Pune crime : क्रिप्टोकरन्सी ट्रेडिंगमधून नफ्याचं आमिष दाखवत 13 लाख रुपयांनी फसवलं; निगडी पोलिसांत गुन्हा दाखल

पुणे : जास्त परतावा देण्याचे आमिष दाखवून एका व्यक्तीची 13 लाख रुपयांनी फसवणूक (Duped) करण्यात आली आहे. पुण्यातील एका फार्मास्युटिकल कंपनीत ही व्यक्ती मॅनेजर म्हणून काम करते. या 38 वर्षीय व्यक्तीला क्रिप्टोकरन्सी ट्रेडिंगमध्ये (Cryptocurrency trading) जास्त परतावा देण्याचे आमिष दाखवून तब्बल 13 लाख रुपयांची फसवणूक करण्यात आली आणि एक कथित स्कॅमिंग अॅप्लिकेशन डाउनलोड करण्यास सांगण्यात आले. सायबर गुन्हेगारांच्या संघटित टोळीने या व्यक्तीची फसवणूक केली आहे का, याचा तपास आता पोलीस करत आहेत. निगडी पोलिसांत (Nigdi Police) यासंबंधी तक्रार दाखल करण्यात आली होती. एफआयआर नोंदविलेल्या रांजणगाव औद्योगिक परिसरातील एका फार्मा कंपनीत व्यवस्थापक म्हणून काम करणाऱ्या व्यक्तीने सांगितले, की त्याला व्हेनेसा नावाच्या व्यक्तीचा मेसेज आला. बिटकॉइन ट्रेडिंग असिस्टंट म्हणून त्याने स्वतःची ओळख करून दिली होती.

बिटकॉइन ट्रेडिंगबद्दल दिली माहिती

त्या व्यक्तीने बिटकॉइन ट्रेडिंगबद्दल माहिती दिली आणि सांगितले, की बिटकॉइन ट्रेडिंग सुलभ करण्याच्या बदल्यात तिची फर्म 20 टक्के नफा कमिशन म्हणून घेते. त्यानंतर तक्रारदाराला नोंदणी फॉर्मद्वारे त्याची माहिती देण्यास भाग पाडण्यात आले. त्याला फोन आणि अॅप्लिकेशनच्या कॉम्प्युटर, डेस्कटॉप व्हर्जन डाउनलोड करण्यास सांगण्यात आले. त्याला क्रिप्टोकरन्सी ट्रेडिंगसाठी लॉगिन आयडी देण्यात आले होते आणि भारतीय रुपये यूएस डॉलरमध्ये रूपांतरित करून ट्रेडिंग सुरू करण्यासाठी पैसे देण्यास सांगितले होते, असे एफआयआरमध्ये म्हटले आहे.

आणि कर भरण्यास सांगितले

पुढील काही आठवड्यात, त्याने व्यापार सुरू ठेवल्याने, त्याचा आभासी नफा सुमारे 1,56,000 USD किंवा 1.23 कोटी रुपयांच्या जवळपास असल्याचे दाखवले, असे त्याने पोलिसांना सांगितले. जेव्हा त्याने त्याच्या नफ्याचे प्रमाण एन्कॅश करण्यात स्वारस्य दाखवले तेव्हा त्याला प्रथम एका विशिष्ट बँक खात्यात 20 टक्के कमिशन म्हणून 5.25 लाख रुपये भरण्यास सांगितले गेले. नंतर त्याला आणखी एक बनावट कारण देण्यात आले, की त्याने त्याच्या कमाईवर कर भरला नाही आणि त्याच्या नफ्यावर 30 टक्के कर म्हणून 7.37 लाख रुपये भरण्यास सांगण्यात आले, असे एफआयआरमध्ये म्हटले आहे.

पिंपरी चिंचवड पोलिसांशी साधला संपर्क

जेव्हा त्याला सांगण्यात आले, की त्याचे ट्रेडिंग खाते ब्लॉक करण्यात आले आहे, म्हणून आपल्याला 5 लाख रुपये अधिक द्यावे लागतील, तेव्हा त्याला समजले, की आपल्याला फसवले जात आहे. त्यानंतर त्या व्यक्तीने पिंपरी चिंचवड पोलिसांशी संपर्क साधला आणि प्राथमिक तपासानंतर सोमवारी उशिरा निगडी पोलीस ठाण्यात एफआयआर दाखल करण्यात आला.

अज्ञात सायबर गुन्हेगारांवर गुन्हा दाखल

पोलिसांनी अज्ञात सायबर गुन्हेगारांवर गुन्हा दाखल केला आहे, ज्याने क्रिप्टोकरन्सी ट्रेडिंग एक्झिक्युटिव्ह म्हणून स्वत:ची ओळख करून दिली होती. तसेच तक्रारदाराने डाउनलोड करून वापरण्यासाठी केलेला फसवा अर्ज तयार करणाऱ्या अज्ञातांवरही गुन्हा दाखल करण्यात आला आहे. पोलिसांनी फसवणुकीशी संबंधित भारतीय दंड संहिता कलमे तसेच माहिती तंत्रज्ञान कायद्यातील तरतुदींचाही समावेश केला आहे.