राज्यात मोठा राजकीय भूकंप? उद्धव ठाकरे यांना मोठा झटका? ऑपरेशन टायगरची तारीख आणि मुहूर्तही ठरला? मोठी अपडेट काय?

Uddhav Thackeray And Eknath Shinde: रविवारी राज्यात मोठी राजकीय घडामोड घडत आहे. उद्धव ठाकरे यांनी आज मातोश्रीवर बैठक बोलावली आहे. या बैठकीला सद्या खासदार अरविंद सावंत, राजाभाऊ वाजे, संजय राऊत, विनायक राऊत हे उपस्थित झाले आहे तर दोन खासदार हे ऑनलाईन उपस्थित असतील. दोन खासदार सध्या नॉट रिचेबल आहे. इतर खासदार लवकरच मातोश्रीवर पोहचत आहेत. दरम्यान ऑपरेशन टायगरचा मुहूर्त आणि तारीख ठरल्याची माहिती शिंदे सेनेच्या एका बड्या नेत्याने टीव्ही ९ मराठीला दिली आहे. पुढील आठवड्यात मोठा खेला होण्याची शक्यता वर्तवली जात आहे.

पुढील आठवड्यात ऑपरेशन टायगर?

येत्या 7-8 दिवसात ठाकरे सेनेचे काही खासदार उपमुख्यमंत्री एकनाथ शिंदे यांच्या शिवसेनेत दिसतील असा दावा मोठ्या नेत्याने केला आहे. ऑपरेशन टायगरची तारीख आणि मुहूर्त या नेत्याने सांगितला आहे. पण किती आणि कोण खासदार शिंदे सेनेसोबत येतील याची माहिती त्यांनी दिली नाही. त्यामुळे शिंदे सेनेत जाणारे खासदार कोण हे मात्र अद्याप गुलदस्त्यातच आहे. येत्या एक ते दोन दिवसात याविषयीची माहिती समोर येण्याची शक्यता आहे.

दोन खासदार नॉट रिचेबल

शिर्डीचे खासदार भाऊसाहेब वाकचौरे हे सकाळपासून नॉट रिचेबल आहेत. त्यांचा मोबाईल सकाळपासून लागत नसल्याची माहिती समोर आली आहे. तर परभणीचे खासदार संजय जाधव यांच्याविषयी माहिती समोर आलेली नाही. यापूर्वी त्यांनी उद्धव सेना सोडण्याचे स्पष्ट संकेत दिले होते. त्यांनी राजकीय व्यावहारिकपणाचे संकेत दिले होते. तर खासदार नागेश पाटील आष्टीकर आणि संजय देशमुख हे ऑनलाईन उपस्थित असतील.

दहा दिवसांनी राजकीय भूकंप?

येत्या दहा दिवसात एकनाथ शिंदे यांच्या सेनेत उद्धव सेनेचे काही खासदार येण्याची शक्यता बड्या नेत्याने वर्तवली आहे. येत्या दहा दिवसात मोठा राजकीय भूकंप होण्याची शक्यता या नेत्याने वर्तवली आहे. गेल्या दोन वर्षांपासून ऑपरेशन टायगरची चर्चा होत आहे. त्यातच काही खासदारांनी बैठकांना दांडी मारल्याने चर्चाला उधाण आले होते. पण अद्याप एकही खासदार शिंदे सेनेत गेलेला नाही. त्यात आता पुन्हा काही खासदार शिंदे सेनेत येण्याचा दावा करण्यात आला आहे. हा दावा कितपत खरा ठरतो यासाठी अजून दहा दिवस वाट पाहावी लागणार आहे.