शिवसेनेच्या माजी आमदाराकडून भाजपच्या केंद्रीय राज्यमंत्र्याला शुभेच्छा, राजकीय वर्तुळात चर्चेला उधाण

डोंबिवली : काही महिन्यांपूर्वी पार पडलेल्या केंद्रीय मंत्रिमंडळ विस्तारात खासदार कपिल पाटील यांची थेट केंद्रीय राज्यमंत्रीपदी वर्णी लागली आहे. केंद्रीय राज्यमंत्री पदाची शपथ घेतल्यानंतर पहिल्यांदाच कपिल पाटील यांच्या नेतृत्वात जन आशीर्वाद यात्रा काढण्यात येणार आहे. येत्या सोमवारी ठाण्यात या यात्रेचे आयोजन करण्यात आले आहे. तर दुसरीकडे शिवसेनेकडून कपिल पाटील यांना शुभेच्छा देणारे बॅनर लावण्यात आले आहेत. त्यामुळे राजकीय वर्तुळात चर्चेला उधाण आले आहे. (ShivSena leader Subhash Bhoir congratulates BJP State Union Minister Kapil Patil using banner at kalyan)

भाजपमध्ये उत्साहाचे वातावरण

कपिल पाटील यांना केंद्रीय राज्यमंत्रीपद मिळाल्यानंतर ठाणे जिल्ह्यात जन आशीर्वाद यात्रा सोमवारी काढली जाणार आहे. प्रथमच आगरी समाजातील एखाद्या नेत्याला केंद्रात मंत्रीपद मिळाल्याने भाजपच्या कार्यकर्त्यांमध्ये उत्साहाचे वातावरण पाहायला मिळत आहे. जन आशीर्वाद यात्रेनिमित्त ठिकठिकाणी बॅनरबाजी करण्यात आली आहे.

सुभाष भोईर यांच्या बॅनरची सर्वत्र चर्चा

मात्र कल्याण शीळफाटा परिसरात लावलेल्या एका बॅनरमुळे सर्वांच्या भुवया उंचावल्या आहेत. कल्याण ग्रामीणचे शिवसेनेचे माजी आमदार सुभाष भोईर यांचे सुपूत्र सुमित भोईर यांनी हा बॅनर लावला आहे. यावर सुभाष भोईर आणि कपिल पाटील यांचा एकत्रित फोटो पाहायला मिळत आहे. त्यामुळे राजकीय क्षेत्रात खळबळ उडाली आहे.

राजकीय क्षेत्रात खळबळ

सुभाष भोईर यांची 2019 च्या विधानसभा निवडणुकीत ऐनवेळी उमेदवारी डावलण्यात आली होती. त्याऐवजी दुसऱ्या उमेदवाराला तिकीट देण्यात आले होते. त्यामुळे सुभाष भोईर यांचा हा बॅनर शुभेच्छा देणारा आहे की, काही राजकीय संकेत देणारा, हे येत्या काळात उघड होणार आहे. विशेष म्हणजे शिवसेनेच्या काही नगरसेवकांकडून कपिल पाटील यांचे शुभेच्छा देणारे बॅनर लावण्यात येण्याची शक्यता वर्तवली जात आहे.

इतर बातम्या

काही लोक म्हणत असतील 75 वर्षात काहीच घडलं नाही, पण…; गृहमंत्री दिलीप वळसे-पाटलांचा भाजपवर निशाणा

असे राज्यपाल येऊ शकतील असं बाबासाहेबांनाही वाटलं नसेल; मुश्रीफ यांचा राज्यपाल कोश्यारींना खोचक टोला

मोदी म्हणतात, भारत-पाक फाळणीचा स्मृती दिन साजरा करणार; पटोले म्हणातात, हा तर देशांतर्गत फाळणीचा डाव

(ShivSena leader Subhash Bhoir congratulates BJP State Union Minister Kapil Patil using banner at kalyan)