संरक्षक भिंत आणि गार्ड नसल्याने अपघात झाला. (Woman dies with one-month-old baby in Amba Ghat accident on Ratnagiri-Kolhapur highway)
सांगलीहून गणपतीपुळेला चालले होते सर्वजण
सांगली येथील डॉक्टर हरकूडे आणि डॉक्टर फुलारे कुटुंबीय गणपतीपुळे येथे देवदर्शनासाठी चालले होते. दोन वेगवेगळ्या गाड्यांमधून हे निघाले होते. विसावा पॉइंट या ठिकाणी फोटोग्राफी करून यातील एक गाडी गणपतीपुळे दिशेने निघाली. यामागे येणाऱ्या दुसऱ्या गाडीच्या चालकाचे गाडीवरील नियंत्रण सुटले आणि अपघात झाला. साखरपा पोलिस आणि स्थानिकांनी गाडीतील तीन लहान मुलांना रेस्क्यू केले असून त्यांना उपचारासाठी मलकापूर आणि सीपीआर रुग्णालयात पाठविण्यात आले आहे. या अपघातात एक महिला आणि हरकूडे कुटुंबातील एक महिन्याचे बाळ दगावले आहे.
पालघरमध्ये कार आणि ट्रकचा भीषण अपघात
पालघर माहिम रोडवर कार आणि ट्रकमध्ये झालेल्या भीषण अपघातात कार चालकाचा जागीच मृत्यू झाल्याची दुर्दैवी घटना मंगळवारी घडली. अपघात एवढा भयानक होता की कारचा चक्काचूर झाला आहे. गंगाधर देवकाते (42) असे अपघातात ठार झालेल्या कार चालकाचे नाव आहे. माहिम रोडवर पानेरीजवळ समोरुन येणाऱ्या ट्रकवर कार आदळली. अपघाताची नोंद सातपाटी सागरी पोलीस अंतर्गत माहिम पोलीस चौकीत करण्यात आली. मयत शिक्षक देवकाते हे जालन्याहून पालघरमध्ये आपल्या भावाकडे कुटुंबासह आले होते. देवकाते एकटेच आपली कार घेऊन माहिमच्या दिशेने पालघरला परतत असतानाच पानेरी जवळ त्यांची कार समोरुन येणाऱ्या ट्रकवर आदळली. स्थानिकांनी तात्काळ त्यांना पालघर ग्रामीण रुग्णालयात दाखल केले. मात्र डॉक्टरांनी त्यांना मृत घोषित केले. (Woman dies with one-month-old baby in Amba Ghat accident on Ratnagiri-Kolhapur highway)
इतर बातम्या
Pune Crime | पुण्यातून ‘इसिस शी संबंध असल्याच्या संशयतून एकजण ताब्यात ; एनआयए ने केली कारवाई
