Thane Theft : गाडीच्या काचा फोडून कारटेप चोरणाऱ्या चोरट्याला बेड्या, कळवा पोलिसांकडून चार गुन्ह्यांची केली उकल

ठाण्यातील कळवा पोलीस ठाण्याच्या कारटेप चोरीचा गुन्हा दाखल करण्यात आला होता. गुन्हा दाखल झाल्यानंतर कळवा पोलिसांनी तपासाला सुरुवात केली. तपासादरम्यान पोलिसांच्या हाती एक सीसीटीव्ही लागला.

Thane Theft : गाडीच्या काचा फोडून कारटेप चोरणाऱ्या चोरट्याला बेड्या, कळवा पोलिसांकडून चार गुन्ह्यांची केली उकल
गाडीच्या काचा फोडून कारटेप चोरणाऱ्या चोरट्याला बेड्या
Image Credit source: TV9
गणेश थोरात

| Edited By: वैजंता गोगावले, टीव्ही 9 मराठी डिजीटल टीम

Aug 13, 2022 | 5:22 PM

ठाणे : ठाणे आणि आसपासच्या शहरांमध्ये गाडीची काच फोडून कारमधील टेप चोरी (Theft Tape) करणाऱ्या सराईत गुन्हेगाराला बेड्या ठोकण्यात कळवा पोलिसांना यश आले आहे. या अटक (Arrest) करण्यात आलेल्या आरोपीचा चोरी करतानाचा सीसीटीव्ही (CCTV) पोलिसांच्या हाती लागला. तब्बल 40 सीसीटीव्हीचा माघोवा घेत कळवा पोलिसांनी मुंब्रा येथून आरोपीला अटक केली आहे. पुढील तपास कळवा पोलीस करत आहेत. जुबेर अहमद रईस अहमद (32) असे अटक करण्यात आलेल्या आरोपीचे नाव आहे. आरोपीकडून पोलिसांना 1 लाख 69 हजार रुपये किमतीचे तब्बल 20 हून अधिक कारटेप हस्तगत केले आहेत.

या प्रकरणी जुबेरचा एक साथीदार हा अद्याप फरार असून, त्याचा शोध कळवा पोलीस घेत आहेत. याआधी त्याने आणखी कुठे अशा प्रकारच्या चोऱ्या केल्या आहेत ? त्याचे आणखी किती साथीदार आहेत ? त्याच्या चोरी केलेले कारटेप तो कुठे विकतो ? याचा तपास कळवा पोलीस करत असल्याची माहिती परिमंडळ 1 चे पोलीस उपायुक्त अविनाश अंबुरे यांनी दिली आहे.

आरोपीकडून चार गुन्ह्यांची उकल

ठाण्यातील कळवा पोलीस ठाण्याच्या कारटेप चोरीचा गुन्हा दाखल करण्यात आला होता. गुन्हा दाखल झाल्यानंतर कळवा पोलिसांनी तपासाला सुरुवात केली. तपासादरम्यान पोलिसांच्या हाती एक सीसीटीव्ही लागला. या सीसीटीव्हीमध्ये दोन तरुण दुचाकीच्या सहाय्याने येऊन रस्त्याच्या कडेला उभ्या असलेल्या चारचाकी वाहनांची काच फोडून त्याच्या आतील कारटेप चोरी करताना आढळून आले. या सीसीटीव्हीच्या मदतीने पोलिसांनी तब्बल 40 सीसीटीव्हीचा माघोवा घेत मुंब्य्राच्या नारायण नगर येथून गुन्हेगाराला ताब्यात घेण्यात यश आले. या आरोपीकडून पोलिसांनी कळवा, वर्तकनगर, ठाणे नगर सारख्या इतर अशा एकूण 4 गुन्ह्यांची उकल केली आहे. या गुन्हेगाराला पोलिसांनी न्यायालयात हजर केले असता न्यायालयाने त्याला 16 ऑगस्टपर्यंत पोलीस कोठडी सुनावली आहे. अटक करण्यात आलेला आरोपी हा सराईत गुन्हेगार आहे. आरोपीने याआधी मुंबई, पणजी, गोवा अशा ठिकाणी देखील असेच गुन्हे केले असल्याची माहिती पोलिसांच्या हाती लागली आहे. (Kalwa police arrested the thief who broke the car window and stole car tape)

हे सुद्धा वाचा


Non Stop LIVE Update

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें