शिंदे गटात मोठी खळबळ! 6 खासदारांच्या बंडखोरीबाबत सुप्रीम कोर्टाचं मोठं पाऊल; एका खासदाराला… घडामोडी वाढल्या!

राज्याच्या राजकारणातून मोठी बातमी समोर आली आहे. काही दिवसांपूर्वी शिवसेना उद्धव बाळासाहेब ठाकरे पक्षातून 6 खासदारांनी एकनाथ शिंदे यांच्या पक्षात प्रवेश केला होता. या 6 पैकी एक यवतमाळ-वाशिम लोकसभा मतदारसंघाचे खासदार संजय देशमुख यांना सुप्रीम कोर्टाकडून नोटीस बजावण्यात आली आहे. ठाकरे गटाचे खासदार अरविंद सावंत यांनी सहा खासदारांच्या बंडखोरी विरोधात याचिका दाखल केली होती, या संदर्भात ही नोटीस बजावण्यात आल्याची माहिती समोर आली आहे. यामुळे एकनाथ शिंदेंच्या शिवसेनेत खळबळ उडाली आहे.

खासदार संजय देशमुख यांना नोटीस

उद्धव ठाकरे यांच्या शिवसेनेतून एकनाथ शिंदे यांच्या शिवसेनेत गेलेले यवतमाळ-वाशिम लोकसभा मतदारसंघाचे खासदार संजय देशमुख यांना सुप्रीम कोर्टाकडून नोटीस बजावण्यात आली आहे. खासदार अरविंद सावंत यांनी सहा खासदारांच्या बंडखोरी विरोधात याचिका दाखल केली होती, या बाबत ही नोटीस बजावण्यात आली आहे. सुप्रीम कोर्टाची नोटीस घेऊन ठाकरे सेनेचे खासदार अरविंद सावंत यांचे स्वीयसहायक दिपक घोगल मुंबईतून संजय देशमुख यांच्या चिंचोली येथील निवासस्थानी दाखल झाले आहे.

31 तारखेला सुनावणी

मुंबईतील पदाधिकाऱ्यांसह यवतमाळचे जिल्हाप्रमुख सह स्थानिक सेनेचे पदाधिकारी सध्या चिंचोली येथे हजर आहेत. आता या याचिकेवर न्यायालयासमोर 31 ऑगस्ट रोजी सकाळी 10:30 वाजता सुनावणी होणार आहे. बंडखोर खासदार हजर न राहिल्यास या प्रकरणाची सुनावणी त्यांच्या अनुपस्थितीत घेतल्या जाईल असे स्पष्ट निर्देश नोटीसमध्ये नमूद करण्यात आले आहे.

दरम्यान, जून महिन्यात यवतमाळ-वाशिमचे खासदार संजय देशमुख यांच्यासह सहा खासदारांनी ठाकरेंची साथ सोडत शिंदेसेनेत प्रवेश केला होता. हा उद्धव ठाकरे यांना मोठा धक्का होता. बंडखोर खासदारांमध्ये धाराशिवचे खासदार ओमराजे निंबाळकर, परभणीचे खासदार संजय जाधव, शिर्डीचे खासदार भाऊसाहेब वाकचौरे, ईशान्य मुंबईचे खासदार संजय दिना पाटील, यवतमाळ वाशिमचे खासदार संजय देशमुख, हिंगोलीचे खासदार नागेश पाटील आष्टीकर यांचा समावेश होता. या बंडखोरीनंतर ठाकरे गटाने या खासदारांच्या अपात्रतेसाठी कारवाई सुरू केली आहे. त्याचाच एक भाग म्हणून ही नोटीस बजावण्यात आली आहे.