Video: हायवेवरच बस पेटली, चांदणी चौकातील हायवेवरच बर्निंग बसचा थरार!
आग विझवताना कोथरुड अग्निशमन केंद्राचे अग्निशमन अधिकारी गजानन पाथ्रुडकर (वय 54) जखमी झाले आहेत. आग विझवत असताना गजानन पाथ्रुडकर यांच्या चेहरा व हाताला अंदाजे 20ते 25 टक्के भाजले आहे. त्यांना उपचाराकरिता तातडीनं रुग्णालयात दाखल करण्यात आले.
पुणे – शहरात आज दिवसभरात वेगवेगळ्या परिसरात तीन घटना घडल्या आहेत. कोथरुडमधील( kothrud) चांदनी चौक परिसरातील हायवेवर बसला (BUS) आग लागल्याची घटना घडली आहे. आगीची माहिती मिळताच अग्निशमन दलाने(Firefighters) तातडीनं घटनास्थळावर धाव घेत आग आटोक्यात आणण्याचा प्रयत्न सुरु केला. बसला लागलेली आग विझवताना कोथरुड अग्निशमन केंद्राचे अग्निशमन अधिकारी गजानन पाथ्रुडकर (वय 54) जखमी झाले आहेत. आग विझवत असताना गजानन पाथ्रुडकर यांच्या चेहरा व हाताला अंदाजे 20ते 25 टक्के भाजले आहे. त्यांना उपचाराकरिता तातडीनं रुग्णालयात दाखल करण्यात आले असून, त्यांच्यावर उपचारही सुरु करण्यात आले. सद्यस्थितीला त्यांची प्रकृती स्थिर असल्याची माहिती रुग्णालयाने द दिली आहे. बसला लागलेल्या आगीचे कारण मात्र अद्यापही समोर आलेले नाही.
गाद्याचे गोडाऊन जाळून खाक
शहराच्या उंड्री-पिसोळी, आंबेकर हॉटेलजवळ एका गोडाउनला आग लागल्याची घटना सकाळी घडली होती . या घटनेची माहिते मिळताच अग्निशामक दलाच्या 10 गाड्या घटना स्थळावर रवाना झाल्या. आगीच्या भक्ष्यस्थानी पडलेले गोडाऊन हे गाद्याचे असल्याची माहिती समोर आली आहे. हे गोडाऊन बंद असल्याने सुदैवाने कोणत्याही प्रकारची जीवित हानी झाली नसल्याची माहिती समोर आली आहे. मात्र या आगीमध्ये संपूर्ण गोडाऊन जाळून खाक झाले.
टेम्पो पेटवून दिला
त्यानंतर दुसरीकडे पुणे-मुंबई द्रुतगती मार्गावरलोणावळा हद्दीत कार व टेम्पोचा अपघात झाला . यामध्ये चिडलेल्या कार चालकाने टेम्पो पेटवून दिल्याची घटना घडली आहे. भेंडे आडनावाचा कार चालक पुण्याला येत होता. लोणावळ्याजवळ आला तेंव्हा त्याची धडक माश्यांची वाहतूक पुढच्या छोटा हत्तीला लागली. यात कारचे नुकसान झाले. याच रागातून भेंडे ने छोटा हत्ती पेटवून दिला. सुदैवाने यात कोणतीही जीवितहानी झालेली नाही. पण छोटा हत्ती जळून खाक झाला. काहीकाळ पुण्याकडे येणारी वाहतूक विस्कळीत होती. ती आता पूर्ववत झालेली आहे. याप्रकरणी लोणावळा पोलिसांत गुन्हा दाखल करण्यात आला आहे.
‘झुंड मराठीत का केला नाही’ विचारणाऱ्यांना नागराज मंजुळेंचं सडेतोड उत्तर; म्हणाले, “मग पुष्पा..”
रशियन फौजा Ukraine मध्ये कुठे-कुठे घुसल्या? | Russia Ukraine Conflict
