राज्यातील कोरोना रुग्णांची संख्या 3202 वर, कोठे किती रुग्ण?

मुंबई : राज्यातील कोरोनाबाधित एकूण रुग्णांची संख्या 3202 वर पोहचली आहे. आज दिवसभरात 286 नवीन रुग्णांची नोंद झाली (Total Corona Patient in Maharashtra). दिवसभरात 5 रुग्णांना उपचारानंतर घरी सोडण्यात आले आहे. यासह आतापर्यंत राज्यभरात 300 रुग्ण बरे झाले आहेत, अशी माहिती आरोग्यमंत्री राजेश टोपे यांनी दिली. राज्यात आत्तापर्यंत 56 हजार 673 कोरोना चाचणी झाल्या आहेत. त्यापैकी 52 हजार 762 जणांचे प्रयोगशाळा नमुने कोरोना चाचणीत निगेटिव्ह आले आहेत, तर 3202 जण पॉझिटिव्ह आले आहेत.

सध्या राज्यात 71,076 लोक होम क्वारंटाईनमध्ये असून 6108 लोक संस्थात्मक क्वारंटाईनमध्ये आहेत. आज राज्यात 7 कोरोना बाधित रुग्णांचा मृत्यू झाला आहे. आज झालेल्या मृत्यूपैकी मुंबईचे 3, पुण्यातील 4 आहेत. त्यापैकी 5 पुरुष तर 2 महिला आहेत. आज झालेल्या 7 मृत्यूपैकी 4 जण हे 60 वर्षे किंवा त्यावरील आहेत. 3 रुग्ण हे वय वर्षे 40 ते 60 या वयोगटातील आहेत. मृत्यूमुखी पडलेल्या 7 जणांपैकी 6 रुग्णांमध्ये (86 टक्के) मधुमेह, उच्च रक्तदाब, अस्थमा, हृदयरोग अशा स्वरुपाचे अतिजोखमीचे आजार आढळले आहेत. कोरोनामुळे राज्यात झालेल्या मृत्यूंची संख्या आता 194 झाली आहे.

महाराष्ट्र राज्यात कोरोनामुळे होणाऱ्या मृत्यूचा दर हा देशातील इतर राज्यांपेक्षा जास्त आहे. या मृत्यूंची कारणं शोधणं, उपाययोजना करणे, जिल्हा पातळीवर रुग्णोपचार करणाऱ्या डॉक्टरांना मार्गदर्शन करण्यासाठी राज्यस्तरावर तज्ज्ञ डॉक्टरांचे विशेष दल (टास्क फोर्स) स्थापन करण्यात आले आहे. यामुळे राज्यात कोरोना रुग्णांवर उपचार करणाऱ्या डॉक्टरांसाठी एक हॉटलाईन उपलब्ध होणार आहे. या टास्क फोर्समधील तज्ज्ञ डॉक्टरांना सोमवार ते रविवार असे दिवस वाटप करण्यात आले आहेत. या टास्क फोर्समध्ये शासकीय तसेच खासगी आरोग्य क्षेत्रातील तज्ज्ञांचा समावेश आहे. डॉ. झहीर उदवाडिया , डॉ. नितीन कर्णिक, डॉ. वसंत नागवेकर, डॉ. केदार तोरस्कर, डॉ. ओम श्रीवास्तव , डॉ. शशांक जोशी आणि डॉ. राहुल पंडीत या तज्ज्ञांचा या टास्क फोर्समध्ये समावेश आहे.

राज्यातील ज्या भागात रुग्णांचे क्लस्टर सापडले आहेत त्या ठिकाणी क्लस्टर कंटेनमेंट कृतियोजना अंमलात आणण्यात येत आहे. राज्यात सध्या 297 कंटेनमेंट झोन क्रियाशील आहेत. आतापर्यंत एकूण 5664 सर्वेक्षण पथकांनी 20.50 लाखाहून अधिक लोकसंख्येचं सर्वेक्षण केलेले आहे.

कोरोना रुग्णांची अद्ययावत आकडेवारी:

संबंधित बातम्या :

सोशल मीडियावर खोटी माहिती पसरवणाऱ्यांना झटका, सायबर विभागाकडून 218 गुन्हे दाखल, 45 आरोपींना अटक

चिमुकल्यापासून आजीबाईंपर्यंत कोरोनाशी यशस्वी लढा, राज्यात कोठे किती रुग्ण बरे?

Corona : पुणे विभागात 518 कोरोनाबाधित, आतापर्यंत 47 जणांचा बळी

कोरोना नियंत्रणाचं काम करणाऱ्या खासगी डॉक्टरांनाही विमा संरक्षण द्या : खासदार राहुल शेवाळे

घर खाली करणे, बांधकाम तोडणे या कारवायांना स्थगिती, मुंबई उच्च न्यायालयाचा मोठा निर्णय

Total Corona Patient in Maharashtra