Oxygen Express | कोरोनाविरोधात लढ्यासाठी आता ‘ऑक्सिजन एक्स्प्रेस’; देशभरातून राज्यात रेल्वेने ऑक्सिजनचा पुरवठा
ऑक्सिजनचा तुटवडा भासत असल्यामुळे देशातील वेगवेगळ्या ठिकाणाहून राज्यात ऑक्सीजन मागवण्यात आला आहे. (railway ministry oxygen express corona patients)
मुंबई : राज्यात कोरोनाची दुसरी लाट आल्यामुळे नव्या रुग्णांचे प्रमाण लक्षणीयरीत्या वाढत आहे. हजारोंनी रुग्ण वाढत असल्यामुळे आरोग्य व्यवस्थेवर प्रचंड ताण पडतो आहे. वेगवेगळी औषधं, रेमडेसिव्हीर इंजेक्शन याबरोबरच ऑक्सिजनचा प्रचंड तुटवडा राज्यात भासत आहे. या पार्श्वभूमीवर एक सकारात्मक बातमी समोर येत आहे. ऑक्सिजनचा तुटवडा भासत असल्यामुळे देशातील वेगवेगळ्या भागातून महाराष्ट्रासाठी ऑक्सिजन मागवण्यात आला आहे. त्यासाठी विशेष ‘ऑक्सिजन एक्स्प्रेस’ (Oxygen Express) धावणार असून यामधून राज्यासाठी ऑक्सिजन आणला जाणार आहे. (Railway Ministry allows transport of Oxygen through train Maharashtra will bring Oxygen by special Oxygen Express for treatment of Corona patients)
महाराष्ट्रासाठी रेल्वेने ऑक्सिजनचा पुरवठा
याविषयी विचारले असता एका रेल्वे अधिकाऱ्याने सविस्तर माहिती दिली आहे. मध्य प्रदेश आणि महाराष्ट्र सरकारने लिक्वीड ऑक्सिजनसाठी रेल्वे मंत्रालयाशी संपर्क साधला होता. या दोन्ही राज्यांनी रेल्वेच्या माध्यमातून ऑक्सिजनच्या वाहतुकीबद्दल विचारणा केली होती. त्यानंतर रेल्वे मंत्रालयाने सोमवारपासून (19 एप्रिल) महाराष्ट्रातून ऑक्सिजनचे खुले टँकर्स रेल्वेमार्गाने विजाग, जमशेदपूर, राऊरकेला, बोकारो येथे पोहोचतील. त्यानंतर येथून महाराष्ट्रासाठी ऑक्सिजनचा पुरवठा रेल्वेमार्गाने केला जाईल, असे या अधिकाऱ्याने सांगितले.
Empty tankers to start journey from Maharashtra on Monday to pick up oxygen from Vizag, Jamshedpur, Rourkela, Bokaro: Railways
— Press Trust of India (@PTI_News) April 18, 2021
दरम्यान, देशात मागील काही दिवसांपासून रेमडेसिव्हीर, व्हेंटिलेटर तसेस ऑक्सिजनचा तुटवडा भासत असून अनेक ठिकाणी रुग्णांचा उपचाराअभावी मृत्यू होत आहे. आरोग्य सुविधा अपुरी पडत असल्यामुळे मध्य प्रदेश, राजस्थान, दिल्ली तसेच महाराष्ट्रात परिस्थिती गंभीर होत चालली आहे. देशात शनिवारी (17 एप्रिल) तब्बल 1501 जणांचा कोरोनामुळे मृत्यू झाला. तर दिवसभरात 2 लाख 61 हजार कोरोना रुग्णांची नोंद केली गेली.
थरकाप उडवणारी घटना ! मोठ्या मुलीची तरुणाशी चॅटिंग, बापाने दोन्ही मुलींच्या अंगावर ट्रक घातलाhttps://t.co/mZAwn9N3ao#Pune | #PuneMurder | #crime | #Daughter | #father
— TV9 Marathi (@TV9Marathi) April 18, 2021
इतर बातम्या :
संतापजनक! चंद्रपुरात कोरोना रुग्णाला बेड मिळाला नाही, बस स्टॉपवर आयुष्याची अखेर
(Railway Ministry allows transport of Oxygen through train Maharashtra will bring Oxygen by special Oxygen Express for treatment of Corona patients)
