भाजपात निघालेल्या काँग्रेसच्या राहुल बोंद्रे यांना थेट राहुल गांधी यांचा फोन, मोठ्या घडामोडी, तुम्ही कुठे जाऊ नका आम्ही..

चिखली विधानसभेचे माजी आमदार राहुल बोंद्रे यांनी सोशल मीडियावर व्हिडीओ शेअर करत आपण भाजपात जाणार असल्याचे जाहीर केले. ज्यानंतर एकच मोठी खळबळ उडाली. राहुल बोंद्रे यांनी काँग्रेसला सोडचिट्टी देणार असल्याचे म्हटल्याने काँग्रेसला थेट झटका बसला. फक्त काँग्रेसच सोडत आहे, हेच नाही तर आपण भाजपात जात असल्याचेही त्यांनी जाहीर केले. यापूर्वी देखील  त्यांनी दोन वेळा सोशल मीडियावर अशाप्रकारचे व्हिडीओ शेअर केले होते. त्यानंतर काँग्रेसच्या राज्यातील वरिष्ठ नेत्यांनी त्यांची मनधरणी केली. यावेळी राहुल बोंद्रे हे त्यांच्या निर्णयावर ठाम होते. चिखली विधानसभेत चांगला संपर्क राहुल बोंद्रे यांचा आहे. राहुल बोंद्रे यांची पक्षाला सोडचिठ्ठी म्हणजे काँग्रेसला मोठा धक्का मानला जात होता.

शेवटी राहुल बोंद्रे यांना भाजपात जाण्यापासून रोखण्यासाठी स्वत: राहुल गांधी मैदानात आले. थेट राहुल गांधी यांनीच राहुल बोंद्रे यांना फोन केला आणि पक्षातच राहण्याबद्दल भाष्य केले. लोकसभेचे विरोधीपक्ष नेते राहुल गांधी यांनी थेट राहुल बोंद्र यांना फोन केला. नुसता फोनच नाही तर त्यांनी म्हटले की, तुम्ही चांगले काम करत आहात. तुम्ही पक्षासोबत प्रामाणिक आहेत.

तुमची पक्षाला गरज आहे. तुम्ही घेतलेल्या निर्णयावर पुन्हा विचार करा. थेट राहुल गांधी हेच राहुल बोंद्रे यांची मनधरणी करताना दिसले. राहुल बोंद्र हे राहुल गांधी यांच्या फोननंतर भाराहून गेले. त्यांनी म्हटले की, तुम्ही मला फोन केला, माझी दखल घेतली. मी आता काँग्रेससाठीच काम करणार आहे. माझ्याकडे काहीही राहिले नाही तरीही मी काँग्रेसचे काम करेल.

माजी आमदाराला काँग्रेसमधून जाण्यापासून रोखण्यासाठी थेट राहुल गांधीच मैदानात उतरल्याने जोरदार चर्चा रंगताना दिसत आहेत. काँग्रेसमधून अनेक मोठे नेते सोडून जाताना दिसत आहेत. नीट पेपरफुटीच्या मुद्द्यात राहुल गांधी आक्रमक भूमिका घेताना दिसले. त्यांनी थेट पंतप्रधान नरेंद्र मोदी यांच्या घराबाहेर जाऊन जोरदार आंदोलन केले. यावेळी प्रियंका गांधीही उपस्थित होत्या.