आता पुण्यातील गुंडांची खैर नाही! रेल्वे स्टेशनवर पाऊल ठेवताच…

पुण्यासहित राज्यातील गुंडाची आता खैर नाही. रेल्वे विभागाने घेतलेल्या निर्णयाने सर्व गुंड, गुन्हेगारांची डोकेदुखी वाढली आहे. पुणे रेल्वे स्टेशनवर प्रवाशांच्या सुरक्षेच्या पार्श्वभूमीवर एआय आणि फेस रेकग्निशन तंत्रज्ञानाने सुसज्ज 160 सीसीटीव्ही कॅमेरे कार्यान्वित करण्यात आले आहेत. या कॅमेऱ्याच्या मदतीने स्टेशनवरील संशयास्पद हालचालींवर लक्ष ठेवणे, गुन्हेगारांची ओळख पटवणे, हरविलेल्या व्यक्ती शोधणे आणि गर्दीवर नियंत्रण ठेवणे सोपे जाणार आहे. या नव्या सिस्टीममुळे स्टेशनवरील सुरक्षा व्यवस्थेत मोठी सुधारणा होणार आहे.

पुणे रेल्वे स्टेशनवर प्रवाशांची प्रचंड गर्दी पाहायला मिळते. या स्टेशनवरून जवळपास दीड लाखांहून अधिक प्रवासी प्रवास करतात. या स्टेशनवर कॅमेऱ्यांपैकी 19 कॅमेरे उच्च दर्जाच्या ‘4 के’ रिझोल्यूशनचे असलस्याची माहिती मिळतेय. तसेच गुन्हेगारांच्या छायाचित्रांचा डेटाबेस हा या सिस्टमशी जोडण्यात आलाय. त्यामुळे एखादा गुन्हेगार कॅमेऱ्याच्या जवळफास फिरकला, तर ‘आरपीएफ’च्या कक्षाला ऑटोमॅटिक अलर्ट मिळणार आहे.

एखादी व्यक्ती हरवल्याची तक्रार पोलिसांत दिली असेल, या हरवलेल्या व्यक्तींचे फोटो या सिस्टीममध्ये अपलोड केल्यास हरवलेली व्यक्ती सिस्टीमसमोर येताच अलर्ट मिळणार आहे. या सिस्टीममुळे स्टेशनवरील एखाद्या पुलावर क्षमतेपेक्षा अधिक गर्दी झाल्यासही अलर्ट मिळणार आहे. आता स्टेशनवर एकूण 235 सीसीटीव्ही कॅमेरे आहेत. यातील 160 नवीन आणि 75 जुने कॅमेरे आहेत. आता पुढील सहा महिन्यात जुने कॅमेरे हटविण्यात येणार आहे.

काय आहेत एआय सीसीटीव्ही कॅमेऱ्याची वैशिष्ट्ये?

पुणे रेल्वे स्थानकावर रेकॉर्डवरील पाऊल ठेवताचं त्याची माहिती लगेच सुरक्षा यंत्रणेला मिळणार आहे. सीसीटीव्ही आधारे आणि एआय कॅमेरेद्वारे माहिती पोलिसांना मिळणार आहे. रेल्वे सुरक्षा बलाने रेल्वेशी संबंधित एक हजाराहून अधिक गुन्हेगारांची माहिती छायाचित्रकांसह स्थानकावरील सर्व्हरमध्ये समाविष्ट करण्यात आली आहे. हायटेक सुरक्षेमुळे आता गुन्हेगारांना पकडणे सोपे होणार आहे.