ठाण्यात शिवसेना आणि राष्ट्रवादीच्या नगरसेवकांमध्ये बाचाबाची, आव्हाड-शिंदे यांच्या समोर असं का झालं?

शिवसेना आणि राष्ट्रवादीच्या नगरसेवकांमध्ये बाचाबाची झाली. त्यामुळे राज्यात जरी एकत्र असले तरी स्थानिक पातळीवरची खदखद पुन्हा बाहेर आली आहे, या सगळ्या वादाला सुरूवात बॅनरबाजीवरून झाली.

ठाण्यात शिवसेना आणि राष्ट्रवादीच्या नगरसेवकांमध्ये बाचाबाची, आव्हाड-शिंदे यांच्या समोर असं का झालं?
jitendra-awhad

  ठाणे : आज ठाण्यात कळवा येथील खारीगावमध्ये उड्डाणपुलाच्या लोकार्पणाचा कार्यक्रम आयोजित करण्यात आला होता. यावेळी महाविकास आघाडीतील (Mahavikas Aghadi) दोन पक्षातील कार्यकर्ते पुन्हा एकदा आमनेसामने आल्याचे दिसून आले. जितेंद्र आव्हाड आणि एकनाथ शिंदेंच्या उपस्थित हा कार्यक्रम सुरू होण्याआधी राष्ट्रवादी (Ncp) आणि शिवसेनेचे (Shivsena) कार्यकर्ते आक्रमक झाल्याचे दिसून आले, हे प्रकरण एवढ्यावरच थांबले नाही तर शिवसेना आणि राष्ट्रवादीच्या नगरसेवकांमध्ये बाचाबाची झाली. त्यामुळे राज्यात जरी एकत्र असले तरी स्थानिक पातळीवरची खदखद पुन्हा बाहेर आली आहे, या सगळ्या वादाला सुरूवात बॅनरबाजीवरून झाली. कळव्यातील खारीगाव उड्डाणपुलाच्या लोकार्पणावरून श्रेयवाद उफाळून आला. कार्यक्रमाच्या सुरूवातीला शिवसेनेचे बॅनर दिसून आले, त्यामुळे राष्ट्रवादी कार्यकर्ते आक्रमक झाले, काही वेळातच नंतर राष्ट्रवादीच्या कार्यकर्त्यांनी बॅनर लावले. महाविकास आघाडीतील कार्यकर्ते आमनेसामने येण्याची ही पहिलीच वेळ नाही, याआधीही अनेकदा कार्यकर्ते आमनेसामने आले आहेत.

श्रेयवादाची लढाई बाचाबाचीपर्यंत

राष्ट्रवादीच्या कार्यकत्यांनी बॅनर लावल्यानंतर मोठा हायव्होल्टेज ड्रामा सुरू झाला. काही वेळातच हा वाद फक्त बॅनरबाजीवर थांबला नाही तर थेट हमरातुमरीवर पोहोचला. यावेळी पाठपुरावा आम्ही केला आणि बॅनरबाजी तुमची हा दोन्हीकडील कार्यकर्त्यांचा समज होत. कार्यकर्ते तर एकमेकांना भिडलेच, मात्र नगरसेवकही मागे राहिले, यावेळी नगरसेवाकांमध्येही जोरदार बाचाबाची झाली. यावेळी शिवसेनेचे नगरसेवक उमेश पाटील आणि राष्ट्रवादीचे नगरसेवक महेश साळवी शाब्दिक चकमक देखील बघायला मिळाली.

एकनाथ शिंदे यांच्या हस्ते लोकार्पण

ठाण्यातील खारीगाव उड्डाणापुलाचा लोकार्पण सोहळा आज फार पडतोय. ठाण्याचे पालकमंत्री आणि राज्याचे नगरविकास मंत्री एकनाथ शिंदे यांच्या हस्ते लोकार्पण करण्यात आले. यावेळी मंत्री जितेंद्र आव्हाडही स्टेजवर एकनाथ शिंदे यांच्यासोबत उपस्थ होते, मात्र कार्यकर्त्यांना याचेही भान राहिले नाही. या उड्डाणपुलामुळे ठाणेकरांची मोठ्या वाहतूक कोंडीतून सुटका होणार आहे.

काँग्रेसशी युतीवरून वडेट्टीवारांचं संजय राऊतांना प्रत्युत्तर, युतीबाबत वडेट्टीवार म्हणतात…

आता रस्त्यांसाठी जमीन गेली तर मोबदला कमी मिळणार! कारण सांगताना अजित पवारांनी गडकरींकडे बोट दाखवलं

PDCC Bank Chairman : अजित पवार यांचं धक्कातंत्र, पुणे जिल्हा बँकेच्या अध्यक्षपदी दिगंबर दुर्गाडे, उपाध्यक्षपदी सुनील चांदेरेंची वर्णी

Published On - 4:05 pm, Sat, 15 January 22

Click on your DTH Provider to Add TV9 MARATHI