AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

MPSC आंदोलनाला राज ठाकरेंचा सशर्त पाठिंबा? विद्यार्थ्यांच्या रागाशी सहमत, पण आंदोलनाच्या मुद्द्यांवर वेगळी भूमिका

MPSC Students Protest: एमपीएससी विद्यार्थ्यांच्या आंदोलनात राज ठाकरे पोहोचले आहेत. यावेळी त्यांनी अध्यक्षांना हटवणं राज्याच्या हातात नाही, असं वक्तव्य केले आहे.

MPSC आंदोलनाला राज ठाकरेंचा सशर्त पाठिंबा? विद्यार्थ्यांच्या रागाशी सहमत, पण आंदोलनाच्या मुद्द्यांवर वेगळी भूमिका
| Updated on: Oct 05, 2026 | 9:18 PM
Share

पुण्यात गेल्या काही दिवसांपासून MPSC विद्यार्थ्यांच्या आंदोलन सुरू आहे. या आंदोलनाला मनसे अध्यक्ष राज ठाकरे यांनी भेट दिली आहे. आयोगाचे अध्यक्ष विवेक भीमनवार यांच्या राजीनाम्यासह परीक्षा प्रक्रियेत पारदर्शकता आणि भरतीबाबतच्या विविध मागण्यांसाठी विद्यार्थी आंदोलन करत आहेत. आंदोलनाच्या पाचव्या दिवसापर्यंतही विद्यार्थ्यांचा आक्रोश कायम असल्याचे वृत्त आहे. मात्र यावळी राज ठाकरेंच्या भूमिकेमुळे विद्यार्थी संभ्रमात असल्याचे दिसून आले आहे. तसेच राज ठाकरेंची एपीएमसी आंदोलकांशी भेट, पण भूमिकेवर समेट नाही, असं दिसून आले.

राज ठाकरे यांनी आंदोलनस्थळी विद्यार्थ्यांशी संवाद साधताना त्यांच्या प्रश्नांबाबत सहवेदना व्यक्त केली. मात्र त्यांच्या वक्तव्यामुळे आंदोलनाला पाठिंबा नेमका कोणत्या मुद्द्यांवर आहे, याबाबत काही विद्यार्थ्यांमध्ये संभ्रम निर्माण झाल्याची चर्चा होत आहे. राज ठाकरे यांनी विद्यार्थ्यांच्या मनातील संतापाशी आपण सहमत असल्याचे सांगितले. मात्र आंदोलनातील प्रत्येक मागणी किंवा भूमिकेला पाठिंबा देण्याऐवजी त्यांनी व्यापक व्यवस्थेवर भाष्य केले.

MPSC अध्यक्ष विवेक भीमनवार यांना हटवण्याच्या मागणीबाबतही राज ठाकरे यांनी महत्त्वाची भूमिका मांडली. अध्यक्ष हे घटनात्मक पदावर असल्याने त्यांना थेट राज्य सरकार किंवा राज्यपाल हटवू शकत नसल्याचे त्यांनी स्पष्ट केले. अध्यक्षांच्या नियुक्ती आणि पदावरून हटवण्याची प्रक्रिया संविधानाच्या कलम 317 अंतर्गत वेगळी असल्याचे सरकारकडूनही स्पष्ट करण्यात आले आहे.

यामुळे गेल्या काही दिवसांपासून ज्या मागणीसाठी विद्यार्थी आंदोलन करत आहेत, त्यावर राज ठाकरेंची भूमिका आंदोलकांसाठी महत्त्वाची ठरली आहे. विद्यार्थ्यांचा संताप रास्त असला, तरी पुढील दिशा ठरवण्यापूर्वी नेमकी घटनात्मक प्रक्रिया समजून घेण्याची गरज असल्याचा संदेश त्यांच्या भूमिकेतून दिसून आला. राज ठाकरे यांनी विद्यार्थ्यांना सरकारवर दबाव वाढवण्याचे आवाहन केले. विद्यार्थ्यांच्या प्रश्नांकडे दुर्लक्ष झाल्यास त्याचा परिणाम भविष्यातील पिढीवर होईल, अशी भूमिका त्यांनी मांडली.

महाराष्ट्रातील तरुणांना रोजगाराच्या संधी मिळणे हा महत्त्वाचा मुद्दा असल्याचेही त्यांनी अधोरेखित केले. त्यामुळे राज ठाकरेंची आंदोलनस्थळी झालेली भेट ही विद्यार्थ्यांच्या संतापाला पाठिंबा देणारी असली तरी MPSC अध्यक्षांच्या राजीनाम्याच्या मागणीसह प्रत्येक मागणीबाबत त्यांची भूमिका स्वतंत्रपणे पाहावी लागणार आहे. परिणामी आंदोलनाची पुढील दिशा काय असेल आणि राज ठाकरेंच्या भूमिकेचा त्यावर किती परिणाम होतो, याकडे आता लक्ष लागले आहे.

Follow Us
पदवीपेक्षा कौशल्याला महत्त्व! तरुणांना फडणवीसांचा मोलाचा संदेश; उल्हास
पदवीपेक्षा कौशल्याला महत्त्व! तरुणांना फडणवीसांचा मोलाचा संदेश; उल्हासनगरच्या विकासासाठीही मोठ्या घोषणा
गोव्याचा आंतरराष्ट्रीय स्तरावर डंका! मांद्रे आणि गाल्जीबागा बीचला...
गोव्याचा आंतरराष्ट्रीय स्तरावर डंका! मांद्रे आणि गाल्जीबागा बीचला प्रतिष्ठित ब्लू फ्लॅग पुरस्कार
माफी मागा, अन्यथा महाराष्ट्रात फिरू देणार नाही; आनंदराज आंबेडकरांना...
माफी मागा, अन्यथा महाराष्ट्रात फिरू देणार नाही; आनंदराज आंबेडकरांना राष्ट्रवादीचा इशारा!
वाशिममध्ये दुष्काळाचे सावट! 23 गोशाळांमधील चारा-पाणीटंचाईचे संकट
वाशिममध्ये दुष्काळाचे सावट! 23 गोशाळांमधील हजारो जनावरांवर चारा-पाणीटंचाईचे संकट
डिलिमिटेशन विधेयकावर सुप्रिया सुळे काय म्हणाल्या? एका वाक्यात दिलं...
Supriya Sule : डिलिमिटेशन विधेयकावर सुप्रिया सुळे काय म्हणाल्या? एका वाक्यात दिलं उत्तर
जळगाव महापालिकेच्या महासभेत राडा! इब्राहीम पटेल यांच्या वक्तव्याने...
जळगाव महापालिकेच्या महासभेत राडा! इब्राहीम पटेल यांच्या वक्तव्याने भाजप-ठाकरे गट आमनेसामने, नगरसेवकांचा सभात्याग
सेन्सॉर बोर्डाच्या अडवणुकीवर दिपाली सय्यद आक्रमक; 'महाराष्ट्र एपस्टाईन
सेन्सॉर बोर्डाच्या अडवणुकीवर दिपाली सय्यद आक्रमक; 'महाराष्ट्र एपस्टाईन फाईल्स'साठी आंदोलनाचा इशारा!
मोठी ऑफर की... 150 कोटींच्या आरोपावर भुजबळांचा संजय राऊतांना उलटसवाल
मोठी ऑफर की... 150 कोटींच्या आरोपावर भुजबळांचा संजय राऊतांना उलटसवाल; थेट...
अजितदादांवरील वक्तव्याने वाद पेटला! आनंदराज आंबेडकरांना विधान भोवलं
अजितदादांवरील वक्तव्याने वाद पेटला! आनंदराज आंबेडकरांना सुरज चव्हाणांचा थेट इशारा
सोनिया गांधींचं पुस्तक फाडणाऱ्यांना आशिष शेलारांचा खणखणीत टोला...
सोनिया गांधींचं पुस्तक फाडणाऱ्यांना आशिष शेलारांचा खणखणीत टोला; संजय राऊतांवरही साधला निशाणा!