AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

जेवणानंतर आयुर्वेदिक काढा घेतल्याने तिघांची प्रकृती बिघडली, रुग्णालयात उपचारादरम्यान पिता-पुत्राचा मृत्यू

सध्या पावसाळा सुरु आहे. त्यामुळे सर्दी खोकल्याची साथ पसरली आहे. सर्दी खोकल्यासाठी अनेक जण आयुर्वेदिक उपचारांचा अवलंब करतात. पण आयुर्वेदिक उपचार करत असताना योग्य पथ्य पाळले नाही तर काय होतं याची प्रचिती सातऱ्यात आली.

जेवणानंतर आयुर्वेदिक काढा घेतल्याने तिघांची प्रकृती बिघडली, रुग्णालयात उपचारादरम्यान पिता-पुत्राचा मृत्यू
आयुर्वेदिक काढा प्यायल्यानंतर बाप-लेकाचा मृत्यूImage Credit source: TV9
| Edited By: वैजंता गोगावले | Updated on: Jul 10, 2023 | 10:37 AM
Share

सातारा : सध्या पावसाळा सुरु आहे. पावसाळ्यात सर्दी, खोकल्याची साथ पसरते. यामुळे अनेक जण डॉक्टरांच्या औषधापेक्षा घरगुती उपायांवर भर देतात. मात्र आयुर्वेदिक औषध कधी घ्यावे आणि कोणत्या पदार्थांवर घेऊ नये याचे ज्ञान नसल्याने कधी कधी आरोग्यासाठी हानीकारक ठरु शकते. कधी कधी जीवावरही बेतते. अशीच एक घटना सातारा जिल्ह्यातील फलटण तालुक्यात उघडकीस आली आहे. सर्दी, खोकला होता म्हणून रात्री जेवणानंतर सर्वांनी घरगुती आयुर्वेदिक काढा प्यायला. त्यानंतर मध्यरात्री वडील, मुलगा आणि मुलीची प्रकृती बिघडली. यानंतर उपचारादरम्यान पिता-पुत्राचा मृत्यू झाला. या घटनेमुळे गावात शोककळा पसरली आहे. याप्रकरणी फलटण पोलिसात आकस्मित मृत्यूची घटना घडली आहे.

काय घडलं नेमकं?

हणमंतराव पोतेकर आणि अमित पोतेकर असे मयत पिता-पुत्राचे नाव आहे. मृत्यूचे नेमके कारण अद्याप समजले नसले तरी विषबाधेमुळे हे मृत्यू झाल्याची प्राथमिक माहिती मिळते. पोतेकर कुटुंबीयांनी काल रविवार असल्याने दुपारी मटण खाल्ले होते. त्यानंतर रात्री पुरणपोळ्या खाल्ल्या. मग जेवणानंतर आयुर्वेदिक काढा घेतला आणि रात्री झोपी गेले.

मध्यरात्रीच्या सुमारास हणमंतराव, मुलगा अमित आणि त्यांची मुलगी या तिघांना त्रास होऊ लागला. त्यांना तात्काळ शहरातील खाजगी रुग्णालयात उपचारासाठी दाखल केले. मात्र पहाटेच्या सुमारास हनुमंतराव पोतेकर यांचा मृत्यू झाला. त्यानंतर पंधरा मिनिटांनी मुलगा अमित पोतेकर याची प्राणज्योत मालवली. तर उपचारानंतर मुलीची प्रकृती स्थिर आहे.

विषबाधेमुळे मृत्यू झाल्याचा अंदाज

दोन्ही मृतदेह शवविच्छेदनासाठी पाठवण्यात आले आहेत. शवविच्छेदन अहवालानंतरच मृत्यूचे नेमके कारण स्पष्ट होईल. दरम्यान, पिता-पुत्राच्या आकस्मित मृत्यूमुळे पोतेकर कुटुंबावर दुःखाचा डोंगर कोसळला आहे. फलटण शहरातही पिता-पुत्राच्या मृत्यूमुळे हळहळ व्यक्त करण्यात येत आहे. अमित हा पुणे येथे खाजगी बँकेत नोकरीला होता. त्याच्या लग्नाविषयी स्थळ पाहण्याचं काम सुरू होतं. वडील आठवडा बाजारात भाजीपाला धान्य विक्रीचे व्यवसाय त्यांचा होता. नॉनव्हेज, पुरणपोळी आणि आयुर्वेदिक काढा यामुळे विषबाधा झाली असावी, असा अंदाज व्यक्त केला जात आहे.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी